الأعضاء الإشتراك و التسجيل

الملتقيات
ADs

القاموس الناطق أيهم افضل ؟

القاموس الناطق أيهم افضل ؟


NOTICE

تنبيه: هذا الموضوع قديم. تم طرحه قبل 5731 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية alaa2008
    alaa2008

    مبتعث مستجد Freshman Member

    alaa2008 غير معرف

    alaa2008 , ذكر. مبتعث مستجد Freshman Member. , تخصصى تخصص يحمل الأمل , بجامعة جامعتي العريقة
    • جامعتي العريقة
    • تخصص يحمل الأمل
    • ذكر
    • الرياض, u.k
    • غير معرف
    • Mar 2008
    المزيدl

    July 21st, 2008, 12:55 AM

    القاموس الناطق أيهم افضل ؟
    اريد شراء قاموس انجليزي ناطق ولكن عندما ذهبت لمكتبة جرير وجدت انواع وماركات مختلفة واسعار ايضا متفاوته واحترت ماذا اشتري ارجوا ان يفيدني الاعضاء من تجاربهم لو سمحتوا؟؟؟
    ولمنتدى مبتعث كل الشكر والتقدير
  2. السلام عليكم ورحمة الله وبركاته...
    انا حأتكلم عن تجربتي الشخصية :
    جربت قاموسين :
    الأول : المورد - فرانكلين ... (الأسود .. اخر شي نزل) ... وبصراحة مع كل الكلام اللي سمعته عنو وانو رائع ووو ,,
    انا ماناسبني أبدااا,, حتى في النهاية اتخليت عنو ,,, واشتريت دكشنري اكسفورد انجلش - انجلش,,,

    سعره: 950 او 990 مني متزكرة بالزبط,,,
    عيوبه:
    1- ال phrasal verb : مافي أمل ان يطلع معاك لأنه يعتمد على مفردة واحدة .. ومعروف انو الفريزال فيرب يتكون من فيرب وبربزيشن ,,, يعني من دي الناحية صفففر
    2- ال thesaurus اللي هية المترادفات .. مع انو معتمد على قاموس معروف ,. بس مع الأسف انو قديم ... ومايبين ايش الفروق البيسطة اللي بينها ..
    يعني فين الكلمة دي تكون مناسبة اكتر وفين التانية تكون احسن؟؟!
    3- كتير احيان اكون متحمسة وادور كلمة .. والنتيجة ...!! مافي ! (وصارت معايا كتير)
    ...دي اهم العيوب اللي اتزكرتها...


    المهم,.
    القاموس التاني : راااااائع بمعنى الكلمة وهوة اطلس sd9000
    وماحبيته عشانو ملون ولا عشانو بشاشة لمس(الا الصراحة حبيت شاشة اللمس)... وماهمني الألعاب والام بي ثري والحاسبااات للاحصاء والمنحنيات .. وكل الخرابيط دي ...

    بس اللي عجبني فيه :
    1- قاموس الانجلش - انجلش ... ممتاااااااز ..
    وهوة اللي على طول استخدمه ... قتموس collins يجيب المعنى وايش هوة ..واستخداماته... وازا لو معنى تاني .. وكل شي متعلق فيه .. وازا نبغا امثلة زيادة ,, ولا مشتقات الفعل على طول يطلعها..

    - القاموس مرتبط مع العربي ... يعني بكل سهولة ..ضغطة زر واحدة وعندك المعنى العربي (بعكس المورد ... اللي تتوه وانت تدخل من دكشنري وتخرج للتاني ... طالع نازل ... طالع نازل.. وفي النهاية ياريت شي مفيد ) ..

    2- ال phrasal verb واضحة جدا.. والقاموس ماعندو مشاكل في الكلمات اللي مكونة من اكتر من مفردة (عكس المورد)

    3- قاموس كامل لidiom : وطبعا الأمثال مرة مهمة عشان نفهم المعنى الصح للجمل الغريبة

    4- ازا مررة احتجت كلمة بالعربي وابغى اترجمها انجليزي ... اترجمها .. وتطلعلي معاني كتيرة .. ومن يوم ماأضغط على اي واحدة يجيني معناها من القاموس الانجلش - انجلش ... ومنها تعرفي انها مناسبة ولا لأ؟

    5- في اشياء كمان حلوة ... بس صراحة شفتها صدفة وماااستخدمها.. زي ديكشنري معاه انيميشن .. مثلا يكتب الفعل .. وجمبه مشهد كرتوني صغير يوضح المعنى الفعلي..
    - في كمان مشاهد فيديو .. للمحادثات وتسجل صوتك وبعدين تسمعك الاتنين وتقارن بينهم
    - في دكشنري للأشياء الطبية والاشياء دي .. صراحة ماتهمني عشان كدا مني عارفة ايش فيه كمان

    6- شي مرررة مهم ... نسيت اقوله انو طريقة نطق الكلمة مكتوبة بphonetic letter وفين الstress يكون عالكلمة ...والفرق بين نطق الفيرب والناون ازا كانوا نفس الشي..

    سعره : على حسب المكان .. من اكسترا شفته ب 1966
    ومن جرير ب 1459 تقريبا ,, وماادري عن الاماكن التانية ..





    أخر شي ...
    أهم شي ازا اي احد جا يشتري دكشنري .. اول شي يكتب ليست ليش يبغى الدكشنري؟ وفي ايش يحتاجه؟؟ وقد ايش حيقعد معاه ؟؟
    وعلى اساسها يقرر
    من الأشياء اللي أشوفها مهمة :
    1- دكشنري انجلش - انجلش (اكسفورد او لونغ مان او كولن ... _اكيد في غيرها كويس بس دي انا استخدمتها وكل المدرسين يمدحوها... )
    يكون موضح فيه معنى الكلمة ونوعها وطريقة نطقها .. واستخداماتها وامثلة عليها

    2- يكون في دكشنري المترادفات
    3- يكون مترابط مع بعضه .. (في هايبرلينك ) عشان مايضيع الوقت .. بسرعة تنتقل من دكشنري للتاني ..
    4- طبعا دكشنري عربي - انجلش والعكس ..
    ...

    انا اشوف دي اهم الأشياء ...
    وان شاءالله كل واحد يلاقي الشي اللي يناسبه وينبسط فيه ... ==> زي ماأنا فرحان بالدكشنري الجديد حقي ومخليني دافووورة في الكلاس!!
    وفي الأخير ..
    الأفضل انو الواحد مايعتمد على الدكشنري في كل شي.. مثلا في الريدنغ .. احسن يحل كل الأسئلة .. حتى لو مو فاهم .. وبعدين يرجع للمعاني ويشوفها وبحفظها...
    وليش الحفلة دي كلها؟؟ عشان تتحسن القراءة مررررة .. والواحد يسير يفهم المعنى العام .. ولمن يشوف كلمات غريبة .. مايخاف بالعكس .. يستنتج معناها من االجملة ..


    ===> وبس!!
    (معليش عالهرج الزايد!! ... وعدم الترتيب)
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.