مساعدة بخصوص الفيزا البريطانية التاير 4 للدارسين على حسابهم الخاص

خطاب من والدك انه حيتكفل بمصاريفك وافضل لو تقدم شهاده بنكيه بالرصيد معاه ..
صورتين .
الابلكيشن و
.نموذج Appendix 8

سمعت انه الغوا الفورم اليدوي مدري اذا يقصدون نموذج Appendix 8

هلا بك أخوي ..

أنا قدمت على الفيزا قبل يومين و أعطيتهم هذي الأوراق:

1- نسخة مطبوعة من الأبلكيشن اللي تعبيه على النت.
2- نسخة مطبوعة من تأكيد الموعد (انتبه ترا في مواعيد للفيزا السياحية و مواعيد خاصة للتاير 4).
3- شهادة الآيلتس (لأن قبولي غير مشروط).
4- وثيقة التخرج.
5- صورتين (خلفية بيضاء).
6- أبلكيشن Appendix 8 و يسمى أيضاً Self-Assessment (تاخذه من مركز اسمه Vega بجانب مركز إصدار الـتأشرات).
7- شهادة بنكية برصيد الوالد.
8- جواز ساري المفعول.
9- قبول الجامعة.
10- الـ CAS.
11- رسوم الموعد (غير رسوم الفيزا).

للتوضيح: رسوم الفيزا 530 دولار = 1988 ريال تدفعها عن طريق النت إذا جيت تعبي الأبلكيشن.
رسوم الموعد 371 ريال للعادي (تستلم جوازك بعد 20 يوم تقريبا) 650 ريال للـ VIP (تستلم جوازك بعد 10 أيام تقريبا) تدفعها إذا جيت تعطيهم أوراقك و لازم كاش لأن ما عندهم شبكة.

و بعد ما تعطيهم الأوراق راح يكون في مقابلة عن طريق النت بيسألك أسئلة عامة (ليش اخترت بريطانيا .. ليش اخترت هذا التخصص .. وش هدفك من الدراسة .. الخ).

الله يوفقك و يسهل أمرك