اليوكاس..... استفسار!!!

نعم له مواعيد . انا اذكر انه كان آخر موعد تقديم للذين برغبون في بدء الدراسة في سبتمبر 2008
هو 15 يناير من نفس العام .
يعني لو كانت المواعيد نفسها للي يبي يبدأ الدراسة في 2009 ترا معاك وقت طويل لا تشيل هم .

عموما جميع استفسار يجي على بالك موجود له اجابه في موقع يوكاس .

هذه اجابه سريعة مني ولو احتجت اي شي بالتفصيل او كانت لغتك الانجليزية ما تساعد انا حاضر وتحت امرك اخوي .

انا دخلت على موقع يوكاس لكي اتأكد من مواعيد القبول .
http://www.ucas.com/students/startap...n/whentoapply/

اذا بتقدم للدراسة في احدى الجامعات البريطانية في شهر سبتمبر 2009 فإن آخر موعد للتقديم هو 15 يناير 2009 .

اما اذا كنت ناوي تقدم على جامعة اوكسفورد او كامبريدج او على احدى التخصصات الطبية او طب الاسنان او الطب البيطري فإن آخر موعد للتقديم هو 15 اكتوبر .

بعض الكورسات تبدأ في تواريخ مبكرة في شهر يناير مثل تخصص التمريض والدبلومات وبعض التخصصات الاخرى . في هذه الحالة ينصح بالاتصال بالجامعة او الكلية لمعرفة موعد بداية الكورس الذي تريد التقديم عليه . في هذه الحاله يتوجب عليك التقديم لهذا النوع من الكورسات قبل شهر يناير .

وبالتوفيق ان شاء الله .

الله يعطيك العافية اخوي ابو اريام,,

بس انا دخلت علي موقع اليوكاس وقرأت انو التقديم للطلبة الاجانب مفتوح من سبتمبر 2008 وحتي
30 جون 2009 يمكن مايكون فهمت عشان اللغة عندي مش ولا بد !!

وانا راح اقدم علي تخصص(biomedical science ) يعني تخصص صحي ارجو اخباري بالعلم الاكيد وجزاكم الله الجنة~~

السلام عليكم ورحمة الله وبركاته . آآمين نحن واياك والمسلمين اجمعين .

15 يناير هو آخر موعد لتقديم الطلبات داخل موقع يوكاس . بعد ما يستلمون الطلب والفلوس الخاصة بالطلب بأسبوع تقريبا راح تجيك رسائل من الجامعات اللي انت قدمت عليها يفيدونك بأنهم استلموا طلبك .

اما بالنسبة لتاريخ 30 جون فاللي اعرفه ان هذا التاريخ هو آخر يوم لكي ترد على الجامعة اللي وفرت لك قبول سواء كان مشروط او غير مشروط ويكون ردك عن طريق موقع يوكاس بالرفض او القبول . ( بعد ما تقدم ان شاء الله وتخلص امورك دام انجليزيتك تقول انها مو مره انا ان شاء الله اوضح لك كيف طريقة الرد لكي تحتفظ بلقبول من جامعتين وليس جامعة واحده)

بالنسبة لتخصصك الطبي انا اقولك مثل ما قلت لك في ردي السابق استفسر عن آخر موعد لتقديم الطلبات من الجامعة اللي انت تبي تروح لها .

ولا تتردد بطرح اي استفسار لديك عن هذا الموضوع .

وكل عام وانت بخير

رحم الله والديك اخي الفاضل والف شكر ع التوضيح والمساعده~~

وان شالله اذا مافي كلافة عليك راح ابلغك اول باول واستفسر منك علي هذا الموضوع..

جزاكم الله كل خير وربنا يكثر من امثالك ...

تحياتي..

اللهم آآميين ويرحم والديك ان شاء الله .

مافيه كلافه ولا شي انا اخوك ,, اذا ما ساعدنا اخوانا نساعد مين ؟

حاضرين في اي وقت ان شاء الله .

السلام عليكم

الحمد لله تم التقديم عن طريق اليوكاس ولكن الخطوة الاخيرة الخاصة بالدفع لم تتم !! لااعرف مالسبب وتاتيني رسالة ان اعاود المحاولة مرة اخري ثم يطلب مني ان اتصل علي رقم من بريطانيا للاستفسار!!

هل يوجد طريقة اخري للدفع غير بطاقة فيزا؟؟

ارجو الافادة من اهل الخبرة...

ودمتم بصحة وسلام,,,

كل عام وانت بخير وعيدك مبارك ان شاء الله .

تأكد ان بطاقة الفيزا شغاله اتصل على البنك واسألهم .

لا زم يكون الدفع عن طريق بطاقات الائتمان. شوف اي واحد من اقاربك اذا بطاقتك فيها مشكله حتى يساعدك ببطاقته .


وهذا الرابط اللي يوضح طريقة الدفع
http://www.ucas.ac.uk/students/start...alapp/howtopay

جزاك الله كل خير اخي ابو اريام علي الرد والاهتمام..

بخصوص البطاقة فيها رصيد وتاريخها غير منتهي يعني ان شالله مافيها مشاكل والرسالة اللي طلعتلي هي :



You have exceeded the permitted number of attempts to pay by credit/debit card. Please call +44 (0)871 468 0 468 for further assistance. UK BT landline calls will cost no more than 9p per minute. Calls from mobiles and other networks may vary.



شكرا علي الرد وربنا يسهل اموركم~~