الأعضاء الإشتراك و التسجيل

الملتقيات
ADs

كيف يتم التسجيل في اختبار الايلتس ؟

كيف يتم التسجيل في اختبار الايلتس ؟


NOTICE

تنبيه: هذا الموضوع قديم. تم طرحه قبل 2481 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية بدرالشمال1
    بدرالشمال1

    بدرالشمال1 المملكة المتحدة

    بدرالشمال1 , ذكر. مبتعث مستجد Freshman Member. من السعودية , مبتعث فى المملكة المتحدة , تخصصى طالب , بجامعة liverpool
    • liverpool
    • طالب
    • ذكر
    • liverpool, liverpool
    • السعودية
    • Aug 2008
    المزيدl

    August 14th, 2008, 01:06 AM

    اخواني المبتعثين : السلام عليكم : اريد معلومات عن التسجيل في اختبار الايلتس 00بعد كم شهر من بداية سنة اللغة يفضل التسجيل في هذا الاختبار 00 وكم يكلف التسجيل للاختبار 00هل التكلفة على حسابي او على الملحقية 00كم يعطى الطالب فرصة لاداء الختبار 000نرجو ممن لديه أي معلومات ان يشرح لنا هذه النقاط 00وله منا الدعاء0 علما انني مبتعث في برنامج خادم الحرمين الشريفين يحفظه الله 0
  2. المشاركة الأصلية كتبت بواسطة بدرالشمال1
    اخواني المبتعثين : السلام عليكم : اريد معلومات عن التسجيل في اختبار الايلتس
    وعليكم السلام ورحمة الله وبركاته..
    أي معلومات تبغى تعرفها عن اختبار الأيلس تلاقيها في الموقع الرسمي حقهم :
    www.ielts.org
    اختار الدولة اللي تبغاها وبعدين المدينة .. وتطلعلك كل المعلومات ..

    للتسجيل :
    أغلب المراكز لهم ابليكيشن موحد وهوة الموجود في نفس الموقع .

    بعض المراكز زي أكسفورد .. لها ابليكيشن تاني .. (فيه شوية اختلاف ..) لأنو مواعيد السبيكنغ تكون قبل بيوم أو يومين .. ويتحمل من نفس موقع الكينغ سكول اللي في اكسفورد

    (يعني في النهاية بعد ماتختار المكان اللي تبغا تختبر فيه .. ادخل عالموقع وشوف ايش مكتوب ..


    بعد ماتعبي الأبليكيشن : اما تروح بنفسك تسجل وتدفع الرسوم .. ازا كان المكان قريب
    او ترسله بالبريد .. والدفع ممكن يكون بالpostal order : يعني من نفس مكان ال post office
    تقلهم ابغى ادفع 100 باوند ل (اسم المدرسة ... وبرضو يكون مكتوب في الموقع ايش الاسم اللي لازم تكتبه ) ..وياخد البوست اوفيس 8 باوند ..عالحركة دي

    أو ممكن تدفع بالdebit card بس اغلب الاحيان لازم تعبي ابليكيشن برضو ويشرجوك تقريبا 2باوند
    اخر شي ممكن بالشيكات بس برضو مو كل المراكز تقبل ..

    وبعدين همة حيرسلولك التأكيد وباقي التفاصيل


    المشاركة الأصلية كتبت بواسطة بدرالشمال1

    00بعد كم شهر من بداية سنة اللغة يفضل التسجيل في هذا الاختبار
    كل واحد وراحته ... في ناس حبوا ياخدوه مرة واتنين وتلاتة ... عشان يتعودوا.. وفي ناس مايحبوا يختبروا الا لما يكونوا جاهزين مررة ..

    انا رأيي .. انو الواحد ياخده قبل الموعد النهائي للدرجة المطلوبة بمدة كافية (مثلا 3شهور) .. عشان ازا ماجاب الدرجة يكون عنده فرصة كافية انو يعيد الاختبار .. ويركز في نقاط ضعفه



    المشاركة الأصلية كتبت بواسطة بدرالشمال1
    وكم يكلف التسجيل للاختبار 00هل التكلفة على حسابي او على الملحقية
    0
    الاختبار زي ماقلت من اول يكلف 100 باوند ..
    وبعض مراكز ازا اتاخرت مررة في التسجيل يزيدوا 20 باوند

    التكلفة : الملحقية المفروض تعوضك عليها .. عشان كدا لازم تحتفظ بالريسيت ..



    المشاركة الأصلية كتبت بواسطة بدرالشمال1

    00كم يعطى الطالب فرصة لاداء الختبار
    مافهمت السؤال دا كويس..؟؟!!
    بس لازم تجيب الدرجة دي قبل لاتبدأ دراستك في الجامعة ..
    (سواء الكورس الأصلي ولا البريسشنال كورس.. )
    وعلى حسب متى بدأت الدراسة ..
    اغلب الكورسات تبدأ في سبتمبر أو اكتوبر.. يعني لازم تجيب الدرجة قبلها..
    او لو تبغا البريشنال كورس.. على حسب نوعه (يختلف حسب الجامعات: )
    بعضها يبدأ في اوقست (يعني لازم قبل اوقست ... وطبعا الدرجة المطلوبة تكون اقل من اللي قبل )

    وبعضها يبدأ في جون او جولاي.. وبرضوالدرجة المطلوبة تكون اقل واقل

    وازا عندك اي استفسار تاني اتفضل

    7 "
  3. اخي العزيز: wala2 السلام عليكم : اولا- اشكرك على الاجابة الوافيه -وادعو الله ان يوفقك على هذه المعلومات التي استفدت منها وسوف يستفيد منها كل من قرأها 0

    ثانيا - لم افهم قصدك من الجملة - ( الدرجه المطلوبة تكون اقل من اللي قبل )
    ثالثا - انا قصدي من السؤال- كم يعطى الطالب فرصة لاداء الاختبار - إذا كان مطلوب درجه 6من 9 مثلا - واختبرت ولم اجيب الدرجة المطلوبه هل اقدر اعيد الاختبار اكثر من مرة حتى اجيب الدرجه المطلوبه ؟
    رابعا- ياليت تعطينا بعض المعلومات كيف طريقة تعبئة الابليكيشن حق التسجيل 0

    تحياتي لك
    7 "
  4. السلام عليكم ورحمة الله وبركاته ...
    المشاركة الأصلية كتبت بواسطة بدرالشمال1
    اخي العزيز: wala2 السلام عليكم : اولا- اشكرك على الاجابة الوافيه -وادعو الله ان يوفقك على هذه المعلومات التي استفدت منها وسوف يستفيد منها كل من قرأها 0

    ثانيا - لم افهم قصدك من الجملة - ( الدرجه المطلوبة تكون اقل من اللي قبل )
    ثالثا - انا قصدي من السؤال- كم يعطى الطالب فرصة لاداء الاختبار - إذا كان مطلوب درجه 6من 9 مثلا - واختبرت ولم اجيب الدرجة المطلوبه هل اقدر اعيد الاختبار اكثر من مرة حتى اجيب الدرجه المطلوبه ؟
    رابعا- ياليت تعطينا بعض المعلومات كيف طريقة تعبئة الابليكيشن حق التسجيل 0

    تحياتي لك
    أولا .. أنا أختي وليس أخي

    تانيا:( الدرجه المطلوبة تكون اقل من اللي قبل )
    الجملة دي معناتها :
    انو مثلا زي حالتي انا في الماستر طالبين مني 6.5 في الأيلتس
    لو كنت ابغا ادخل البريشنال كورس ابو 6 اسابيع (قبل الدراسة) مطلوب مني 6 في الأيلس
    لو ابغى ادخل الكورس التحضيري ابو 12 اسبوع مطلوب مني 5 في الأيلس ..

    وضحت الصورة؟؟
    والبكالوريوس الدرجات المطلوبة تكون اقل .. وتختلف حسب الجامعة


    نجي لثالثا:
    زماااااان كان لازم تستنى عالأقل 3 شهور .. بس دا الشي اتلغى من بداية 2006..
    وصار عااادي تختبر ورا بعض في اي وقت .. محد لوشغل


    رااابعا :

    الأبليكيشن بسيط ..
    ان شاءالله احاول اوضحه في ردي اللي جي ..
    وبالتوفيق
    7 "
  5. عزيزتي wala2 : السلام عليكم : أنا آسف - فانا مازلت في بداية سنة اللغة ويمكن قرأت الاسم خطأ - وليس هنالك فرق بين الرجل والمرأة - فالمراة هي الام - والاخت - والزوجه - فتخيلي مجتمع بدون النساء - وكثيرا ماتفوقت المراة على الرجل في مواطن كثيرة 0

    فهذه انت - تضـيـئـيـن لنا الطريق بعلمك وتوجيهاتك - وهـآنـذا أقف عاجزا عن رد بعض معروفك00 لكنني سأظل محتاجا إلى توجيهاتك ونصائحك 0 لست ادري كيف اشكرك 0 تحياتي لك 0
    7 "
  6. المشاركة الأصلية كتبت بواسطة بدرالشمال1
    عزيزتي wala2 : السلام عليكم : أنا آسف - فانا مازلت في بداية سنة اللغة ويمكن قرأت الاسم خطأ - وليس هنالك فرق بين الرجل والمرأة - فالمراة هي الام - والاخت - والزوجه - فتخيلي مجتمع بدون النساء - وكثيرا ماتفوقت المراة على الرجل في مواطن كثيرة 0

    فهذه انت - تضـيـئـيـن لنا الطريق بعلمك وتوجيهاتك - وهـآنـذا أقف عاجزا عن رد بعض معروفك00 لكنني سأظل محتاجا إلى توجيهاتك ونصائحك 0 لست ادري كيف اشكرك 0 تحياتي لك 0
    وعليكم السلام ورحمة الله وبركاته..

    مافي داعي للأسف عاااادي
    وماسوينا غير الواجب... ومانبغا غير الدعاء ..

    وان شاءالله بقية الأبليكيشن قريبا
    (بس مشغولة اليومين دي شوية ... )
    وبالتوفيق
    7 "
  7. نداء الى الاخت :wala2 السلام عليكم
    والله اني عارف اني اشغلتك بطلباتي - واكيد انك مشغولة هاليومين - لكن ماهو بيدي - ماني عارف شي عن ابلكيشين الايلتس - فارجو من الله ثم منك ان تعطينا جزء بسيط من وقتك - وتكملي معروفك وتعلمينا مما علمت - حتى ولو كل اسبوع تشرحي لنا صفحة واحدة نظرا لانشغالك - فانت شمعه تضئ لنا الطريق بعلمك وتوجيهاتك 0 تحياتي لك 0
    7 "
1 من 2 صفحة 1 من 2 12
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.