شباب الله لا يهينكم الي يعرف شي عن جامعة Huddersfield يعطيني خبر ضرورييي ......

ودي أجاوبك بس ماعندي معلومه أكيده لاكن إنشاء الله الحاضرين ماراح يقصرون....!
و عندي تسآءل إنشاء الله القى الجواب عندك؛
ببساطه كيف مستوى الدراسة بنيوزيلندا ...؟

والله وأنا أخوك سؤالك له أجوبه كثيره إنما الأكيد يوجد عدد من الجامعات المسموح بها وهي:
1)جامعة ماسي في أوكلاند وبالمسترونورث.
2)جامعة ويكاتو في هاملتون , وتورنقا,لا يوجد فيها معهد للغه الإنجليزيه.
3)جامعة فكتوريا في هاملتون " العاصمه".
4)جامعة أوكلاند.لا يوجد فيها معهد للغه الإنجليزيه.
5)جامعة لينكلون.
وهذي باقي الجامعات منقول من موقع الملحقيه الثقافيه بأستراليا
"منقول"
البكلريوس/ الماجستير/ الدكتوراه
ّ ّ ّ
م üüAuckland University of Technology1 üüLincoln University2 üüMassey University3üüüUniversity of Auckland4 üüUniversity of Waikato5üüüUniversity of Canterbury6üüüUniversity of Otago7üüüVictoria University of Wellington8


وهذا بالنسبه للجامعات

وأما بالنسبه لطريقة التدريس اللغه فهو سيء بشكل عام فهي بلد منعزل تماما عن العالم الخارجي وشعبها ريفي في غالبه

ولا يحب الإختلاط مع الأجانب ,وأغلب الطلاب الموجودين فيها من شرق أسيا وبالأخص "الصين".
ولذالك لا يوجد أليه منظمه لتعليم اللغه الإنجليزيه كما يوجد لدى الدول المتقدمه في هذا المجال مثل بريطانياوأمريكا وغيرها....

فغالبا مايكون تعليم اللغه عشوائي وغير مثمر ,

وأما الحسنه الوحيده في نظري .... وهي المكافئه الشهريه وهي فعلا كافيه ومجزيه من جميع النواحي...

وهذا والله أعلم......

السلام عليكم .. أخوي

حياك والله في بيتك ومطرحك<< على قولة إخواننا المصريين

أولا وصلت خيييير .. أنا مشرف أنشطة النادي السعودي بمدينة هديرزفيلد والمدينة جدا ممتازة

تقع في الوست يوركشير وقريبة من عدة مدن كبيرة مثل مانشستير 45 دقيقة بالقطار ليدز 20 دقيقة بالقطار .

كما يتوفر فيها مساجد كثير ومسلمين كثير ومحلات حلال كثير ... مدينة مريحة جدا .

بالنسبة للغة المعهد اللي فيها مو مرة خاصة للمبتدئين درسوا فيه بعض الشباب وما يمدحونه سمعت راح يكون فيه معهد خاص بالجامعة بس إلى الآن ما تم شيء ...

فيه معهد في مدينة هليفاكس تبعد 10 دقايق بالسيارة من هيدرزفيلد فيها معهد ممتاز للغة والمدينة هذي أنا بالنسبة لي أريح من هديرزفيلد صغير وحلوة ..

بالنسبة للجامعة على كلام الشباب ممتازة في بعض التخصصات بل تعتبر من الجامعات القديمة في بريطانيا ..

السكن في هيدرزفيلد من 500 - 600 باوند شهريا على حسب البيت وعدد الغرف ..

وإذا أحتجت أي شيء أنا في الخدمة حبيبي .. وتصل بالسلامة

تمنياتي لك بالتوفيق

السلام عليكم أخوي GOOGLE والله ماقصرت والله يجزاك عني ألف خير إنشالله ,
بالنسبه للجامعه في واحد حاط ترتيب الجامعات هنا بالموقع وعلى ماأظن إن ترتيبها 90 ,
وما أخفيك والله حطمني ولكن ماهيب مشكله إنشالله إلي كاتبه الله بيصير....
ولكن كيف سكانهاعلى قولتهم freindly ولا ماحولك أحد,,,,,
وياطويل العمر أنا عندي ولدين وكلهم يدرسون ...... سؤالي هو:
هل المدارس هناك أدفع حسابها أنا أو على الحكومه , وهل فيه مدارس خاصه بالسعوديين أو العرب خبرك ودي أعلمهم أنجليزي صحيح ولكن... ماودي أنسيهم العربي بعد,,,,,

ومشكور وماقصرت والله يخليلك ما عندك أو تفرح بهم إنشالله بالمستقبل القريب......

أبد لا شكر على واجب أخوي وحنا في الخدمة ..

بالنسبة للترتيب أنت تبحث عن الرنك تبع التخصص وش تبي بترتيب الجامعة وغيرة .....

أما بالنسبة للشعب فأتوقع إن ما خاب ظني نسبة 40&#37; منهم مسلمين ما بين أكراد وعرب وباكستانيين

أما بالنسبة للبريطانيين طبعا الأكسنت حق اللغة لك عليه شوي ولذلك إذا ما فهمت عليهم ما يعبرونك وبيني وبينك أشكالنا يالخليجيين قريبة من الباكستانيين والإنجليز ما يدانونهم بعيشة الله ..

أما بالنسبة لمدارس العيال ففيه المدارس الإنجليزية والسنة هذي تمت الموافقة على المدرسة السعودية بهدرزفيلد ولله الحمد ..

وأبشرك عندي بنية حديثة الولادة واسمها جود .. الله يصلح لنا ولك ..

تحياتي .........

الله لا يهينك وأنا أخوك ولا يصغرك ,,,,

حقيقه أثريتني بهالمعلومات الله يبارك فيك ويصلح ما عندك ,,,,

لكن مايدانوننا بعيشة الله أعجبتني ذي,,,, ولكن هذا حالنا في كل مكان مع هالأوربيين الشكوى على الله إذا كان بنيوزيلندا والي ماتسوى لا هي ولا شعبها شف وشلون معامليناهنا ,,,,

لكن مانقول غير الشكوى لله ,,,,, وعلى قولة المثل إلي فعلا ينطبق عليهم إذا لك حاجه عند ..... قله ..... وأنت كمل ,,,,

على العموم شكرا يأبو جود وماقصرت والله يجعلها في ميزان حسناتك,وإنشأالله إنه راح يكون بين لقاء إذا الله يسسر إنشالله على خير,,,,,,,عما قريب

ماشاء الله الاخوان ماقصروا

شكراً يا tota على سؤالك ونعم ماقصرو الإخوان الله يعطيهم الصحه , وإنشالله كلها إسبوعين وحنا عندكم ...

السلام عليكم ورحمة الله

اخواني محتاج مساعده للحصول على قبول بهالجامعه بري سيشنل+ماستر (محاسبه)

ارجو التعاون منكم وشكرا