بااااااااااااااااااااااااركولي

السلام عليكم ورحمة الله وبركاته ..
..
مبروك أخي الكريم حصولك على القبول ،،

وهذه الخطوات نقلتها لك من منتدى آخر وراح أرفع لك الفورم من جهازي عشان تستخدمه ،،

السفارة والفيزا: ( للكل قبول الجامعه واللغه )


بعد ما يوصلك خطاب القبول من معهد اللغة او الجامعة :
تستلم خطاب الضمان المالي من وزارة التعليم العالي ( بعد ما تعطيهم نسخه من قبول اللغه او الجامعه ) ـ ومثل ما انتو عارفين ان خطاب الضمان المالي يكون موجه للسفارة البريطانيه ويكون مكتوب في الخطاب اسم المعهد او الجامعه اللي بتدرس فيها . فــ اللي يفكر يحول والا يغير اتمنى انه يحرص في الموضوع هذا .. ياليت الكل يكون واضح وعارف وين بيروح .


بعد ما تستلم خطاب الضمان المالي :
الساعه 8 الصبح .. جيبك فيه 790 ريال .. قيمة اصدار الفيزا وتكون عند باب السفارة البريطانية .. ( مايحتاج تاخذ حجز .. تروح على طول اول ما تستلم الضمان المالي )

وتكون معاك الاوراق كاملة :
• قبولك
• جوازك ( ساري المفعول اقل شي يقبلوه 6 شهور قبل ما ينتهي الجواز )
• دراهمك 790 ريال .. الدفع فقط كاش ( فيه مكينة صراف البنك الامريكي جمب السفارة )
• صورتين ملونه حديثه مقاس 3 في 4 .. وتكون واضحة + خلفية بيضاء ( ضروري)
• تعبئة استمارة طلب التأشيرة (VAF3 ) بالكامل


رابط ابلكيشن الفيزا ( تسوي حفظ ثم طباعه وتعبيه باليد ) حروف كبيرة واضحة :
لازم يكون عندك برنامج اكروبات ريدر
((( راح ارفع لك الأبلكيشن من جهازي بعد قليل إن شاء الله ))

رابط ابلكيشن الفيزا ( اللي يبغى يقدم اون لاين ) :
http://www.visa4uk.fco.gov.uk/ApplyNow.aspx

رابط يشرح كيف تعبي ابلكيشن الفيزا بالانجليزي .. ( اللي باليد مو اللي اون لاين )
http://www.fco.gov.uk/Files/kfile/VAF3Guide-21Nov07,0.pdf

بعد ما تكون جاهز للموعد :
اوراقك كاملة .. تدخل السفارة ( بدون جوال او اي جهاز او حتى ولاعه والا دخان ) اوراقك بس .. خلو كل شي في السيارة .. اذا دخلت السفارة فيه موظف مرتز قدامك يعطيك رقم وتجلس .. اذا جا رقمك تروح عند الموظف المرتز يراجع اوراقك .. ويرتبها وبعدها تروح في الجهه الثانيه تنتظر الين يجي دورك عند المحاسب .. تدفع الفلوس وتسلم الاوراق .. ويعطونك وصل ( ورقة صغيرة ) عشان تسلمها لهم ويعطونك جوازك مع الفيزا ..
الرجال اللي مرتز ( اللي يرتب اوراقك ) .. اذا رتب وخلص يحط رقم ( يا اصفر او احمر ) لا تخافون منها .. هذي للي عبى الابلكيشن باليد ( اصفر ) او اونلاين ( احمر ) .. او العكس والله نسيت .. والافضليه لــ عبوا الابلكيشن اونلاين طبعا . داخل السفارة حاطين دعايات كثيرة يشجعون على التقديم اون لاين .
99 % ان الطالب يستلم الفيزا في نفس اليوم بعد الظهر .. فيها تأشيرة صالحة لمدة ( الين تنهي دراسة الجامعه ) .. وعدد الدخول ( الزيارات ) لــ بريطانيا ( متعدد ) يعني تسافر من و الى بريطانيا على كيفك الين سنة تخرجك ( غالبا من 3 الين 4 سنوات ) بعدين تجدد .. يعني مفتكين ولله الحمد من سالفة التجديد .

بعد استلام الفيزا :
تروح الوزارة ومعاك الفيزا .. تعطيهم صورة منها + صورة القبول + صورة بطاقة الاحوال ( دفتر العايلة للبنت ) .. بعدين حسب الضغط .. من يومين الى اسبوع ويمكن في نفس اليوم .. يخلصون وضعك ويعطونك امر الاركاب .. وتستلم تذاكرك وتجي بريطانيا .
.
.
.
أختك
إبداع بلا حدود

هذا الأبليكيشن
.
.
بالتوفيق إن شاء الله