مساعدة معهد LSI : لو سمحتوا طلآب ( برايتون ) تكفون

السلام عليكم كيفك اخوي معاك ماهر رحت بريطانيا السنه الماضيه في برايتون

طبعا هذي اول مره لك في بريطانيا فالافضل تأخذ الباصات هذي اسهل لك وبعدها الاندرقراوند واترك التاكسي يمكن يوصل سعرها من هيثرو الى برايتون بحدود 90 باوند فإذا أخذت الباصات اول ماتنزل هيثرو روح محطة الباصات وخذ باص لبرايتون وسعره تقريبا 23 باوند سماعه ونص تقريبا انت في برايتون في موقع اسمه old stain وبعدين من هناك تأخذ تاكسي او تستخدم باص ثاني وتروح العائلي او لسكن الطلاب وإذا أخذت الاندرقراوند لازم تروح من هيثرو باستخدام الاندرقراوند الى محطة اسمها فيكتوريا ومن فيكتوريا تأخذ القطار الى برايتون وسعر القطار 11 باوند تقريبا والوصلات برايتون راح توصل في مكان اسمه برايتون ستيشن ومن هناك تأخذ الباص او التاكسي للعائلة او السكن

شوف السكن مع عائله حلو بعض مناطق العائلي تأخذ للمعهد 45 دقيقه للباص وبعضها تأخذ 5 دقائق مشي بالنسبة اول مايوصل برايتون روح المعهد وراح يعطيك بطاقته على انك طالب عندهم وهذي البطاقة تعتبر مهمه فيها تخفيض مطاعم وسينما و باصات وكل شي تقريبا وإذا تبغا تروح المعهد من بيتك لازم يكون معاك بطاقته حقة باصات وهذي البطاقة سعرها في الشهر بدون تخفيض 69 باوند وإذا تبغا 3 شهور مع تخفيض سعره 120 باوند طريقة الباصات سهله جدا بس لازم تتذكر وتعمل خريطه في رأسك علشان تعرف المدينة
وأخيرا المدينة جدا جميله وفيها أماكن كثيره وخلوه وتبعد عن لندن بالقطار 45 دقيقه وسعر القطار من برايتون للندن ب 18 باوند ليوم كامل روحه ورجعه واستخدام الباصات والاندرقراوند داخل لندن مجانا
راح تعجبك المدينة ان شاء الله وحاول تبعد عن العرب علشان اللغة تتحسن والطلاب هناك كثير ومحترمين والمدنيه و ناسها محترمين أتمنى لك رحله حلوه كنت ادرس بمعهد ec فماعندي نعرفه بمعهدنا