محتار بين كامبريدج واكسفورد

اكسفورد حلوة كثير

درست فيها سنة

أنصحك فيها

اممم .. ما عندي فكرة ممتازة عنهم، زرت المدينتين ، لكن يبدو لي أن أكسفورد تاريخية أكثر

*****
لقيت بالمنتدى كذا موضوع، يخص أكسفورد وكامبريدج: (إن شاء الله به معلومات تفيدك)
http://www.mbt3th.us/vb/forum66/thre...l#.U1_fcvmSxLI
http://www.mbt3th.us/vb/forum66/thre...l#.U1_fcPmSxLI
http://www.mbt3th.us/vb/forum66/thre...l#.U1_hcvmSxLI

دورت بالمنتديات ولقيت هالرد بخصوص جامعة كامبريدج :

[ .... حسب ما أعلم عن كامبرج هي مدينة فيها بعض الحيوية وقريبة من لندن بعض الشئ
بالنسبة لدراسة اللغة سمعت من الكثير أن الدراسة في المعاهد التابعة للجامعات والكليات أكثر فائدة من الدراسة في معهد خاص الذي ربما يكون هدفه تجاري.
اللغة بشكل عام لا تعتمد على المعهد كثيرا بل تعتمد على مدى احتكاك بالناس هناك ومدى جرأتك في المخالطة والتحدث مع الانجليز ....]

*****

[ ....
اما عن مدينة كامبردج فهي مدينه حليوه وكان فيها احد الشباب ومدحها لي وكان مرتاح فيها ..]

****

[ .... هلا فيك اخوي و ألف مبروك بعثتك
أنا ساكنة فليدز بس أعرف عن كامبريدج شوية أمور ..
أولاً هي مسافتها عن لندن مو بعيدة بالسيارة حوالي ساعتين أو ساعة و نص و بالقطار نفس الشي ساعتين إلا .
بس أصلا ما راح تحتاج للندن كثير لأن كل شي فكامبريدج متوفر و بسعة .

المعاهد بالذات فكامبريدج جداً جداً مرغوبة بالنسبة للي يسافروا بريطانيا . معاهد كامبريدج و برايتون أفضل معاهد اللغة فبريطانيا ناهيك عن مستوى جامعة كامبريدج طبعاً .
يعني اطمن بخصوص المعهد اللي مقدم فيه

بالنسبة للمعيشة هي فبريطانيا بشكل عام مرتفعة . اسعار كامبريدج ما تفرق كثير عن أسعار لندن كلهم غاليين .. خصوصاً إنهم قريبين و مليئين بالأجانب .

انت مقرر تسكن لوحدك ولا مع عائلة ؟
اذا مع عائلة فيعتمد السكن يا إما عن طريق المعهد و بياخذوا عمولة يعني بتكلفك الشغلة كلها ما بين 120 إلى 140 باوند .
إذا عن طريقك بيكلفك السكن مع العائلة ما بين 80 إلى 100 باوند إذا كنت تبي السكن مع أكل من عندهم و بقية المرفقات .. زي التلفزيون و الغسيل .

إذا لوحدك تبي تستأجر بيت عادي متوسط سعر الإيجارات لبيت مكون من غرفتين و حمام الله يعزك .. ما بين 600 إلى 800 باوند .

و أنا أفضّل إنك تسكن في سكن المعهد .. مريح و محد معاك لو طلبت . و فيه كل المرفقات اللازمة لك من تلفزيون و غيره . بس الانترنت ما عندي فكرة عن سكن المعاهد لو موفرينه أو لا .

المواصلات بالباص اعتمد عليه أسهل لأن كامبريدج صغيرة .
قضاء الحاجيات سهل أيضاً يوجد سوق تجاري كبير فيه كل شي إسمه Grafton Center . و للتماشي بتحصل منتزهات و متاحف . بس الملاهي و المسارح ما عندي فكرة .

أخيراً الله يوفقك بس أتمنى تنتبه من ناحية الأسعار لأن كامبريدج جد غالية جداً و كثير اشتكوا من هالناحية فيها و انصدموا .

بالتوفيق
....]

*****

[ ... مرحبا أخوي...

أنا توني تارك كامبردج من أسبوعين تقريبا , المدينه حلو وهادية وصغيرة ويسمونها تاون بعض الناس ,ومن ناحية الغلاء أشوف الي يفرقها عن المدن الثانية السكن سواء كان خاص او سكن طلاب وتراه نادر سكن الطلاب ما أذكر كان فيه الا أثنين واحد بحوالي 580 والثاني 680 في الشهر وهذي الأسعار أشوف أنها غالية لا كن السكن مع العائلة مثل ما قالة أشعار في حدود 120 الى 140 أما من ناحية المعيشة ماتفرق كثير عن باقي المدن وصرفيتك اذا كانت طبيعية ومافيها ختات كل أسبوع للندن فأشوف أنها بين 300 الى 450 باوند شهريا...

والمدينه مناسبه جدا للغة صحيح السعوديين فيها كثير زي أي مدينة في بريطانيا بس خيارات المعاهد فيها كبيره جدا عشان كذا أهم شي أنك ماتعطي المعهد الا رسوم شهر بالكثير بما أنك جاي على حسابك في البداية لأن يمكن مايعجبك المعهد أو المدينة وترتبط فيهم مجبور... ]

****

[... فهمت أن رأيك استقر على كامبرج
لكن للعلم فكامبردج وأوكسفورد غاليتان وتقارنان بلندن أحيانا
المدينتان (خصوصا أوكسفورد) دراستيتان بشكل كبير بمعنى أن أجواءهما دراسية ليس فيها من وسائل الترفيه الكثير
اذا ضمنت أنك ستحصل على بعثة عندئذ لن تأخذ التكاليف في عين الاعتبار وستكون كامبردج جيدة بإذن الله ...]

*****

[....
بحثت لك على السريع فوجدت هذه الرابط الذي يحوي العديد من الكليات التابعة لجامعة كامبردج
من خلال الضغط على رابط الكلية تستطيع الذهاب الى الموقع الرسمي للكلية ومن ثم معرفة التفاصيل

Colleges

وهذا أيضا رابط لـ Cambridge College
Cambridge College

أتمنى أن تفيدك الروابط
سأبحث لك عن المزيد واذا وجدت شيئا قد يفيدك سأخبرك به ان شاء الله
....]

*****

[ .... انا في اوكسفورد فسعر الغرف يتراوح من 300 الي 350 في الشهر ودايما لازم تدفع شهر مقدما
اوكسفورد كئيبه ومدينه تاريخيه قديمه و كامبيردج مدينه حديثه ...]

*****

[.... كامبردج الي سمعته انها ملياااانه سعوديين !!
و انت بتروح وقت الصيف ، يعني وقت ما يروحون ربعنا ياخذون كورس صيفي !
اجل روحتك شوي او شف مدينه غيرها ، تكون بعيده عن لندن لأن المدينه كل ما قربت من لندن كل ما صارت اسعارها فووووق !... ]

*****


بالتوفيق واذا لقيت شيء به علاقة ان شاء الله بكتب رد جديد