ياناس محتار ابي فزعتكم

شكرا لكم جميعاااااااااااااااااا

وعليكم آلسلآم ورحمـــة آلله وبركآته ..

أنآ دررست بـ Cambridge و Manchester
في كآمبردج درست في معهــدين الأول وآلله نآسي وش إسمه آلمهم فيه Centre هذآ أللي أذكرهـ ..
وكآن يعني طيب إلى حـــد مآ ..
بس بعدين إنتقلت لقريه صغيرهـ تبعد عن آلدآون تآون 15 دقيقه بآلبآص أصلآ تحس إنكـ في نفس كيمبرد إسمهآ Girton ..
هي ريف صغير مآفيهآ شي لكــن تقدر تنزل بأي وقت للسيتي سنتر ..
فيهآ معهـــد .. وطبعآ كل آلمعهدين أللي درست فيهم بكيمبردج تجآريه ..
لكــن آلمعهد أللي بقيرتون جدآ ممتآز بآلنسبه لي وهذآ آلكلآم كآن في عآم 2008 تقريبآ ..
آلمعهد وطريقة تدريسة نآسبتني ..
وهذآ آلرآبط حقهم :

Cambridge Academy of English - Language School

ترى آللي بمقطع آلفديو مصورينه يوم كنآ ندرس فيه يعني أغلب أللي فيه خويآنآ آلله يذكرهم بآلخير ( :

طبعآ بعدين نقلت لمآنشستر لمعهد جآمعة مآنشستر ..
درست فيه كوآرتر وحولت لمعهد جآمعة مآنشستر متروبولتين ..
وخلصت فيه كوآرتر ورجعت من جديد لمعهد مآنشستر ..

معهــد جآمعة مآنشستر قوي وأنصح فيه لأنه أكآديمي ..
وأعضآء هيئة آلتدريس بوقتنآ كآنوآ ممتآزين جدآ .. أكلمكـ عن 2009 تقريبآ ..
أكثر شي إستفدت منه أكآديميآ هو معهد جآمعة مآنشستر ..
إستفدت منه بآلرآيتنق كآن قوي .. بحكم إنه معهد تبع جآمعة تخآف على سمعتهآ ..
أمآ آلمعهد أللي بكيمبريدج .. فآدني لأن لغتي كآنت ضعيفه تقريبآ .. وأعطآني أسآس قوي رغم إنه تجآري ..
لأنهم يركزون كثير على آلمحآدثة .


أمآ مقآرنة بين آلمدينتين ..
ميزة كيمبردج فقط 50 دقيقه بآلقطآر عن لندن .. أغلب أللي فيهآ طلآب لغــة ..
كلآسيكيه زيآدهـ عن آللزوم ..
لكن آلحيآهـ فيهآ بسيطه مآفيهآ زحمة ولآ أي صخب ..
جدآ هآدئه .. الأمآكن أللي تقدر تزورهآ مو مرهـ كثير ..
مثل مآقلت لكـ إذآ بغيت شي روح لندن .. كنآ نروح للندن نتغدى ونرجع بنفس آليوم ..

أمآ مآنشستر فهي عآصمة آلشمآل آلإنجليزي ..
عندكـ ليفربول تبعد 40 بآلقطآر فيهآ أفضل سيتي سنتر .. وعندكـ بلآكـ بول من أجمل آلمنآطق ..
تبعد عن لندن حول 3 سآعآت بآلقطآر ..
جوهآ تقريبآ في أغلب الأيآم ممطر على طول ..
فيهآ مول كبير جدآ .. وفيهآ مثل منت عآرف لو إنت من عشآق آلدور آلإنجليزي ..
آلمآن يونآيتد .. وآلسيتوزن أللي هو مآنشستر سيتي ..
وأنآ بصرآحه إستغليت وقتي ببريطآنيآ ككل .. وحضرت مبآريآت للدوري آلإنجليزي ودوري أبطآل أوربآ لمبآريآت من عيآر ثقيل ( أدري خرجت عن صلب آلموضوع ) ..
لكن حبيت أدرس وأخلي كل وقتي ذكرى ..
من وجهة نظري مآنشستر أفضل لأنهآ مدينة كبيرهـ وحضآرية وفيهآ ثقآفآت مختلفه ..
لأني إرتحت فيهآ كثير ..

بآلتوفيق ..

اخوي الموضوع يعتمد عليك انت , تقولي كيف ؟
شوف اذا مستواك باللغة الانجليزية متوسط يعني من 4 في الايلس وفوق على طول توكل على الله لمعهد الجامعه واترك المعاهد التجارية لانها تبي تضيع وقتك وانت اصلا مستواك متوسط , لو مستواك ضعيف(ميح) يعني ياوب تفك الحرف اتجه للمعاهد التجارية ولا تقبل على معاهد الجامعات الا ومعك 4 في الايلس
في النهاية المعاهد التجارية على قولتهم تجارية صحيح فيها معاهد كويسة بالتاسيس وكويسة وممكن لو شافوك عملي ممكن توصل 6 بالايلس عندهم خلال سنه ويمكن اقل لكن كنصيحة انا جربت معهد الجامعه اول ماوصلت صحيح عانيت شوي بسبب انني مع ناس مستواهم متوسط او فوق شوي لكن مع الوقت مشيت وخلصت خلال سنه وميزة الموضوع لا ايلس ولا غيره , سنه بمعهد الجامعه وتنجح في جميع اختباراتهم يعطونك قبول غير مشروط على طول طبعا هذا النظام في اغلب الجامعات
وايضا عشان تكون مطمئن ترى جميع معاهد الجامعات ماتقبل الا من مستواه في Overall 4.0 او بعضها مايرضى باقل من 4.5 في الايلس مع ان لاتقل اي مهارة عن اربعه لانها شرط للحصول على فيزا التير 4 اللي تعطيك صلاحية لمده سنه بدل ماتاخذ فيزه طالب لمده سته شهور وبالهوشات يادوب يعطونك 9 شهور او 11 شهر بالميت ولا تقدر تاخذ عائلتك معاك بينما فيزا التاير 4 تدخل عائلتك واهلك واطفالك وانت مطمئن

بالنهاية انت تعرف مستواك وتعرف وش يناسبك والله يوفقك ويسهل امرك

الله يكون بالعون

اشكر (حروف متناثره-قدر مكتوب )على الرد على الموضوع اللي بصراحه افادوني فيه الشي الكثير والله يوفقكم في الدارين ويحقق امنـــــــياتكم ويسمح درووووبكم