المشاركة الأصلية كتبت بواسطة bouthaina
السلام عليكم
ارجو مساعدة من لدية خبره
انا تخصصي لغة انجليزية وسابتعث من عملي لاكمال الدراسة وانا محتارة في عدة امور اهمها التخصص
اكمل في اي تخصص من التالي:
TESOL
Linguistics
English language
ثم ان بريطانيا كبيرة وعلى ما سمعت غاليه
اي جامعه تنصحون فيها تكون فيها هذه الشروط:
الدراسة قصيرة اي 2- 3 سنوات للماستر
لا توجد فيها محاضرات تلزم الحضور كثيرة
نظام الدراسة معتمد من وزارة التعليم العالي
الجامعه في مدينة رخيصة وتوجد بها حضانه ثقة وامنه
المواصلات سهلة
لايوجد تضييق على الحجاب (اقصد الحجاب الكامل بالنقاب)
ثم ان تخصصي لغة انجليزية فهل يلزمني توفل او ماشابه للقبول
ومن لديه اي نصيحه او اقتراح لامانع لدي ابداً
بما اني نفس التخصص بجاوب باللي اقدر عليه
بالنسبه للتخصص شوفي اكثر شي انتي شو حابه تدرسين
TESOL
هو مثل ما تعرفين تدريس اللغه الانجليزيه لغير الناطقين بها في موضوع تجمع كامل عن هالموضوع تقدرين تدورين بالصفحات اللي قبل وهم راح يفيدونك
English language
هو تخصص شامل بالنسبه لي احس انه هالتخصص بوابه لتخصصات الدقيقه في الدكتوراه لو انتي طموحك تكملين دكتوراه ومحتاره بين التخصصات من الافضل تدرسين هالتخصص لانه يعطيك فكره شامله عن تخصصات اللغه الانجليزيه ويسهل عليك
Linguistics
نفس الشي برضو في تجمع في المنتدى لو ترجعين الصفحات القديمه بيفيدك اكثر
ثم ان بريطانيا كبيرة وعلى ما سمعت غاليه
صحيح اغلى من دول الخليج بس غلاها عادي برايي تقدرين تعيشين ع المكافاه ودامك راح تبتعثين من عملك راح يطلع لك معاشين لكذا اقدر اقولك تقدرين عليها باذن الله مع حسن ادارة المصاريف
بشرط تبتعدين عن لندن وبالعكس الشمال ارخص من الجنوب بس الجو ابرد
اي جامعه تنصحون فيها تكون فيها هذه الشروط:
الدراسة قصيرة اي 2- 3 سنوات للماستر
لا توجد فيها محاضرات تلزم الحضور كثيرة
بالعاده الماستر يمتد من 9 شهور الى 12 شهر والحضور 3 ايام بالاسبوع تقريبا في برامج تدرسين 6 مواد و2 بيبرز على مدى ترمين وخلصتي الماستر انتي شوفي نفسك شو تريدين وادخلي على مواقع الجامعات واقري الدسكربشن مال الكورس
الجامعات بصراحه ما اقدر افيدك لان الخيارات كثيره ومعايير الجامعه والمدينه انتي تحددينها لو كان المفاضله مثلا بين جامعتين او اكثر بقدر افيدك اكثر
وبعد انتي حابه تكون الجامعه قويه او مشي حالك المدينه كبيره وحضاريه ولا ريفيه
لان تخصصاتك تقريبا بكل جامعه لكذا من المهم تعرفين تحددين اشياء انتي تريدينها في الجامعه او المدينه مثلا بالنسبه لي ترتيب الجامعه جدا مهم بالنسبه لي عشان في بلدي التوظيف يعتمد عليها بشكل كبير لكذا اهم شي اولا ترتيب الجامعه الامان المدينه تكون حلوه وكبيره وكذا
نظام الدراسة معتمد من وزارة التعليم العالي
ما اقدر افيدك بهالنقطه
الجامعه في مدينة رخيصة وتوجد بها حضانه ثقة وامنه
في جامعات فاتحه حضانات للطلاب بسعر رمزي اتوقع المامات في المنتدى راح يفيدونك اكثر بهالنقطه
المواصلات سهلة
احلى حاجه احبها في بريطانيا شبكه مواصلاتهم في اوقات الذروه يوصل الباص كل 5 دقايق وبالمساء كل ربع ساعه وفي باصات ليليه لخطوط محدده غير كذا الاب الموجود في الاب ستور والبلاي ستور روعه بمعنى الكلمه تحددين المكان اللي تبين تروحين له ويقولك متى اقرب باص يوصلك وبعد سائقين الباصات متعاونين جدا في الايام غير الصيف
لايوجد تضييق على الحجاب (اقصد الحجاب الكامل بالنقاب)
غالبا متالفين على الحجاب وما يستنكرونه اقصد الحجاب الشرعي (الوجه باين) بس اكيد اذا كان المدينه كبيره وفيها جاليه كبيره مثل شفيلد برمنجهام مانشستر وغيرها ما يستغربون الحجاب ولا النقاب ابدا
ثم ان تخصصي لغة انجليزية فهل يلزمني توفل او ماشابه للقبول
يطيح شرط التوفل والايلس اذا كنتي دارسه البكالريوس في دول لغتها الاولى الانجليزيه مثل بريطانيا امريكا استراليا و نيوزلندا اما اذا كنتي دارسه انجليزي بالسعوديه فالاحسن تختبري ايلس لان حتى التوفل راح تقبله الجامعه بس ما راح تقبله السفاره اذا جيتي تقدمي للفيزا
موفقه باذن الله
*همـ القلم ـس* October 29th, 2014, 11:28 AM
LinkBack URL
About LinkBacks
October 28th, 2014, 01:29 PM
السلام عليكمارجو مساعدة من لدية خبره
انا تخصصي لغة انجليزية وسابتعث من عملي لاكمال الدراسة وانا محتارة في عدة امور اهمها التخصص
اكمل في اي تخصص من التالي:
TESOL
Linguistics
English language
ثم ان بريطانيا كبيرة وعلى ما سمعت غاليه
اي جامعه تنصحون فيها تكون فيها هذه الشروط:
الدراسة قصيرة اي 2- 3 سنوات للماستر
لا توجد فيها محاضرات تلزم الحضور كثيرة
نظام الدراسة معتمد من وزارة التعليم العالي
الجامعه في مدينة رخيصة وتوجد بها حضانه ثقة وامنه
المواصلات سهلة
لايوجد تضييق على الحجاب (اقصد الحجاب الكامل بالنقاب)
ثم ان تخصصي لغة انجليزية فهل يلزمني توفل او ماشابه للقبول
ومن لديه اي نصيحه او اقتراح لامانع لدي ابداً