مطلوب معهد لغة عندهم رحلات

ي هلا ببنت الديرة وعيدكم مبارك شلون العيد بالديرة عساكم طيبين

اختي زينب اتذكر ان كان بيننا حوار بشان بانجور على ما اظن شنو صار وياج رحتي ولا تو
المهم اختي زينب مهما كان العمر لا يعني أنك كبيره عشان تعيشين مع عائلة ولكن هذه اختيارك ورغبتك يوجد عدة معاهد تجاريه وليست أكاديمية تسوي رحلات ولا أنصح بها

بعض العوايل عباره عن عجوز فقط او عجوز وبنتها وانا اذكر من الشباب كان ساكن مع عايله وابوهم مسيحي متشدد فكان عازل البنات عن العيال ( كل قسم بدور ) حتى انها فضت غرفه عن البنات ورفض يأجرها على ولد

للمعلوميه المعهد يقويك باللغه ٢٠ الى ٣٠٪‏ فقط الباقي على ممارستك للغه واطلاعك سواء كتب او سماع اخبار او غيره
وبالتوفيق

اهلا اخي
قدمت طلب على عدة جامعات و للاسف لقيتهم غاليين جدا
عدا جامعة بانجور ميزانيتها جيدة قدمت الطلب و لحد الان انتظر الرد
قرات عن بانجور ولقيت انها منطقه ريفيه وقلة قليله مسلمين هالشئ مخوفني
انا اللغه عندي لا باس فيها فقط مشكلتي الثقه و الخوف انا احتاج ممارسه اكثر من مجرد كتاب اقراه و احفظ
اليوم قرات عن معهد كابلن و معهد تابع لجمعة بانجور اعتقد الكوس بس للاسف مافيه رحلات

شكرك على المعلومات
اللغه عندي لا باس فيها بس مشكلتي انا ماعندي ثقه وخوافه
نعم انا احتاج ممارسه ولا اعرف كيف ااديها

المعهد اللي انا فيه يوفر امريكان تتكلم معهم لحالك بالمكتبه وفاضيين يدورن احد يقعد يسولف معهم
بالاضافه الى قروبات محادثه
وفيه معاهد كثيره توفر هالشي ( افضل من الرحلات بكثير )
وحاولي ماتخافين ( ترى ماراح ياكلونك ) ضروري تصيرين جريئه شوي باللغه عشان تستفيدين

اهلا اخي
قدمت طلب على عدة جامعات و للاسف لقيتهم غاليين جدا
جم ميزانيتج بالسنة الي تقدرين عليه عشان اقدر ادور لج بعد لا تنسين انتي خلج بس على اللغة وأول ما تدخلين الجامعة خلي أحد من إخوانج او ابوج أو زوجج يروح عند أحد من الأعضاء الي ماشاءالله عليهم ما وراهم غير الهواش واذا قربت الانتخابات تلقينهم يركضون ورا الواحد عشان يصوت له وخليه يحولج على حساب الدولة

عدا جامعة بانجور ميزانيتها جيدة قدمت الطلب و لحد الان انتظر الرد
الله يوفقج بس ما يصير راحت عليج سنه وانتي ما سويتي شي قدمي علي جامعة ثانيه لا تعتمدين بس على وحده

قرات عن بانجور ولقيت انها منطقه ريفيه وقلة قليله مسلمين هالشئ مخوفني
ايه خافي تراهم يبون ياكلونج يسوونج مجبوس زينب أو قبوط زينب هههههه
لا ي اختي لا تخافين ولا هم يحزنون وتراهم نفس عوايدنا ونفس حياتنا ما راح تحسين بأي فرق غير أنه عندهم ....... و أنهم سكرانين أما بشأن المجتمع كالكل مالهم أي فرق عنا من آداب و أخلاق واحترام وبالعكس كنت اول انا فيها فقط زيارة لاني كنت من سكان برايتون وبالعكس المدينة حلوه وشعبها حبوب ولا يحبون السياسه ولا كلام الديانات

انا اللغه عندي لا باس فيها فقط مشكلتي الثقه و الخوف انا احتاج ممارسه اكثر من مجرد كتاب اقراه و احفظ
اختي أنصحج انج تروحين مجمع الكوت الي بالفحيحيل لأنه فيه جالية من جميع الجنسيات الأوربية من انجليزي فرنسي ألماني بولندي من جميع اللغات الاوربيه حتى بعد صيني و كوري ما تلقينهم إلا في هالمجمع تلقينهم قاعدين برا في ستاربكس أو في الخيمة حقت المقهى انا الي مستغربه شي واحد يعني شنو الكويت انحصرت فيهم ما لقوا غير هل مكان الله وعلم تقدرين تتعرفين على بنت اجنبية من بريطانيا أو امريكا تتكلمين معاها أو عندنا احنى جارتنا في الشامية أمريكية متجنسه كويتي صار لها في الكويت من 76 تعطي دورات لغة في بيتها و العصر تكون مدربة رماية في نادي جابر للرماية على الدائر السادس تقدرين تمارسين معاها لغه هي كبيره واذا تبيني اكلمها الج انا حاضر لاني انا مثل ولدها متربي عندهم من كان عمري 6 سنوات

اليوم قرات عن معهد كابلن و معهد تابع لجمعة بانجور اعتقد الكوس بس للاسف مافيه رحلات
أي معاهد تجاريه أبعدي عنه لأنه التدريس فاشل هذي من وجهة نظري الشخصية لو انا كنت مكانج ما رحت غير المعاهد التابعة للجامعة أو معاهد المعترفه من بريتش كانسيل اما بشأن وضعج بس جاوبيني لو واحد تكلم معاج انجليزي عادي من غير نطق الصحيح يعني انجليزي اكسنت عربي ههههه ادري انه ما يصير بس يالله كم يكون مستوى فهم من 0 إلى 10 وهل تقدرين أن تتكلمين بالانجليزي ؟ و سؤال الثاني لو جبنا بريطاني يتكلم انجليزي مع الاكسنت البريطاني هل تقدرين تفهمين عليه علمآ بأنه الكلام نفس ماهو وهل تقدرين تردين عليه ؟

ي هلا ابو سلمان بخصوص هل رجال الي كان يسكن الطلاب بدور و الطالبات بدور آخر هذه مثل العائلة الي كنت ساكن معاهم في فترة دراستي الجامعية بامريكا كنت ساكن عند عائلة مسيحية ولكن ما يصلون البيت مكون من 3 ادور دور الأرضي مكتبه نص الدور فيه جميع الكتب الي تحتاجها من دراسة او من قصص وفيه رف الاخير على الزاويه كتب سماويه منها القران الكريم وقصص الانبياء في عربي وفيه انجليزي ونص الثاني صالة ومطبخ ومسبح والدورين الآخرين حقت سكن من غرف وصالة ومطبخ الأخرى المهم كان هل رجال الله يجزاه الف خير في وقت الرمضان انسى أن يأكل قدامنا وبعض مرات ما يأكل إلا معانا يقولنا انا صايم ههههههه وفي رمضان يسوي لنا مسابقات يقول الي يحفظ جزاء كامل من الي هو يختاره ما يدفع الإيجار لمدة شهرين والي يحفظ حزب شهر والي يحفظ ايه اشتري له الي يبي وكنت أنا مستغرب اول ما جيت شلون هذه يعرف القرآن الكريم كامل شلون و شلون وشلون مليون سؤال في مخي سئلته مرة من المرات قلت له السيد جون كيف تعرف انيي انا لم أخطاء في تسمع القران الكريم وهل أنت حافظ القرآن الكريم هذه كان أول سؤالي ولحد الحين صار لي 6 سنوات واتذكره تخيل شنو رد علي قالي انا مو حافظ القرآن الكريم ولا أعرف اذا أخطأت في القراءة او لا ولكني أحس أن هذه الكلام سماوي وافرح و أكون مستانس من داخلي يوم أشاهدكم تحفظون القران الكريم وتجتهدون في حفظه وقرأته والله العظيم يوم سمعت هل كلام دمعت عيني وبسته واحلى ما فيه يوم سمعت هل كلام قالي لا تعلم أحد الكلام هذه عشان ما يغشوني ههههه كنت مثل ولده كان ما يهتم في الإيجار كم تبي تعطيه عطه كان يطلعنا ويزعل اذا دفعت الحساب بدل عنه يعني احنى طالعين جماعة يمكن 8 أو 9 من الي طالعين معه ما يخلي ولا واحد يدفع الحساب واذا دفعت الحساب يزعل من هذه شي وكان يقولنا انتوا اعيالي اهلكم حاطينكم امانه عندي واذا أحد مرض من عندنا تلقاه حزين ويركض يروح يطلب له الدكتور عشان يجيه ويسهر عليه وفيه مليون شغله عنه لو تكلمت عن هل رجال ماراح أوفي حقه غير ان الله يجزاه الف خير ويحميه من كل شر