استفسار بخصوص عقود السكن في بريطانيا

^^^

أنتبهي من عرب الغرب!
أغلبهم يستغلون الخليجيين والسعوديين!!
لا أنصحك بحجز أي موعد أودفع أي مبلغ حتى رؤيةالشقه!!!
تعاملي بعد وصولك مع المسجليين مع موقع ال..Rightmove

أحذري من بعض السماسره والمكاتب الخاصه وملاك البيوت الخاصه (الأكواخ)!!!!
الأفضل لك أستئجار شقه بمكان مناسب ورؤية الشقه أولا ولا توقعي العقد بدون قراءة شروطه وتفاصيله!!!!

وفقك الله بمن يفيدك بنصائح مفيده وخاصىة من المبتعثين المتواجدين حاليا بالمدينه المذكوره أو من سبق له العيش فيها.

ايوا الشقة عشان اشوفها لازم اخذ موعد .
الشقق اخترتها من موقع رايت موف

يعطيك العافية الكهل الطموح. ما شاء الله اغلب استفساراتي انت الي ترد عليها. الله يوفقك

^^^

وياكم! وتوصلون هناك بالسلامه!!
تحياتي للوالد وسهل الله كل مهامه!!!

مرجع:



عقود السكن تكون يا اما قصيرة مدى. او طويلة مدى. اغلب العقود طويلة المدى اقل مدة للعقد تكون ٦ اشهر.

عند الاتفاق عن طريق مكتب عقار (agent) .. لهم عمولة . لذلك يفضل لو تاجر من المالك نفسه. ولو مافي الشكوى لله ادفع عموله المكتب.

الدفع حيكون محدد ب عامل واحد وهوا هل لديك احد في بريطانيا يكفلك (financial guarantor) ؟ لو فيه قد يطلب منك دفع مقدم شهر ونص . او لا.

لو مافي ف على الاغلب سيطلبون منك دفع مقدم لعدة اشهر. (قد يطلب ٦ اشهر. او قد يطلب ٣ اشهر). > ازمة



ايضا غير الايجار و عمولة المكتب، هناك مبلغ ايداع التامين Deposit (في حال خربت شي ف الشقة ياخذو المبلغ). و عادة يكون مبلغ ايجار شهر او شهر ونص. تسلمه لهم في نفس يوم كتابة العقد. و خلال اسبوعين المفروض تستلم ورقة (شهادة) deposit security scheme فيها رقم او كود خاص فيك. تقدر تشيك اون لاين للتاكد انه المالك فعلا اودع التامين ف شركة الايداعات. .التامين يروح لجهة حكومية خاصة تحفظ الايداع لك لما تقرر خروجك من الشقة.



تاكد من ال inventory checklist و هاذي تقدر انت تعبيها و لكن اغلب المكاتب هي تسويلك هيا. هذي عبارة عن تقرير او لستة ب حالة الشقة عند استلامها. يكتب كل شي. حتى الادوات الي موجودة (مثلا غسالة/ثلاجة..الخ). التقرير هذا لازم تشيك عليه بنفسك و تقراه قبل ما توقعه. لانه يضمن حقك عند تسليم الشقة انه المالك ما يكلفك او يتهمك انك خربت شي و لازم تدفع ثمنه. التقرير خذ منه نسخة لو المكتب ما عطاك واحتفظ فيه لانه نهاية العقد انت ملزوم ترجعه للمالك. و يفضل لو تاخذ صور للمكان كدليل (خصوصا لو فيه اثاث قديم او الارض او الجدار فيه مشكلة..)



تاكد من انه مافب فواتير معلقة (لعداد الموية water meter و الكهرباء مصفرة و الغاز) (zeroed) . عشان لا تدفع فواتير خاصة بالمؤجر الي قبلك!

انا شخصيا دقيت على شركة المياة و علمتهم انو عقدي بدا اليوم و طلبت ياخذو قراءة للعداد . عشان اكون في السليم



قد يطلبو منك دفع ضرائب للمرافق الاخ/الاب.

خصوصا لو كتبت اسمهم في العقد. شخصيا انا طلبو مني دفع ضريبة سكن council tax للمرافق الاب. و لكن اتصلت عليهم و شرحت وضعي انو انا طالبة و الوالد غير موظف و انو جاي زيارة فقط وما راح يقعد اكثر من كم شهر). ووافقوا يلغوها. لو ما وافقوا لاي سبب احرص على انه الضريبة تكون عليها تخفيض (٢٥٪؜ ) لانه ساكن مع طالب/ة .

الطلاب مستثنين تماما من دفع الضريبة.

الجامعة عادة ترسل لستة بالاسماء . او في حالتي المالك ارسل العقد لهم و خلال اسبوعين وصلتني ورقة منهم على البريد.



عند شراء الشقة احرص على رؤيتها طبعا + الحي.

شوف لو فيه محطات باص قريبة مثلا. السوبر ماركت.

و انتبه لا تكون قريبة من night club. لانه عادة الشقة ينزل سعرها ف احيانا المؤجر يشوف السعر قليل و الحي هادي ينبسط (النايت كلوبز يبدا صياحهم في المساء )



يفضل لو تاجر شقة تكون فيها على الاقل "الادوات البيضاء" white goods . مثل الفرن و الغسالة و الثلاجة.

لو مافي. انصح بشراء مستعمل. + ف نهاية العقد ما تقدر تخليها ف الشقة انت ملزم تتصرف فيها (تقدر تعرضها في موقع Gumtree) او تبيعها لموقع اون لاين او محلات اجهزة مستعملة. (او تعطيها لاحد ببلاش من المبثعين)



بخصوص توقيع العقد . اقرا القعد كويسسس. مع انه اغلب العقود تكون فيها نقاط مالها دخل في الشقة نفسها (نقاط عامة و قد لا تنطبق). بس عشان تكون ف الصورة. و احرص انه في حال لا قدر الله حريق او ماصورة موية انكسرت و خربت كل الشقة و صارت غير صالحة للسكن انك ما دفع اجار في هذي الفترة لما المالك يصلحها . و تاكد انه ف العقد مكتوب انو المالك بيسوي تامين على المكان.





و بالتوفيق