فيزا تاير فور ومشكلة المرافقين

السلام عليكم

انا كمان عندي نفس المشكله

ابتعثت من وزارة الصحه وبيكون معاي بنتي 10 سنين رابع ابتدائي واخوي 19 سنه ثاني ثانويه لانو متاخر بالدراسه

ابعرف وش وضع دراستهم هناك ؟؟

هل يوجد هناك مدارس سعوديه او معتمده عندنا

وبالنسبه لفيزتهم ايش يكون نوعها عشان يقدرون يدرسون هناك ؟؟

اتمنى احد يفيدنا بالموضوع

وعليكم السلام
اخواتي الفاضلات
انا نفس الشي
عندي ٦ ايلتس وبريسشنل كورس
-----
اليوم قدمت ع الفيزا في الخبر
انا تاير فور ٣ شهور وزوجي وبنتي عمر اربع سنوات
قدمو سياحية لمدة ست شهور وباذن الله توافق نهاية فيزتهم ع بداية الكريسمس ونقدر ننزل سوا
بحيث يجددو من السعودية ..
-----
اي استفسار اقدر اساعدكم بإذن الله
-----
ا


( تمت المشاركة باستخدام تطبيق مبتعث )

بالنسبة لموضوع دراسة المرافقين
مااعتقد يقدرو يدرسو بالفيزا السياحية


( تمت المشاركة باستخدام تطبيق مبتعث )

هذي المشكله اختي ندى انا بنتي عمرها سبع سنين في ثاني ابتدائي ولو انتظرت مارجعت الا بالكريسمس وقتهابيكون فايتها ترم تقريبا ولو رحنا ورجعنا بعد البريسشنال بنتبهدل😂


( تمت المشاركة باستخدام تطبيق مبتعث )

الله يسهل الأمور
ويعديها على خير ..
الترم الي بيفوتها
خليها تتعلم لغة


( تمت المشاركة باستخدام تطبيق مبتعث )

[QUOTE=Badryahk;1062562125]السلام عليكم ورحمة الله بركاته
انا معيدة والجامعه مبتعثتني لاستكمال الماستر تخصصي انجليزي اختبرت ايلتس وجبت 6وقدمت على جامعة لستر وحصلت قبول مشروط وقبول بريسشنال غير مشروط وصلني الكاز ستيتمنت بتاريخ البريسشنال لمدة ست اسابيع
المشكلة في المرافقين (زوجي وبنتين)
حسب النظام ماراح تطلع لهم ديبندنت فيزا لان مدة كورسي اقل من ست شهور لكن في حال اجتزت الكورس يقدرون يجددونها وذلك بالعودة الى الرياض للتجديد وتغيير نوع الفيزا الى مرافقين
اتمنى احد يقدر يشاركني التجربة ويفيدني
بنتي الكبيره عمرها سبع سنوات والبريسشنال كورس يبدا في 4اغسطس وينتهي في 12سبتمبر وحسب علمي ان المدارس تبدأ في نهاية شهر اغسطس ووقتها بنتي حتكون فيزتها سياحي فهل هناك صعوبه بتسجيلها وانضمامها في المدارس ؟


اختي الفاضله ..
نعم ممنوع دراسه الابناء بفيزا سياحيه ولكن احب اطمنك انهم مايسألون أصلا عن الفيزا في المدارس ومو مطلوب منك لتسجيل اطفالك سوى شهادة الميلاد مترجمه طبعا بالاضافه الى اي فاتوره تثبت عنوان السكن (كهرباء ،ماء،خطاب جامعه،خطاب بنك ،،،اي شي ( وبس

الدراسه ستبدا هذه السنه في مطلع سبتمبر .
تقديم المدارس يكون عن طريق السيتي كونسيل وممكن تعملينها اونلاين في موقعهم اذا لك سكن محدد في بريطانيا .
طريقه التسجيل ورقه تعبين فيها بيانات الطفل وبيانات السكن وتختارين اربعه مدارس الاقرب الى سكنك ترتبينها بالأفضليه وترسلين الورقه بالبريد او بالايميل الى الستي كونسيل وتنتظرين الرد .. وهذي كل الحكايه ..

موضوعك في الفيزا حصل لي تماما .. لو كان قبولك الماجستير غير مشروط صار ممكن يعطونك كاس نمبر يشمل اللغه والماستر
رأيي .. تعالي بفيزا تيرفور او ستيودنت وزوجك وبناتك بفيزا سياحيه وبعدها ارجعوا السعوديه تسمح لك الملحقيه باجازه اسبوعين الى ثلاث اسابيع لتجديد الفيزا ..
او.. مددي كورس اللغه اذا وقتك يسمح الى ست أشهر وتنحل المشكله .
..
الله يسهل أمرنا وأمركم يارب

اختي نكتارين الف شكر
الله يسهل ويكتب اللي فيه الخير
افكر اختبر ايلتس مره ثانيه واكون مرتاحه

ممكن تفيديني وين اترجم شهادة الميلاد؟

الف شكر


( تمت المشاركة باستخدام تطبيق مبتعث )

ترجميها في اي مكتب يترجم وثائق وشهادات . في الرياض كثير شفت اعلاناتهم لكن انا ترجمتها في القصيم ..
الله يسهل أمرنا وامرك