مساعدة مشورتكم المعهد في مدينه والماجستير في سوانزي افيديوني

مساء الخير
انا نفس مشكلتك بالضبط نفس الجامعه ونفس التخصص
تقدر تدرس في اي معهد عادي لان جامعه سوانزي تطلب منك درجات عاليه على عشان تقدر تدرس لغه لان الوقت قصير من الان الى ان يبداء الكورس يطلبون 4 ايلس و430 توفل .
دوانا ادور معهد قوي نستفيد منه وننتظر اخوانا الموجودين نستفيد من خبراتهم ومايقصرون

اخوي الروقي اشكرك على سرعة التفاعل والرد
اذا تحب نتواصل على الايميل لعلنا نتعاون في الايام القادمه في الدراسة وعلى الخير
هذا ايميلي ahmadegab85 هوت ميل

ننتظر الفائدة من الاخوان والاخوات اللي سبقوما بالخبرة والدراسة

وانا نفس التخصص ونفس المشكله انشالله اصحاب الخبره يفيدونا جزاهم الله خير


( تمت المشاركة باستخدام تطبيق مبتعث )

هلا اخوي

اتمنى المشاركة من الجميع ولو بكلمة بسيطه او يحكي لنا احد عن تجربته

انا صراحه ماعندي اي فكره عن سوانزي كمدينه او جامعه الا من النت وسمعت انها جامعه كويسه وانها جامعه متقدمه في مجال الكمبيوتر على مستوى بريطانيا .. والمدينه هاديه جدا زي ماسمعت مدينه حقت دراسه وصغيره وجميله وملمومه لكني بأجل قبولي ٢٠١٥ عشان اخذ سنه انقليزي مايمديني على ٢٠١٤ وليش احشر نفسي على مهلي وادخل الكورس طالبين زي مانتو عارفين ٦.٥ ايلتس وانشالله اصحاب الخبره هناك يفيدونا على الاقل بالمعاهد المعترفه لدى التعليم العالي وتكون جيده


( تمت المشاركة باستخدام تطبيق مبتعث )

كلام حلو وجميل يعطيك العافيه ..
اللي عجبني اكثر شي ان كاردف كبيره وقريبه من سوانزي اكيد مليانه معاهد كويسه هذا شي والشي الثاني اللي لازم تعرفونه ان الجامعه فيها كورس انقليزي اسمه بريسشنال كورس يجي قبل بداية الكورس الرئيسي بشهرين ونص مهم تاخذونه يعلمكم الانقليزي الاكاديمي .. يعني فكرة تاخذ الانقليزي في معهد خاص معترف فيه من التعليم العالي سواء في كاردف ممكن او سوانزي وبعدها تدخل البريسشنال كورس وانا اتمنى اللي يعرف سوانزي من اصحاب الخبره يفيدنا باحسن المعاهد في سوانزي انا بالنسبه لي باخذ الانقليزي في سوانزي لان معاي عائلتي ماودي بالتنقلات الكثيره ودي استقر مره وحده عشان المدارس لكن العزابي انصحه بالتغيير لمدينه ثانيه حتى لو بعيده عادي مثل معهد ليدز في مدينة ليدز يمدحونه مره او مانشستر مع انها مدن بعيده عن سوانزي لكن عزابي ماوراك شي سنه هناك وسنه في سوانزي خاصه ان سوانزي هاديه فلها بمدينه عصريه واحتكاك بالناس وزحمه ولا جا وقت الجد تعال ادفن نفسك في سوانزي ..


( تمت المشاركة باستخدام تطبيق مبتعث )

شباب انا مثلكم ابحث عن دراسه ماستر تخصص اداره صحيه في حامعه سوانسي . بعد البحث في النت مالقيت المعلومات الي تشفي وعقت العزم ورحت لها قبل ٣ اسابيع جلست في المدينه ٥ ايام المدينه تبعد عن لندن ٣ ساعات وشوي تبعد من كارديف ٤٥ دقيقه مدينه حليوه تصلح للعوائل جدا هاديه . قابلت الطلبه الي يدرسون هناك من اخواني السعوديين ناس تمدح الجامعه وناس تذمها من ناحيه صعوبه في الكورس الي قبل الدخول في البرنامج لدرجه يقولوا اصعب من الماستر . معاهد للغه ضعيفه جدا في النهايه الغه تعتمد عليك شخصيا وانا باذن الله بروح ادرس فيها لان معي العائله وفعلا تصلح مافيه زحام وشعبها طيب واي استفسار انا حاظر عيوني في اي وقت ع الخاص.