ذاهب إلى بريطانيا ... محتاج نصائحكم

أنا طالع ان شاء الله في 10 أكتوبر وياليتنا نكون في رحلة وحدة عشان نوصل للملحقية سوا

عموماً في المطار يطلبون أشعة الصدر والورقة اللي تعبيها في الطيارة , بالنسبة كيف تروح للملحقية هذي تعتمد عليك انت هل أنت عزابي أو أغراضك هل هي كثيرة , عموماً الموضوع يبغى له تفصيل وإذا تحب أعطيك رقمي أو ايميلي أبشر ..

أخوك ..

يزيد

هلا بك اخوي وان شاء الله توصل بالسلامه......بقولك الخطوات اللي بتفيدك ان شاء الله بأختصار

1-خلي معك كاش 200 باوند احتياطا
2-خلي بطاقة الراجحي معك لأنك تقدر تستخدمها هناك (بس لاتكثر لان فيها عموله بس مادري كم بالضبط)
3-خلي معك الجاكيت حقك بيدك لأن الجوا مررررره بااارد هالايام
4-سوي اشعة الصدر احتياطا بس وخليها معك...لأني انا رحت 4 مرات ولا مره طلبوها مني
5-اول ماتوصل المطار يعطونك ورقه حقت دخول بريطانيا عبيها بالانجليزي وهي اصلا مترجمة بالعربي بس اهم شي انك تعبي الكتابة اسمك ورقم جوازك ومدي ايش بالانجليزي
6-تصف طابور تنتضر الامقريشن لما يجي دورك واول ماتوصل لها اذا كانت لغتك كويسه خير على خير واذا كانت لغتك مش كويسه عطيها ورقة القبول ومكان السكن لأنها هي بتسألك ليش جاي ووين بتسكن ومتى ناوي ترجع.وتقولك لاتنسى تسجل بالبوليس خلال سبع ايام انت هز راسك وكل شي قل اوكي
7-اذا خلصت رح استلم شناطك وشف انت وش تبي قطار باص تاكسي وانا انصحك والله بالقطار لان تكلفته مررره قليله بالمقارنه مع التكسي بس مشكلته متعب شوي مو كثير بس عشان الشناط اللي معك...اذا تبي القطار اول ماتخلص شناطك اتبع اللحوه اللي فيها undergroung لما توصل البوابه حقته تحصل مكاين زي الصرافه هذي اللي تقص التكت اذا تعرف قص والا انصحك تقول لاي واحد لو سمحت قص لي تكت تذكرة اليوةم الواحد زون 1-6 ب6 باوند تقريبا وهذي تقدر تستخدمها كل اليوم واي مكان في لندن....بعدها اركب القطار وسيدا لا تنزل الا عند محطة الهيد بارك كورنر هي القريبه من الملحقيه وعلى الدرب نفسه يعني ماتحتاج تغيير مسار الترين....واول ماتطلع برا المحطه اسأل اي واحد قله ابي السفاره البحرينيه يعني bahreen embassy لأنها جنبا الى جنب مع الملحقيه يعني الجدار بالجدار.....
8- اذا وصلت الملحقيه عاد مايحتاج كلهم عرب وسعوديين افتح ملف وسجل جوازك ويمكن ماتخذ منك ساعه او اقل....واذا خلصت رح افتح حساب ...بس احسن خلي فتحة الحساب في مدينتك عشان تفتح على راحتك وفي اي بنك ...وبعدها ترسل رقم الحساب بالفاكس لمشرفك وهو يحطها بملفك.....
9- اذا انت تبي تجلس لندن اخذ لك فندق بس انا مانصحك خصوصا اذا كانت رحلتك واصله الفجر رح مدينتك وخل راحتك مره وحده يعني سيدا واعتقد عن طريق محطة بانكروس كنق كروس.... وخذ ترين تقريبا سعره 20 باوند الى اكسفورد

وبالتوفيق اخوي الكريم......
واي استفسار انا مستعد اخوي
7-

ما شاء الله الاخ : ابو جبل ما قصر و انا اتفق معه بالضبط بس حبيت ازيد شي واحد و هو من الافضل لو تفتح حسلبك في HSBC يكون اسهلك في بريطانبا و ارخصلك في السعوديه كماان

ابو صيام

ما شاء الله الاخ : ابو جبل ما قصر و انا اتفق معه بالضبط بس حبيت ازيد شي واحد و هو من الافضل لو تفتح حسلبك في HSBC يكون اسهلك في بريطانبا و ارخصلك في السعوديه كماان

ابو صيام

بالنسبة للذهاب للملحقية من المطار أنصحك اذا تبي تاكسي بسعر معقول جدا مقارنة بالتاكسي اللي موجود بالمطار بشركة تعاملت انا معهم أخذوني من المطار إلى الفندق اللي سكنت فيه قريب من محطة بادنقتون وسط لندن بـ 32 باوند سيارة بريفيا جديدة ومكيفة والسائق ينتظرك أمام البوابة معه ورقة مكتوب فيها اسمك بس لابد تحدد لهم العنوان اللي بتنزل فيه عشان يحددون لك السعر اللي يشمل الموقف في المطار وانتظارك لمدة 40 دقيقة والزيادة عليك ....
وسلامتك
اسم الشركة سوي بحث بقوقل (londonconnexions)
الهاتف 00448708808282

والله ياخوي ابو صيام....مادري بالضبط بس انا جربت hsbc وماعجبني بالمرررره وكان يوعدني وعود ولا شفت شي مثلا اول مافتحت حساب قالي ابي اخذ عليك تشارج 5 باوند شهرين وبعدين تقدر تحول حسابك الى امانه ولما رحت لهم بعد ثلاث شهور صار اللي مايخاف الله مسوي علي كونتراكت سنه مع تشارج 6 باوند سنه كامله ولا اقدر الغيه.....ومو انا بس كم واحد من الشباب فتحوا وسكروه
وكلنا فتحنا حساب بلويدز صراحه بنك محترم جدا جدا ويهمه العميل لو رصيده شوي مو زي اتش بي سي .....ويفتح لك حساب وانت واقف لايحتاج لاورقه من الملحقيه ولا شي ويعطيك مواصفات مثل بطاقة الترافل موني والتأمين على جوالك واغراضك الشخصيه ويعطيك تأمين طبي داخل اوربا بحد 3 ملايين اعتقد.......وهذا غير انه دايم ينزل الرواتب قبل اتش بي سي بوقت بيوم احيانا.......
واخيرا كل واحد وقناعاته بس انا اخبركم بتجربتي...

انا والله با اخوي : ابو جبل انا جربت ال HSBC في امريكا و لبنان و رومانيا و تركيا و الله البنك ما قصر .... اما اذا كان البنك في بريطانيا ما هو زين فوالله انتم اخبر لاني ما جربته في بريطانيا و عل عموم الخيارات مفتوحه و الكلام اللي قلته عن بنك لويدز صراحه مشجع و مهم

ابو صيام

انا والله با اخوي : ابو جبل انا جربت ال HSBC في امريكا و لبنان و رومانيا و تركيا و الله البنك ما قصر .... اما اذا كان البنك في بريطانيا ما هو زين فوالله انتم اخبر لاني ما جربته في بريطانيا و عل عموم الخيارات مفتوحه و الكلام اللي قلته عن بنك لويدز صراحه مشجع و مهم

ابو صيام

يزيد شكرا على المشاركة ... بس مع الأسف رحلتي إن شاء الله في 20 أوكتوبر ولى يحصل لي الشرف أكون معك ..

أخوي أبو جبل كفيت ووفيت صراحة إستفدت منك

طيب مواعيد العمل في الملحقية متى ؟؟؟؟

وشكرا لك أبو صيام على المشاركة