السلام عليكم ورحمه الله وبركاته
أعزائي اعضاء مبتعث الكرام, الحمد لله انا الأن في شيفيلد وصار لي اكثر من 3 شهور الله يصبرنا , الكل تعب في حكايه السكن في الأول وبعدين خلاص ارتحنا المهم
نصيحه لوجه لله اول ما توصلوا لندن روحوا الملحقيه وافتحوا ملف وخذوا ورقه للسكن يطلبها اي مكتب عقار حتى ياجر لكم بالشهر ولا مثلي يقلكم ادفعوا مقدم 6 شهور وهذا إلى حصل معي ولا جيبوا كفيل
مكتب العقار إللي انا رحت لو
www. sheffield city lettings.com
01142418050
لاحضتوا الفراغات بين الكلمات , الله لايهنكم لصقوها مع بعض .
بعدين بنسبه للشباب إللي مامعاهم عفش كثير واقصد شنطه وحده بس خذ القطار ينزلك في شيفيلد تاخذ الترام ( تقريبا قطار صغير داخل المدينه , هو من اهم وسائل التنقل هنا)إلى مكان إقامتك, اما في حالت أن معاكم عفش مثلي خذ تكسي من لندن بس مو اي تاكسي لازم تتفق معه من قبل وهذا رقم التكسي حسبي الله عليه ضيعنا في الأول (عليمي ) بس وصلنا , ترا هي شركه صغيره يعني ممكن يجيك اي واحد وإستخدمتهم اكثر من مره .
1 st class travel
01142216517
07956236050
إي قبل ما انسى ترى معهد اللغه يساعدك تلاقي سكن , وبعدين انتوا بس تعالوا وبنت ولد ماتفرق ترا الكل هنا يساعدك بما اننا ماشاء الله يا السعودين في كل مكان في شيفيلد خصوصا العماير إللي حول الجامعه .
بنسبه للحضانه ترا عندنا ازمه فيها , مافي مكان مره زحمه وتحجزي من ذحين لسبتمبر , في بعض الزميلات ردو عيالهم لانه الحضانه يوم تقبل ويوم تقول لا .
إي بنسبه للمرافق لو كان أخ , جيبوا معكم ورقه من المحكمه انه مرافق , يعني مو زي الكلام إللي قالوه الوزاره , هنا الملحقيه ماتعترف بورقه من الشرطه ولا العمده .
لو كان المرافق يبي يكمل دراسه لازم يجيب قبول 6 اشهر ولايكون اكثر من كذا , بس هذا امره يهون يعني بعد ما تجون بالسلامه , وترانا ماشاء الله مداومين في الملحقيه كل يوم وهم طالعين بقصه جديده.
اخيرا , لازم تجيبوا معكم فلوس كفايه , لاتعتمدوا على المكافئه لانها ماتنصرف بسرعه تاخذ من شهر وطالع , ودخيلتكم في بعض الشباب يتهاون في حكايه الفلوس , ومايوقف عند محل إلا والكل شاف انه شايل ما شاء الله , انتبهوا على نفسكم هنا الناس جيعانين ممكن يسوي اي شي على شان ياخذ فلوسك , جوالك , ساعتك , نظارتك , ترى محنا في السعوديه هنا مافي احد يوري انه غني .
خلاص اوعدكم اخر كلمه بس , لمن توقعوا عقد البيت لازم يكون باسم الطالب فقط و لو في احد اضفتوا معاها ياخذ عليكم ضرايب 1800-975 باوند , يعني معك احد فيزتوا زائر مو لازم تقلهم انه ساكن لو احد سأل هو زائر حتى لو زائر 5 سنين , وترا مهي سرقه لا بس هم على شان حنا محنا فاهين حركت الضرايب يسرقونا وترا بعض المكاتب تكتب اسم المرافق مع الطالب لعانه بس على شان تدفع ضرايب , بس على مين
.
سامحوني على عدم الترتيب في الأفكار بس إللي في بالي بكتبه بسرعه قبل ما انساه , وجمبي كتاب IELTS عندي امتحان بعد اسبوعين تقريبا ادعولي دخيلتكم
.
Dudy June 17th, 2008, 11:47 PM
LinkBack URL
About LinkBacks
June 16th, 2008, 09:10 AM
سلام....انا جاني قبول بجامعة شيفلد ومحتاره بالنسبه للسكن(ودي شقه زغنونه )
اتمنى لو تكرمتو للي عنده خبره وخلفيه عن الحياه والسكن وكلوووو
وبليز بالنسبه للأطفال لأنو معي ابني عمره 2 هل يوجد حضانات قرب جامعة شيفلد
وهل الحصول على قبول للمرافق يحتاج وقت او خلال فتره صيره من هناك طبعا...
ولكم جزيل الشكر ودعواتي بالتوفيق للجميع وسبيشل للي يساعدني........