السلام عليكم ورحمة الله وبركاته
بريطانيا كبيره ومعاهدها كثيره , هناك معاهد مشهوره وهناك معاهد لم تسمع عنها ومع ذلك هي ممتازة ومفيده اكثر من المعاهد المشهوره .
بالنسبة لموضوع اسماء المعاهد السابقه هذه المعاهد لها افرع في اكثر من مدينة مثلا وعليك اختيار المدينة ثم المعهد , بالنسبة للمعهد الرابع : الامباسي يجب عليك تحديد المنطقه اقصد اي مدينة تقصد ؟
لاني انا درست في ( امبسي اكسفورد ) تقريبا اكثر من 6 اشهر بتكلم عنه بصدق وهذه ليس دعاية للمعهد بل للاستفادة .
Embassy من المعاهد التي احترمها كثرا وكانت على ايامي سنه 2011 جيده ولكنها ليست افضل الموجود , نفسها نفس اي معهد , وكانت استفادتي كبيره لاني اعتمد على نفسي وليس على المدرسين والحق يقال فيها مدرسين ممتازين وفيها مدرسين فاشلين وانت وحظك تكون في اي فصل منهم ؟
الخلاصه احب اقول لكم ان الاستفاده تقريبا 40 % من المعهد والباقي من جد واجتهاد الطالب وحرصه على التعليم , اليوم وبعد اكثر من 5 سنوات استطيع ان اقول ومن خبره طويلة التعليم هو تعليم والمنهج تقريبا نفس المنهج ولكن يختلف المؤلف
اقصد مادة اللغه الانجليزية هي واحده بقواعدها وقوانينها الاختلاف بمصدر الكتاب وطريقة المؤلف في الشرح مع الصور التعبيرية لاقرب لك نفس معهد Embassy Oxford يختلف عن معهد Embassy Cambridge الاداره والمدرسين منفصله عن كل فرع واخر وكما نقول بالعامية كل شيخ وله طريقة في التدريس المهم هو التركيز على التعليم في الصف والمراجعه ثم ممارسة اللغه خارج نطاق المعهد مع سماع الاخبار ومشاهدة الافلام المفيدة
ونصيحتي للجميع اختيار منطقة امنه لا يوجد فيها عنصرية ومعهد موصي به من قبل الملحقية لانهم على علم بكل مشاكل المعاهد واستغلالهم للطلبه الخليجيين .
اوكسفورديه January 25th, 2016, 12:52 PM
7 " 
LinkBack URL
About LinkBacks
.
January 24th, 2016, 01:40 AM
ناوي اني اخذلي لغة بالصيفية الجايه بعد رمضان لمدة 10 اسابيع يعني شهرين ونص باذن واحد احد
لكن يا اخوان انا الحين (ضايع بالطاسة) من كثر خيارات المعاهد والمدن وايضا الدول
لي ابحث اسبوعين مغير ابحححث بهالمعاهد واشوف افضلهم ووووووو
كل معهد القى اللي يمممممدح فيه برضو القى اللي يسبوووون فيه ولا ينصحون به ابد
اولا كدولة انا محتار بين بريطانيا وايرلندا من ناحية المعاهد والعوائل .
ثانيا خلني ابتكلم عن المعاهد اللي قدرت استقصئ منها الافضل وعطوني رايكم فيها , ايضا لو كان فيه افضل منها يكون احسن واحسن
المعهد الاول : ec
المعهد الثاني : كابلان
المعهد الثالث : بريلتز (من نصيحة بنت عمي تدرس فيه)
المعهد الرابع : امباسي
المعهد الخامس : يورو سينتر
المعهد السادس : LSI
المعهد السابع والاخير :سانت جايلز
وش افضل من ناحية التدريس + قلة العرب ؟
علما بأن اللغة عندي متوسطة وابي استفيد من اللغة بالجامعة ان شاء الله و المحادثات العامة , واللي كثيير نصحوني وشفت الناس تنصح فيه وبشدة بعد السكن مع عائلة وهذا اللي بسويه ان شاء الله
والله يوفقني ويوفق الجميع يارب
اللي عنده ولو بمعلومة بسيطة عن احد هالمعاهد او غيرها لو كان فيه احسن يفيدني ويفيد غيري اللي بيدخل للموضوع وعارف انكم ما تقصرون وفيكم الخير والبركة