ساعدوني الله يعافيكم

بالسلامة ان شاءالله توصلي
لمن توصلي المطار حتمشي مع الناس مرررة كتير ولمن توصلي لحقون الجوازات حتعطيهم جوازك وجواز الا معاكي حيقعد يسألك الموظف شوية اسئلة مثلا ايش جايبك بريطانيا وفين حتدرسي ومن دا الكلام
وبعدها طبعا لو الفيزا اكتر من 6 شهور حيقولك روحي عالعيادة عاليسار حتروحي وتستني الين يجي دورك ووقتها على طول تعطيهم الاشعة وتوريهم قبولك ويمشوكي بعدما يعطوكي ورقة تمليها وترسليلهم هي بالبريد لمن تلاقي سكن وتستقري ...وبعدها خلاص يمشوكي وكل شئ تمام
تاني يوم حتروحي الملحقية وتخلصي اجراءاتك واذا كان مرافقك يبغى يدرس لاااااااااااااااااااازم يكون جايب قبول لغة عالاقل والا الملحقية ما حتضموا الا لمن يجيب القبول....
وبعدما توصلي للبلد الا حتدرسي فيه ان شاءالله تسجلي في الشرطة حقت المنطقة الا انتي فيها وطبعا يكون خلال 7ايام من وصولك بريطانيا ... ولازم تدفعيلهم فلوس بس والله ناسية كم اظن 37 او شئ زي كدة (انتي اتأكدي عشان لا اكون باخرف)
وبعدما تخلصي كل الاشياء دي سجلي في الجي بي (في المستشفى)
وما ادري لازم والا لا بس انا لمن وصلت المدينة الا بادرس فيها رحت للمعهد واتفلسفتلهم شويتين وااعطيتهم الضمان الا المحقية اعطتني هو
هدا الا افتكرو واذا نقصت شئ ان شاءالله الباقين يفيدوكي

ايوة صح انتي الافضل انك تجيبي الاشعة والتقرير من باب الاحتياط وكلهم يكونوا بالانجليزي
بالتوفيق

افضل ان تقري موضوع مبتعث مون التقرير مفصل ويفيدك

توصلين بالسلامة أن شاء الله الامور أبسط من ماتتخيلين وفيه موضيع موجود راجعيها
وتحياتي للجميع

يارب يجي دوري بسرررعه>>> مره متحمس!!

مووووفقين يارب وعقباال البقيه

تبين الصراحه
والله صارت لي
لخبطة
وتعرفين اللغة الي عندي فرنسية
لاكن تيسرت
وأن شاء الله تتيسر أمور
أخواني وأخواتي



ودمتم سالمين