إستفتاء أفضل الجامعات البريطانية

هل الدراسه في بريطانيا هل هي مكلفة جدا لدرجة ان ما تعطيه الوزارة ما يكفي
مساء الخير
عندي سؤال مهم جدا هل الدراسة في بريطانيا مكلفه جدا جدا , لدرجة أن الراتب والمصروف الشهري للوزارة ما يكفي الدراسة والمعيشه ولابد من ان أهالينا يصرفون علينا بعد ؟
أنا كلمني المسؤول يقول ان قرار ابتعاثك ماشي الحمد لله بس ننتظر الاعلان الرسمي
وطلب مني تغيير بريطانيا لانها غاليه ولا أقدر أكمل فيها الدكتوراه ويقول غير لأي دوله ثانية وأنا ودي ببريطانيا لانها قريبه يقدر اي احد من اهلي يزورني بين فترة وثانية وااه ما اعرف وش أسوي أنا ما صدقت انه يطلع ابتعاثي .
ياليت احد يساعدني ويشور علي

يا أخت ألاء إنت مقدمة على الدكتوراه واللي يعطونه للي مقدم على الدكتوراه ممكن مرة ونص أو دبل للي يعطونه للبكالوريوس وفيه موضوع مثبت بعنوان جميع المخصصات المالية لمبتعثي بريطانيا للأخ الفاضل الكاسر موضوع شيق وبيختصر عليك الوقت
ولا نخرج من جوهر الموضوع أنتظر رد عاجل منكم وشكرا

شكرا لك اخوي العسير
لكن المقال اللي عن المخصصات المالية مكتوب في أوله أنه للي عندهم رواتب من قبل ..
أما بخصوص الجامعات أنا نفس الشي جالسه أدور عن جامعات في بريطانيا ولقيت ان الاخ قاري تكلم عن الجامعة في ليفربول ويقول ان المعيشه فيها زينه والدراسه بعد ولاأعرف أي شي ثاني
شكرا

رجاءا نطق الأسم الأسير مو العسير
في ناس مدحو كامبردج وشيفيلد وكارديف والله كان ودي أروح لمنشستر بس الوزارة وقفوا الإبتعاث لزيادة عدد السعووودين خاصة وجامعة نوتنقهام حلوة بس صعبة بمعنى الكلمة والعيشة صعبة بمعنى الكلمة والله ييسرو موضوعك يا أخت ألاء الواحد بروح إبتعاث لزوم يجيه شهريا من عائلته لا يقل عن الفين ريال سعودي حقت أكله وشربه

آسف على نطق الاسم يا لأسير (الله يفك أسرك) بس والله استحيت من أهلي البكالوريس والماجستير وبعد الدكتوراه ..

تبين كلمة حق لهم الفخر في إنك بتجيبين الدكتوراه وماله داعي السحى وأتمنى لك كل التوفيق ولا تنسونى من دعائكم...

شباب ما حد رد علي إلى الحين والله جالس على أعصابي

انا برائي المتواضع ان افضل الجامعات

هي 1-شفيلد

2-بريستيل

3-نيوكاسل

وهذا بشهادة ناس درسوا هناك

وافضل شي انك تسأل ناس ذوو خبره

هذا والله اعلم

و الله يا عزيزي أنا اشوف ان هذا يعتمد على التخصص اللي راح تدرسه يعني في جامعات قوية في تخصص معين و جامعات ضعيفة في التخصص بس قوية في تخصص ثاني و جامعات تكون في مدينة جيدة بس يكون التخصص مو معترف فيه أو الجامعة كلها مو معترف فيها

أنا أدرس في جامعة برونيل و هي قوية في الهندسة والقانون و ناس كثير مدحت الجامعة و مجربة الدراسة فيها.

شوف انت ايش راح تدرس و أسأل ناس درست التخصص ومجربة

أتمنى لك التوفيق,,,