كيف تتم عملية ايجار الشقة في لندن؟

للأهمية لو سمحتو من وين اقدر احصل على مكاتب ثقة للتعامل داخل لندن؟

وعليكم السلام ورحمة الله وبركاته

اول شي تفتش على شقة في مواقع rightmove.co.uk و zoopla
اول ماتحصل شقة في المنطقة والمكان الي تباهم
تروح تتصل على المكتب وتاخذ معاه موعد
وتروح تشوف الشقة
اذا عجبتك وتباها
تدفع مبلغ لازالة الشقة من السوق
وبعدين قبل النقل تدفع تامين الذي يكون عادة ايجار شهر الى شهرين
وايجار شهر مقدم او ٣ او ٦ اشهر على حسب الاتفاق

الله يجزاك خير على هذه النصيحه ويغفر لك ولوالديك

أخي الكريم، هلا فيك.

فيه مكاتب كثير في لندن موثوقة تحصلها على الانترنت ممكن تتواصل معهم من هنا بالهاتف أو الايميل ويكون على موقعهم عدد من الشقق المتوفرة عندهم وتطلب تحدد معهم موعد تشوف الشقة وتروح تشوفها واذا قررت تاخذها تسوي الخطوات اللي قالها العضو الآخر.

لو مثلا تدخل المواقع اللي ذكرت فوق بتشوف اسم المكتب المخول لعرضها او اللي يعتبر وسيط بين المالك وبين المستأجرين. ممكن تاخذ اسمهم من الموقع الاعلاني وتبحث عنه في الانترنت وتتصل عليهم بشكل مباشر.

الله يجزاك على هذه النصيحه الغاليه
هل عندك مكاتب ثقة تنصحني فيها بارك الله فيك؟