دفع الفيزا ؟

فيزا كارد نوع من انواع البطاقات الائتمانية
الاشهر عندنا في السعودية ( فيزا - ماستر كارد )
ممكن تطلعيها عن طريق اي بنك
من اللي لاحظتو اكثر 3 بطاقات بيستعملوها هي
*ماستر كارد مسبقة الدفع من البنك الاهلي
*فيزا من بنك الانماء ( ميزتها انه الحساب الجاري عبارة عن حساب فيزا في نفس الوقت )
*فيزا من بنك الراجحي
طبعا لو دخلتي موقع اي بنك راح تلاقين تفاصيل اكثر
واهم شي في عملية الدفع تكون عندك نسخة من الفواتير عشان تقدري تطلبي تعويض

الفيزا كارد
هي بطاقة بنكية اللي نسميها (الفيزا)..ماستر كارد.. ولها عدة تسميات.
فلابد يكون عندك البطاقة من أي بنك .. فكلمي البنك اللي حسابك عنده وراح يفيدك باستخراجها.

لكن الحل الأفضل لك تدفعين 150 ريال للمكاتب اللي تتواجد بالقرب من مركز التأشيرات وهم يدفعون ويعبون وريحون راسك وتعطينهم المبلغ كاش..لأن الأبليكشن دقيق وفيه بيانات كثيرة وأي خطأ بعد التسليم لهم يرفضون الطلب كله.

موفقة كل خير.

الفيزا هي شركة عالمية ولها نوعين من البطاقات :
1- فيزا ديبت كارد : Visa Debt
٢- فيزا كريدت كارد : Visa Credit
طبعا ع حسب علمي ان بطاقات النوع الاول غير موجودة في السعودية ، اغلب بطاقات الصراف في السعودية هي Electron ، فيه بنوك مثل الانماء والراجحي بدئوا يغيروا بطاقاتهم الى بطاقات Visa لكن ما ادري ايش يقصدوا فيها ،،
في بريطانيا كل بطاقات الصراف هنا هي من النوع هذا ، ،تتميز هذه البطاقات : ١- هي فلوسك انت سواء مبالغ خاصة او راتب او اي شي ، ٢- تقدر تستخدم هذه البطاقة في السحب الالي ٣- تقدر تستخدم هذه البطاقة في الشراء من النت ٤- تقدر تستخدمها في نقاط البيع ...

النوع الثاني وهي Visa Credit وهي البطاقة الائتمانية ، وهذه البطاقة يصدرها البنك لك ع حسب رصيدك عنده او حسب راتبك ، هناك بطاقات ذهبية وفضية ووو ،، المهم : هذه البطاقة البنك مثلا يعطيك كل شهر ٣٠ الف ريال في حسابك رصيد ائتماني تستخدمه انت ، مثلا انت استخدمت هذا الشهر ٥ الاف ريال ، نهاية الشهر لازم ترجع هذا المبلغ والا يتراكم عليك ،،، ميزتها : انها رصيد ائتماني كأن البنك اقرضك هذا المبلغ وغالبا يستخدم،نه الناس في المشتريات حتى لا يضطروا للدين من الناس ،،، ميزة هذه البطاقة هي نفس مميزات البطاقة الاولى من الشراء من النت والسحب ،، لكن السحب فيها لا يجوز شرعا لان عليخا رسوم ،، اما المشتريات من نقاط البيع او الانترنت جائز ،،، طبعا المخاطرة فيها ان اذا تم سرقة معلومات البطاقة المبلغ اللي فيه راح ينسرق ،،
لذلك وبما انه مافي النوع الاول من البطاقات ، اصدرت بعض البنوك بطاقات مسبقة الدفع للبطاقات الائتمانية كالراجحي مثلا تسمي : فيزا تسوق ، لان موو كل الناس عندهم القدرة ع اصدار البطاقة الائتمانية لسبب ان رصيدهم عادي او ليس لديهم راتب عالي ، لذلك اصدرت هذه البطاقة وهي عبارة عن فلوسك انت تودع فيها من حسابك الجاري لحساب هذه البطاقة مسبقة الدفع : مثلا تبي تشتري من امازون شي معين وما عندك بطاقة ائتمانية ، تطلع هذه البطاقة من بنك الراجحي مقابل ١٠٠ ريال في السنة وعند الشراء مثلا تحول مبلغ الشراء من حاسابك الجاري لحساب البطاقة هذه وتشتري ،، كذلك تقدر تستخدمها من دفع رسوم الفيزا ،، ع اني سمعت ان بطاقة بنك الانماء العادية ( بطاقة الصراف العادية ) تقدر تستري منها وتدفع لمشتريات الانترنت ،،

بالنسبة للماستر كارد : هذه شركة اخرى نفس شركة الفيزا لكنها اوروبية ،،، تعتبر الثانية بعد الفيزا ،،، بعض البنوك تتعامل معها مثل الاهلي ،،،

تفصيلي هذا للفائدة وللمعلومة ،،

والله الموفق ،،

بنك الراجحي عندهم بطاقة فيزا تسوق ,,, يعني يكون الدفع منها ممكن ؟

نعم...وهي التي استخدمها في كل دولة زرتها ولحجز الطيران والفنادق وأي شيء يتعلق بالمشتريات عن طريق الانترنت.

وهي آمنة جدا لأن أي عملية تكون مربوطة بجوالك المسجل بالبنك لأن اي عملية لابد رقم سري يرسل لجوالك.

لكن شيء مهم جدا جدا:

انتبهي يصدرون لك بطاقة غير محفورة... يعني لابد تكون الاسم والأرقام اللي عليها وكل معلوماتها محفورة أو مثل ما نقول منحوتة..لأنهم دائما يعطون بطاقة صحيحة بيانتها وكل شيء لكن غير محفورة.

كلمي البنك: قولي أنا باستخدمها خارج السعودية. وضروري تكون مثل ماقلت لك.


فالك التوفيق...لا تنسيننا من صالح دعائك.

ليس ضروري ان تكون محفورة او لا ،،،
محفورة احيانا يشترطوها مكاتب التأجير في السعودية ..
انا معي بطاقة غير محفورة ومعي من ٣ سنين استخدمتها في دول كثيرة منها بريطانيا وماشية تمام ..