اولا هذا الرانكنق لجامعات بريطانيا في مجال علوم الحاسب، اخترت اعطيك هالتصنيف لانه خاص لجامعات بريطانيا وهو الماخوذ به في مكان شغلي
Computer Science - Top UK University Subject Tables and Rankings 2016 - Complete University Guide
لاحظي تقدم جامعة امبريال على جامعة ادنبره في هذا التصنيف لكن المفروض ما يكون هذا الشي اللي تحكمين على اساسه فقط لاكثر من سبب
أولا: الترتيب هذا لتخصص علوم الحاسب عموما ومو في الذكاء الاصطناعي بالذات
ثانيا: التصنيف يعتمد على معايير معينة قد تكون تهمك وقد يكون غيرها يهمك اكثر
هذا بوست لطالب اجنبي يقارن بين امبيريال وادنبره في تخصص الذكاء الاصطناعي
Master's Artificial Intelligence: Edinburgh or Imperial? - The Student Room
زبدة هالمقارنة والشي اللي طلعت فيه لما كنت محتارة زيك هو :
سمعة جامعة امبيريال في علوم الحاسب عموما جدا قوية وقد تكون اقوى جامعات بريطانيا في هذا المجال ولكن جامعة ادنبره تتفوق عليها في مجال الذكاء الاصطناعي بالذات وهذا التفوق قسته بشيين:
١. عدد الباحثين في هذا المجال من كل جامعة
٢. عدد الابحاث المنشورة في هذا المجال من كل جامعة
يعني لما تروحين لامبيريال بيقولون واو خريجة امبيريال! لان سمعة الجامعة عموما قوية، لكن دراستك في ادنبره راح تعطيك خيارات اكبر في التخصص وراح تشوفين هالشي لما اتكلم لك عنه ان شا الله
هذا بالنسبة للمقارنة من ناحية اكاديمية، اما من ناحية المعيشة والسكن فما فيه اغلي من اسعار لندن بين كل المدن البريطانية وصدقيني ترا هذي نقطة مهمة جدا الغربة والدراسة كفاح بحد ذاته فماله داعي تزيدين معاناتك بضييق مادي.
نجي لتخصص الذكاء الاصطناعي في ادنبره والخطة والتخصصات الفرعية
هذي الصفحة الخاصة بالتخصص في موقع الجامعة
Artificial Intelligence MSc | The University of Edinburgh
أولا: فيه ٤ تخصصات فرعية ممكن تختارين منها وعلى اساس تخصصك يكون اختيارك للمواد واللي هي
Intelligent Robotics
Agents, Knowledge and Data
Machine Learning
Natural Language Processing
في هذا الرابط تلاقين معلومات مفصلة عن كل تخصص
Courses and Specialist Areas — Informatics Student Services
لما تفتحين على تخصص معين يعطونك تفاصيل عن ايش المواد الكور وايش المواد الاختيارية بهذا التخصص وايش يتوقعون منك لما تخصصين بهالمجال .. الخ
ولما تفتحين على مادة معينة يعطونك تفاصيل عن المادة وطريقة التقييم فيها وعدد الساعات .. الخ
مهما كان التخصص اللي اخترتيه في ٣ مواد بتدرسينها بكل التخصصات اللي هي
Informatics Research Review : في هذي المادة يطلبون منك البحث عن ابحاث واوراق علميه في مجال معين ومراجعتها ونقدها .. الخ، هالمادة تاخذينها بالترم الاول
Informatics Research Proposal : في هذي المادة يكون لك سوبرفايزر وتتفقين معه على موضوع معين وتسويين خطة بحث، هالمادة تكون بالترم الثاني
MSc Dissertation : هذي هي مادة البحث نفسها واللي تكون خلال الصيف
في جامعة ادنبره ما فيه اختبارات بالترم الاول بعد ما تنهين الترم الاول والثاني تختبرين في كل المواد اللي اخذتيها (اذا كانت المادة لها اختبار نهائي طبعا) وتكون فترة الاختبارات في ابريل وماي. هالشي ممكن تشوفينه ميزه او عيب بالنسبة لي كان ميزه الحمدلله.
أخيرا بالنسبة لتجربتي مع الجامعة الى الان
بصراحة الجامعة ابهرتني بدرجة اهتمامها بطلابها بشكل غير طبيعي، وهالشي لاحظته من اول ما قدمت على الجامعة. بالبداية التقديم الالكتروني حقهم مرة مرتب وواضح وسهل الاستخدام ولا فيه اي رسوم للتقديم وكان تجاوبهم معي لما اراسلهم جدا سريع، بالاضافة الجامعة ارسلت لي الاوفر وقبلته بدون ما يطلبون ضمان مالي او اي شي وللحين ما سألوني عنه اصلا.
الجامعة ايضا عندهم اون لاين تولز كثيرة تساعدك على التخطيط لدراستك منها Path اللي هو عبارة عن تول تسوي فيه جدولك وتختارين المواد وتشوفين كيف بيصير شكل الجدول واذا انتي غطيتي كل متطلبات الجامعة .. الخ
الجامعة موب بس مسؤوله عن الشؤون الاكاديمية، بتلقين في موقعهم معلومات مهمة ومفيدة جدا عن طريقة البحث عن سكن وحقوقك كمؤجر وكيف تتلافين النصب اللي ممكن يصير وفيه بعد معلومات كثيرة عن الميزانية والصرف وحاطينلك اون لاين تول تضبطين فيها ميزانيتك ويعلمونك كل شي من اكل وشرب وسكن ونقل وفواتير كم ممكن يكلفك بالافرج ومسوين تشك لست للطالب فيها كل الامور المهمة سواء اكاديمية، نظامية او شخصية هذي طبعتها وبديت اشطب منها واحس اني الحمد لله مرة مرتاحة ومتطمنة اني عندي معلومات كافيه عن كل شي احتاجه قبل السفر واول ما اوصل. من الاشياء اللي اعجبتني بعد انهم راح يستقبلون الطلاب اللي بيوصلون قبل الدراسة بثلاث ايام بالمطار وبيسوون لكل الطلاب الانترناشونل برنامج تعريفي وايضا يسوون لقاءات لعوائل الطلاب فتلاحين كيف الجامعة مرة مهتمه براحة الطالب والجانب الاجتماعي من حياته.
طبعا كل هذي المعلومات بناء على بحثي وتجربتي البسيطة .. انا للحين ما بعد بدت دراستي هناك ولكن ان شا الله تستمر التجربة مرضية مع الجامعة
بالنسبة للجامعات الثانية اللي ذكرتيها للاسف ما عندي معلومات عنها وعن برامجها انا كان بحثي على امبيريال وادنبره فقط لاني اشوفهم الافضل بهالمجال.
ان شا الله اكون غطيت اغلب الاشياء اللي ببالك ولو عندك اسئلة ان شا الله اقدر افيدك
بالتوفيق
A Sharp August 13th, 2015, 05:08 AM
August 11th, 2015, 05:40 PM
السلام عليكم .....
كيفكم انشاء الله طبين
حبيت أستفسر منكم عن الجامعات البريطانيه اللي توفر تخصص الذكاء الإصطناعي للماستر لأني حابه أكمل ماجستير فيه
طبعا سمعت عن شيفيلد ومانشستر إذ ا تعرفون جامعات كمان غيرها أبغى أكثر من خيار
ربي يسعدكم