مبتعثة دكتوراة بريطانيا؟كم المكافأة؟

تصرف حول ٢٥٠٠ او ٢٧٠٠ باوند ..

تقصدي بالمبلغ الاحتياطي هو الكاش اللي تأخذيه بالمطار او يكون معك للمصاريف هناك .

لابد ان يكون في حسابك مبلغ كافي للإيجار ورسوم تاجير الشقة والديبوزيت هذه اهم شي

ياساتر بس؟ طيب انا محاضر بجامعة، مايصرفون لي شي من راتبي؟

كم اخذ معي اقصد مبلغ للمصاريف، الدكتوراه ثلاث سنوات ، من غير معهد لاني قسم لغويات،



( تمت المشاركة باستخدام تطبيق مبتعث )

طالب اللغة، طالب البكلوريوس، طالب الماجستير، طالب الدكتوراه... كلهم ياخذون نفس المكافأة، الفرق فقط في بعض المكافآت لاحقا مثل مكافآت المؤتمرات ونحوها.
ينزل لك من راتبك في السعودية 41٪ حسب الدرجة من غير البدلات ما عدا بدل الندرة في بعض الجامعات فينرل للمبتعث، وينزل لك في بلد الابتعاث نفس مكافأة المبتعثين البقية.
الزوج ينزل له نفس مكافأة المبتعث لكن بدون بدلات أي ينزل له مكافأة أساسية أما إذا التحق بالبعثة فينزل له نفس مكافأة المبتعث الأساسي كاملة مع البدلات.
الأطفال ينزل لكل طفل مبلغ بسيط ولكن تعليم الأطفال مجاني ما عدا الحضانات.

ما أذكر المبالغ بالضبط رغم أني كنت سابقا مبتعث في بريطانيا لكن مجرد بحث بسيط في النت يعطيك جدول مكافآت المبتعثين في بريطانيا.

تحياتي...

بحثت في النت مالقيت اجابه محدده، والجدول ماهو updated
يعني فوق ٢٥٠٠ باوند مثلا يعطوني جزء من راتبي، وانا عندي بدل ندرة حتى هو يصرف لي كمان؟
تكفون اي طالب في الدكتوراة يجاوبني كم يصرف بالضبط بالله، كم لي ولزوجي وبناتي. ، ودي اطلع وانا على بينه ، عشان اعرف كم اشيل معي،
تكفون لا تبخلون علي


( تمت المشاركة باستخدام تطبيق مبتعث )

مع أني ما أحب أسلوب "تكفون وما تكفون، ولا تبخلون،" إلا أني أقول لك معظم أسئلتك تم الإجابة عنها.
كم ينزل لك؟
قلنا لك ٤١٪ احسبي الدرجة اللي أنت عليها (حنا ما ندري أنت على أي درجة)
بدل الندرة؟
قلنا لك سابقاً أن بعض الجامعات تصرفه، ما ندري أنت وش جامعتك علشان نقول لك هل تصرف لك أو لا لكن شوفي جامعتك هل تصرفه، حنا في الملك سعود يصرفونه، في جامعات مثل القصيم ما يصرفونه.
كم ينرل لطالب الدكتوراه؟
قلنا لك: طالب الدكتوراه ما يفرق عن طالب اللغة اللي توه مخلص ثانوي.
كم ينزل لك بالضبط وبحثت في النت وما لقيت إجابة؟
شوفي صفحة الملحقية:
ط§ظ„ط´ط¤ظˆظ† ط§ظ„ظ…ط§ظ„ظٹط© ظ„ظ„ظ…ط¨طھط¹ط« | ط§ظ„ظ…ظ„ط*ظ‚ظٹط© ط§ظ„ط«ظ‚ط§ظپظٹط© ظپظٹ ط¨ط±ظٹط·ط§ظ†ظٹط§ | UKSACB

كم تاخين معك فلوس؟
حسب،،، وش أنت بتسوين هناك، بتشترون سيارة أو لا؟ بتسكنون في فندق لمدة طويلة أو عندكم من يجهز لكم سكن؟ بتدخلون أطفالكم حضانة أو لا؟ بتحولون مبلغ من السعودية بعد وصولكم أو لا؟ بتروحون كلكم مرة واحدة أو لا....


الواحد يعطي سؤال مفصل علشان نعرف نجاوبه مو نجلس نخمن وش يبي.
قولي أنا من جامعة كذا على وظيفة كذا درجة كذا كم راح ينزل لي، أعطيك المبلغ بالريال والهللة.

احسب تقصد هل يصرف لي بدل ندرة هنا اساسا ، والزياده فوق المكافاة حقتي ولا من من ضمنها، لو اني فهمت مقصدك ماكان رجعت استفسرت، و"تكفون" استخدمها تحنبا لصيغة الامر في الطلب، ماله داعي تعصب..


( تمت المشاركة باستخدام تطبيق مبتعث )

أنت "لغويات" وش تفهمين من هذي الجملة؟

خلاص اشكرك، كفيت ووفيت،


( تمت المشاركة باستخدام تطبيق مبتعث )

اقتباس كلمة لغويات في غير موضعها، اشكرك عموما


( تمت المشاركة باستخدام تطبيق مبتعث )