قبول جامعة تخصص ترجمة.. في امل يقبلوني؟:(

هههه فيه MISCOMMUNICATION بقوة بينكم وردودكم عليه خلته يطلع عن طوره، لكن أيضا رده فيه وقاحة.

هو يبغاك تدخلي برنامج الماجستير هذي السنة، وعلشان تدخلي البرنامج لازم تدرسي برنامج Pre-Sessional
برنامج البري سيشنال هذا: هو حيلة اخترعتها الجامعات لإدخال الطلاب للجامعات دون تحقيق الشرط المطلوب منهم
الجامعات ما تستطيع تقول أنا شرطي 5.5 لأن هذا يؤثر على تقييمها بس ترجع تحط برنامج تسميه Pre-Sessional
وتدخلك بـ 5.0 أو 5.5 وتدرس لمدة شهرين إلى ثلاثة وغالبا ما تكون الدراسة لغة، تكون تجهيز أكايمي للطالب أكثر منه لغة
وبعدما تتجاوز البرنامج يدخلونك الماجستير أو الدكتوراه أو البكلوريوس على حسب الدرجة العلمية اللي بتدرسها
يعني في الأصل أنت جايب 5.0 أو 5.5 وفي ثلاثة أشهر عندهم يصبح مستواك 7؟؟؟ مستحيل طبعاً بس هذي حيلتهم

المهم:
بما أنك جايبة 5.0 فالبرنامج اللي تستطيعين تدخلينه قولي مثلا في شهر June راح يطلب منك 5.5
وإذا إنك بتدخلي متأخرة مثلاً في July راح يطلبون منك أنك تجيبي تقريباً 6، لأن الفترة أقصر
علشان تدخلي برنامج الماجستير هذه السنة، وأنا ما أنصحك بالمرة تدخلي هذا البرنامج حالياً إذا كان مستواك فعيا 5.0
لأنهم راح يمشونك في هذا البرنامج وتدخلين الماجستير وأنت لغتك يا الله يا الله، وتضيع عليك فرصة دراسة اللغة
لأن أصلا هذه البرامج مثل ما ذكرت لك في الأغلب ما تحرص على تدريس اللغة بل تريس طريقة الجامعة في الدراسة والبحث

المطلوب:
1) فومي بتطلب تأجيل قبولك إلى عام 2015.
2) راسلي المعهد واطلب قبول لغة وليس برنامج بري سيشنال كورس.
3) الوقح اللي ير عليك، لا تراسليه، وإذا اضطريت وما في غيره قولي له أنا ما أبي بري سيشنال كورس، أنا ما راح أدرس ماجستير إلا عام 2015، أبغى كورس مكثف في اللغة واسمه عندهم: FULL-TIME GENERAL ENGLISH، وهذا موقعهم http://www.lsi-portsmouth.co.uk/en/c...tions-a-prices
4) ادرسي لغة من الآن للسنة الجاية، إذا قدرت تجيبي الـ 7، وإلا الحل أنك السنة الجاية مثل هالوقت تكوني جايبة 6، قدمي على برنامجهم البري سيشنال كورس وهو يدخلك الجامعة بدون 7.


وفي الأخير، شوفي جامعة ليدز وخليك من هذي الجامعة اللي ردودهم غير مهذبة. وأرسلي له قولي له:
After I received a number of impolite responses from you, I have decided to decline Portsmouth's offer and pursue my Master's degree at a different institution.
I hope this is English and you will understand it.

عزيزتي...... انصحك تختبري الايتس مرة ثانية وثالثة ورابعة...... اذا كانت هذه اول مرة تدخلي فيها الاختبار فنتيجة 5 نتيجة طبيعية لانه اول مرة دخلته اخذت الدرجة هذي ... وثاني مرة ارتفعت درجتي بس استمرت المشكلة معاي في بعض المهارات.... عليكي بالتدريب اذا انتي تخصصك انقليش فمن السهل جدا انك تذاكري بنفسك مجرد tecniques تعرفيها واستراتيجيات تتوصلي لها من خلال تدربك على نماذج اسئلة سابقا.... اختبار الايتلس مهم جدا والتحضير له اهم عندك كتب كثيرة في المكتبات ونماذج كثيرة اونلاين تقدري تحضري منها وبتجيبي 6 او 7 كمان
بالنسبة للجامعة هذي اول مرة اسمع فيها ورد الشخص الي يقول it is not English ..... It surprises me
كل الجامعات ردودهم راقية جدا..... انا عندي قبول مشروط في جامعة ليدز ومن طبع هذي الجامعة الرد السريع .... بس لازم تسلميهم كل شي وبتشوفي كيف يردوا عليكي في كل ايميلاتك.... اقصد سلمتيهم التوفل...واختبار الترجمة الي طالبينه واظن ليدز ماتقبل 5 بس على الاقل يعطونك قبول مشروط وقدمي على اقرب اختبار ايلتس وعيديه وتوكلي على الله وربي ييسرلك هو ....

آمين وإياك ^ـ^

صراحة أول مرة يجيني رد من جامعة بهذا الأسلوب
دائما ردودهم راقية بس هذا غريب!

بصراحة فعلا ذكرت شي غير اللي هنا . .. هذا هو :

Do you advise me to apply to this ?
LSI Language School in Portsmouth, England
You told me that I can study 6-9 months then start the MA in the next year.
I am writing to seek your advise on the course I should take. full-time general English? or IELTS preparation?
---
ما قلت شي خطأ بس هو متسبب علي !!
هههه

اشكرك كثير على نصيحتك وأتمنى اعيد أختبر ايلتس هنا لكن المشلة إن الوقت ضاق علي الحين
وأطلع أدرس لغة سنة أحسن لي
لأني بحاجة لدراسة اللغة فعلا <<

ههههههه
والله أحلى رد.. أشكرك كثير .. هم الخسرانين يفوتون وحدة مثلي
^ـ^
نصيحتك أعجبتني كثير وبإذن الله هذا الي بسويه ... وأنا قدمت على ليدز
وهم طالبين اختبار ترجمة قطعتين من انجليزي الى عربي سويتها
،من عربي الى انجليزي ما سويتها لأنها صعبة يبغى لها شوي

اتمنى ليدز آو مانشستر دعواتك

حبيبتي ... والله ما قصرتِ
صادقة هذا رده علي مره غريب عشان كذا سألتكم

أنا ودي بليدز مرة وقدمت عليها لكن ما عرفت اترجم القطعة من العربي الى الانجليزي
ورد علي قال ضروري لازم ترسلين الترجمة >>
وبعد قال احتمال ما تقبل التوصيات .. عاد انا حصلت على هالتوصيتين بصعوبة لأن كل اللي درسوني مو موجودين حاليا ... مر على تخرجي فترة طويلة .. والكلية قفلت أصلا

أحسن خليني اوريك رد ليدز :
’m afraid we cannot accept the two references you have provided in support of your application. They appear to be identical and have your relevant information inserted into the body of each reference.
May I check that you intended only to submit a test for English into Arabic? If you wish to be considered for Arabic into English translation, you need to submit the other test as well.

أختي خليني أسألك، وش تبين الحين في القبول؟ هل لازم تقدمي قبول لجامعتك علشان يبتعثونك؟
إذا لا، روحي لغة وبعدما تصبح لغتك أفضل بكثير، قدمي عليهم ووقتها يقبلونك، وخذي توصياتك من المدرسين اللي يدرسونك في المعهد، توصياتههم أفضل بكثير من خرابيط السعوديين والعرب اللي في جامعاتنا في السعودية، أصلا توصياتهم تخليك ما تنقبل.

ههههههههه

الله يستر!!
أجل الحين عرفت سبب رفض قبولي من بعض الجامعات ...
اثاري البلا من التوصيات مهوب مني هههههه

شكرا لاهتمامك ونصحك ... اللي أحتاجه الآن
١. قبول جامعة (مشروط)
٢. قبول معهد

نعم جامعة الإمام حاليا تشترط علي احصل على قبول الجامعة .. ما يكفي فقط قبول معهد مثل ما كان سابقا

وأنا لازم أتحرك الحين لأني من Augest الماضي وأنا أبحث وأستفسر عن الجامعة والتخصص المناسب لي
والحين ضاق الوقت علي
لازم أحصل على قبول جامعة ومعهد بأسرع وقت لأن أيضا موافقة مجلس القسم ومجلس الكلية على الابتعاث تحتاج وقت ...

أكرر شكري وأرجو ألا تبخلوا علي بالنصيحة والإفادة

وفقكم الله ويسر أمركم وكتب أجركم ^ـ^

أجل الحل كالتالي:
باقي أمامك وقت انتظري مانشستر وليدز، ولو اقترب الوقت وما جاء قبولهم، خذي أي قبول تحصلي علي حالياً
اطلعي بعثة، وادرسي لغة، ولما تكون درجاتك أفضل، وتتحسن لغتك أكثر ارجعي قدمي على الجامعة اللي تناسبك، وارفعي لجامعتك طلب تغيير جامعة.

المناسبة: جامعة Birmingham تعطيك مشروط على ما أتذكر، فيها ماجستير دراسات ترجمية، لكنها في الترجمة لا تقارن بليدز ومانشستر اللي بالطبع أفضل.

الله يجزاك خير..

أبشرك عندي ٣ قبولات
بورتسموث .. ترجمة
درم ... ترجمة "عربي/انجليزي"
سالفورد .. تيسول&لغويات تطبيقية

بس الحين ابغى أقدم على معهد
وبععدين مثل ما قلت استفيد من قبول وحدة من هذي الجامعات
واذا ربي يسر لي قبول في ليدز آو مانشستر انتقل لها بعد ما يتحسن مستواي

ودي بمعهد ليدز آو مانشستر
قدمت على معهد مانشستر بس عيب مانشستر تصفط الواحد ماترد عليه
ومعهد ليدز ابقدم عليه اليوم ان شاء الله

مشكلتي في التقديم على المعهد اختيار المستوى المناسب لي . .. ما اعرف احدده بالضبط

اكرر شكري وامتناني

معهد مانشستر حلو، إذا قصدك معهد الجامعة الأم، درست فيه ثلاثة أشهر تقريباً لغة مع تحضير للآيلتس، وكان جداً ممتاز رغم أنه وقتها في ذروة تكدس السعوديين فيه.
هي طبيعة جامعة مانشستر كذا تتغلى وتسوي جامعة ثقيلة.