معلومــــــات حلــــوة عن مــديـــنة كــــاردف
معلومــــــات حلــــوة عن مــديـــنة كــــاردف
تنبيه: هذا الموضوع قديم. تم طرحه قبل 5697 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " -
7 " - مشكووور اخوي7 "
مااقصرررت - 7 "أنا درست في ثلاث معاهد في كارديف ومازلت..
وبالمناسبة المعهد هذا مو معهد جامعة كارديف ,
عشان نختصر من الآخر ..
بصورة عامة معاهد كارديف لاتمتلك الكفاءة , لكن على طالب اللغة أن لايعتمد على المعهد فقط , بالنسبة للمعهد اللي أدرس فيه حالياً هو معهد CELTIC وقريب من اسم معهدك CELT ,
هذا فهو من المعاهد النادرة اللي تعطي كتاب وتمشي عليه , لأن باقي المعاهد يصورون أوراق ويوزعونها على الطلاب في كل حصة , لكن المعهد هذا يمشي على منهج HEADWAY وبصراحة معجبني وبالمناسبة أنا خلال هذي الأيام متواجد في السعودية وبرجع بإذن الله بعد العيد وراح أكمل في المعهد هذا لأني ارتحت فيه والمدرسين حبوبين مررررررررة وأشوفه بيئة مناسبة للي بيطور لغته شريطة الإجتهاد , قلنا بصورة عامة ان معاهد كارديف نوعاً ما سيئة لكن تظل مدينة كارديف حلوة وهذا اللي خلاني أستمر في المعهد ..
وبنعطيكم نبذة بسيطة عن المعاهد ..
في البداية كل المعاهد في السنتر ماعدا معهد جامعة يويك UWIC
في البداية درست في معهد CMLA وأعتبره أسوأ معاهد كارديف على الإطلاق !
ويسمونه معهد الليبي لأن صاحبه ليبي ..
هذا المعهد مافيه مستويات يعني كلها ثلاث كلاصات ويجمعونهم على بعض بعض الأحيان !!
والمدرسين كل يوم واحد منهم ماشي !!
باختصار هو ليس معهد لغة !!
وهذا من المعاهد اللي ماتلاقي فيها اختلاف آراء بمعنى ان مافيه أحد راح يمدحه ,
وهذا موقع المعهد:
http://www.cmla.uk.com/
درست بعدها في معهد جامعة كارديف Bridge Program وهذا كان أكاديمي ومركز على الآيلتس درست فيه شهر ونص تقريباً فهو جيد ولكن كأكاديمي وليس General English علماً انهم يدرسون جنرال انقليش في الصيف فقط ,,
وهذا موقع المعهد :
http://www.cardiff.ac.uk/for/prospec...ses/index.html
فيه معهد CELT هذا سمعته حلوة لكنه دائماً مزدحم حاولت أحصل فيه قبول لكن مايسرها الله وسجلت في معهدي هذا celtic وبالمناسبة ترا الأسماء قريبة شوي من بعض , وبالعربي يسمونهم الزكرت هنا معهد الكلت والثاني اللي أدرس فيه معهد الكلتك ..
وهذا موقع معهد الكلت ..
http://www.celt.co.uk/start.htm
فيه معهد Alpha and Omega وهذا يسمونه معهد العراقية لأن صاحبته "ميري" عراقية مسيحية , هذا غير معتمد من الملحقية وبالنسبة لمستواه فهو يدرس مناهج HEADWAY لكن مستوى مدرسينه مو مرة وعموماً هو مو معتمد من الملحقية ,
وهذا موقع المعهد :
http://www.alphaomegacollege.co.uk/
بالأخير معهدي هذا CELTIC
الكلام بيطول شوي هنا , لكن من البداية المعهد معجبني شخصياً لذلك راح أمدحه<<< صريح
المعهد هذا فيه أربع حصص يومياً ’ يبدأ الساعة 9.30 وحتى الساعة 4.30 , فأنت لما تدرس فل تايم راح تدرس يومياً حصتين الصباح وبالنسبة لبعد الظهر راح يخلونك تختار ست حصص خلال الأسبوع , بوضح أكثر , أنت يومياً راح تبدأ من الساعة تسع ونص وتدرس كلاصين مع مدرس واحد ويدرسك منهجك اللي هو HEADWAY , مدة كل درس ساعة ونصً وبين الكلاصين فسحة مدتها ربع ساعة ممكن تفطر فيها ووممكن تشرب كفي علماً ان انه فيه ماكينة لأنواع متعددة من الكفي مجانية مكن تستخدمها كطالب , بمعنى ان الكلاص الأول راح ينتهي الساعة 11 ويبدأ الثاني 11:15 وبيخلص الكلاص الثاني الصباحي حدود الساعة وحدة , علماً ان الكلاصين هذي المدر س راح يكون هو نفسه خلال الخمس أيام وراح يدرسونك نفس المنهج والطلاب اللي معاك هم نفسهم ,
نجي الحين للآفترنون ,
طبعاً انت تختار ست كلاصات تدرسها خلال أيام الأسبوع , الكلاصات هذي اللي تختارها على حسب المهارة اللي تبيها انت , عندك ليسننق ورايتنق وريدينق وقرامر وآيلتس ,
مدة كلاص الآفترنون 80 دقيقة , راح تدرس مع طلاب غير كلاصك اللي في الصباح والمدرسين كذلك , لنفرض انك أخذت استماع اللي هو ليسننق , فيه مدرسة كويسة مرة راح تجي وتوزع أوراق فيها شوي أسئلة تطلب منكم تقرؤنها وبعدها تشغل السي دي وتجاوبون الأسئلة هذي , والأصل ان كلاصات الآفترنون تكون مرحة شوي ومفيدة لأنها تركز على كل مهارة أنت تحتاجها , أنا كنت مسوي جدولي الاثنين والثلاثاء والأربعاء أدرس كلاصين بعد الظهر والخميس أخلص الساعة وحدة يعني مافيه كلاص بعد الظهر والجمعة أصلاً مافيه عشان الصلاة , ماأبي أطول بالكلام لكن أنتظر أي سؤال منكم ,
وهذا موقعه:
http://www.celticschool.org.uk/
واللي يطلب أي خدمة لايتردد فوالله نسعد لخدمتكم , وبالمناسبة لو خدمت أي واحد فمالي والله لافضل ولا منة بالعكس حق وواجب وأقل شيء نقدر نقدمه لبعضنا وياما خدمونا ناس الله يجزاهم كل خير , فحنا هنا تجمعنا غربة ولابد نكون قريبين من بعض أكثر وأكثر لأن الهدف واحد والله يوفقنا جميعاً ..
أخوكم ..
يــزيــد ..
جزاك الله كل خير يا أخ يزيد . . معلومات قيمة تشكر عليها . . عموما كلامك رائع ودليل على حبك الخير لزملائك . . ياليت فعلا الجميع يتعاون ويبدي لنا تجربته في كاردف سواء لغة أو جامعة . .
معهد cmla صاحبه ليبي فعلا وهو محترم جدا وخلوق غير أن سستم المعهد سيء فعلا ولا يرقى لطموحات الطالب الجاد . . أما معهد جامعة كاردف فأنا معك هو لا يناسب من هو مبتدئ . .
أما معهد ألفا أوميغا فهو فعلا ليس معتمد من الملحقية لكن به أساتذة أكفاء حسب ما سمعت وهو أفضل من غيره على الأقل . . معهد celt فعلا له سمعة قوية . .
جزاك الله كل خير يا أخ يزيد وربي يوفقك - يعطيك العافيه اخوي القلم الساخن7 "
وبالفعل ياليت كل واحد يكتب لنا تجاربه في المعاهد
حياك الله - هلا والله اخت يسر وربي يوفقك7 "
تدرون اني مصدومه
انا مقدمه وجاني قبول .. من معهد بكاردف وكنت اقول ليش في فرق كل مره اقراه غير
طلع انه في اسم معهدين متشابهين
وياحلاتي والله ..
والله ياخوي يزيد انك نبهتني .. وماقصرت طلع معهدي CELTIC مو كلت
وطول هالمده احسبهم واحد واقول انه كلت
بس فرحتني لما تكلمت عنه .. من اول كنت ابي نصيحه او معلومه ..
<<<<< اهم شي فيه كوفي .. لوووووول - جميييييييعا اللهم آمين7 "
حياك اختي
طيب ياغالية افيدينا بالمعلومات الي عندك
ومنووورة - شكراً من يرغب في الحصوول على قبول في معاهد كــاردف يراسلني وسأجتهد لـه بإذن الله..7 "
- الله يعطيك العافيه اخوي عبد الله7 "
- السلام عليكم اخواني7 "
اخوي يزيد الله يبارك فيك
يا ليت لو ممكن تضيفني عندك على الايميل اريد منك بعض المعلومات
fuad.bu على الهوت ميل
انا مقدمة على معهد كلت
وبالفعل قالوا لي الاخوان بالموضوع انه مو معهد الجامعه انا على بالي انه هو تبع الجامعة
وبالنسبة للمعهد الي انت تدرس فيه اللنك مو تمام مو راضي يفتح معاي ياليت ترجع تعطيني إياه
وصراحة ماشاء الله عليك ماقصرت
الف شكر لك