مساعدة قرار المصيري ابتعاث ساعدوني ي طلاب بريطانيا

إن بعض الضن إثم
وممكن الاخ مو موجود ف من بعد اذنه بفهمك مقصده
هو قصده مو بعيد عن البنات لاشافو الاكياس وجو من السوق باكياس بيفرح مو قصده زي مافهمتيه واعتذر منك ومن صاحب الموضوع

اول ما تروحون هناك خالتك (المبتعث الرئيسي) راح تفتح ملف بالملحقية اون لاين بعدين تفتح لك انت ملف كمرافق ولما تقرر تدرس راح تكون مرافق دارس ودراستك لها شروط معينة تلقاها كلها بموقع الملحقية.

بالنسبة لاختبارات اللغة في بريطانيا ما يقبلون التوفل، فانت لازم تختبر ايلتس.

المعاهد التجارية ما تحتاج تختبر ايلتس عشان تدرس فيها يختبرونك تحديد مستوى ويحطونك بالمستوى المناسب لكن الجامعات ما تاخذ بشهادة المعهد وبس لازم تختبر ايلتس عشان تقبل، في حال انك اختبرت ايلتس وما جبت الدرجة اللي طلبتها الجامعة بس كانت درجتك جيدة ممكن الجامعة تعطيك قبول مشروط وتسجل في كورس لغة في معهد الجامعة نفسها، لما تنهي هالكورس تقبلك الجامعة من غير ما تعيد الايلتس.

اذا انت تشوف لغتك كويسة نوعا ما اختبر ايلتس قبل ما تسجل في معهد لانك لو جبت درجة كويسة وقدرت تتجنب الدراسة في معهد تجاري وعلطول درست بمعهد الجامعة بيكون افضل لك، اما في حال اختبرت وصارت درجتك نازلة وما فيه مجال يقبلك معهد الجامعة ممكن تسجل في معهد تجاري وبعد ما تنهي دراستك في المعهد تختبر ايلتس مرة ثانية عشان تقدم عالجامعة.

ان شا الله يكون الموضوع وضح بالنسبة لك ولا تشيل هم يا اخوي تتسهل ان شا الله.