احذروو شركة Unite

تنبيه: هذا الموضوع قديم. تم طرحه قبل 3371 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

naturelover
مبتعث جديد New Member

المملكة المتحدة
naturelover , أنثى. مبتعث جديد New Member. من السعودية , مبتعث فى المملكة المتحدة , تخصصى clinical lab , بجامعة Aberdeen University
Aberdeen University

clinical lab

أنثى
Aberdeen, Aberdeen

السعودية

Aug 2012
المزيدl
January 31st, 2015, 08:11 AM
January 31st, 2015, 08:11 AM
السلام عليكم

إخواني المبتعثين

حبيت بس أحذركم من شركة unite وهي عبارة عن سكن طلاب لتجربتي السيئة معهم

استأجرت من عندهم استوديو لمدة سنة و أبرمنا العقد ودفعت القسط الأول من الرسوم مع رسوم الحجز وليس هناك إلا قسطين كما أخبروني فاضطررت لدفع القسط الأول
وأنا أصلا حجزتها وأنا بالسعودية قبل مجيئي لأني ما حبيت أضيع فلوسي في الفنادق وقد سمعت أنها سكن كويس جدا للطلاب والطالبات وفيها كل الخدمات
المهم حصلت لي ظروف منعتني من السفر فاضطررت لتأجيل السنة ووافقت الجامعة وأرسلت ايميل لهذه الشركة بأن يلغولي الحجز لأني لاأستطيع القدوم
المهم لم يردو علي فطنشت لأني قد دفعت حق الست شهور الأولى وأنا أرسلت هاذا الإيميل بعد بداية الدراسة بأسبوعين أي قبل قبل انتهاء الشهر الأول من العقد
وعندما حل موعد دفع القسط الثاني أرسلولي ايميل يطلبون فيه أن أتصل عليهم بخصوص دفع القسط الثاني فبلغتهم أني أرسلت ايميل إلغاء الحجز من زمان وفرودت الإيميل لهم وطبعا فيه تاريخ الإرسال

فأرسلولي انهم حينظرو في الموضوع
وبعدين اتفاجأت انهم ساحبين من حسابي البنكي القسط الباقي من العقد اللي هو حق الست شهور الأخيرة وبعدها أرسلولي انو تم إلغاء العقد بس طبعا بعد ما بلعو المبلغ كامل حق السنة كاملة وكل هذا حصل وأنا في السعودية وهادا الاستوديو ماأعرف حتى شكلو

حبيت بس أحذركم من هادول النصابين لأنهم استغلو وضعي كوني خارج بريطانيا وما أقدر أسوي شي ولا حتى أشتكي أو أثبت أي شي
بإمكانك تقديم شكوى عن طريق السفرة او القنصلية البريطانية في السعودية وتقديم الايصالات الالكترونية المرسلة لك عن طريق الايميل وكذلك المراسلات اللي تمت بينك وبينهم بالايميل.. علماً بأن الايميل المرسل منهم يعتبر وثيقة رسمية سواء كان ايصال أو كان كلام عام كأخذ موافقة مثلاً.
أتمنى ماتسكتي
عزيز1000
February 3rd, 2015, 08:40 AM
7 "
شكرا لك أخي على الرد راح آخذ بنصيحتك بإذن الله بس المشكلة انهم ما أرسلو أي إيصالات فقط إيميلات عادية بس ممكن أستعمل كشف الحساب تبع البنك لإثبات عملية السحب راح أراسل البنك عن طريق الإيميل إذا رضيو يرسلولي كشف حساب عن طريق الايميل لأنو هادا البنك بيركليز مالو أي فرع هنا في جدة وان شاء الله أسترجع حقي.
naturelover
February 4th, 2015, 12:32 AM
7 "
اذا الايميلات اللي اللي ارسلوها تقول انهم استلموا المبلغ فهذا بمثابة الايصال يعني كونفيرميشن..
بالنسبة لكشف الحساب تقدري تدخلي على باركليز اونلاين وتفتحي حسابك وتطبعي منه كشف الحساب بدون مراسلة البنك. ولو ماكنتي مسحله تقدري تعملي حساب في الاون لاين بسهوله مايحتاح رقم تلفون او رقم حوال زي البنوك السعودية.
اطبعي معاك كل المراسلات اللي تمت بينكم من البداية ورتبيها حسب التسلسل الزمني وقدميها مع الشكوى.
لو ما انصفوك السفارة تقدري تشتكي عن طريق وزارة الخارحيه في حدة
عزيز1000
February 4th, 2015, 12:12 PM
7 "
لا مع الأسف القسط الثاني سحبوه بدون ما يرسلو أي كلمة عنو وانا اكتشفت هادا بالصدفة لمن شيكت على الرصيد لقيتو ناقص بالضبط المبلغ اللي يساوي القسط الثاني وبالنسبة للبنك أنا عندي حاليا حساب عندهم حتى إنهم عطوني جهاز مجانا لمن فتحت الحساب عندهم تدخل فيه البطاقة ويطلعلك رقم سري مختلف كل مرة عشان تدخل على حسابك اونلاين وكنت دايما أشيك بس للأسف ما عندهم خدمة كشف الحساب بس يمكنك تشوف رصيدك أو تحول فلوس لرصيد تاني في نفس البنك عشان كدا لازم أراسلهم لطلب كشف الحساب .
naturelover
February 5th, 2015, 12:59 AM
7 "
تقدري تطلعي كشف حساب بالفترة اللي تبغيها من باركليز اونلاين. حددي التواريخ من و إلى ويطلعلك كشف بالمده اللي حددتيها. عندي حساب في باركليز ومتأكد من الكلام ذا. وممكن كمان تدخلي بدون استخدام الحهاز اللي معاك.
عزيز1000
February 5th, 2015, 04:46 AM
7 "
طبعا يا أخي أكيد حاولت أطلع كشف حساب لفترات معينة لكن مع ذلك ما طلع لي شي ما أدري ايش المشكلة حتى إني حاولت أكلمهم أونلاين عشان أعرف ايش المشكلة ولكن لطعوني ساعة ومحد رد عليا فقفلت وأنا متأكدة كمان من كلامي
naturelover
February 5th, 2015, 05:20 AM
7 "