ابي سعوديين في جامعة بليموث وربي محتاس

الله يكون في عونك ....

كسرت خاطري !

شكرا جوري على تعاطفك
وربي يا جماعة الخير ما لنا الا بعض واحنا بالغربه اللهم لك الحمد ما نقصر مع بعض
بس وربي ما شفت احد
ابي اسلم بس على احد والله بس اسلم
ما ابي غير احس ان احد جنبي
وربي امرض ما احد درى عني
يا ليت كل واحد بالسعوديه يعيد التفكير بسالفة ما ابي سعوديين
وربي ودي اني خسران كثير واني الحين بمانشستر او ليفربول او مدينه فيها سعوديين
التعاون مطلووووب في الدراسه
الله يوفق الجميع
مو شرط الدراسه
بس عالاقل اتكلم عربي مع احد
يا ناااااااااس احد يفهمني

يآجمـــــــآعة الخير .. الي يعرف أحد هنآك يقوول له ..

ورربي تعآطفت معك .. ليتني أعرف أحد كآن قلت لك =( ..

الله يكون بعونك أخوي ..

اذكر ربك وأنا أخوك

الدنيا من سعه .. والحمدلله السعوديين لاحق عليهم إن شاء الله :-)

أنت بس علشان الأمور ملخبطه معاك حاس بالكآبة .. رتب أمورك و روّق المنقااااا وإن شاء الله كله خير ~

هذا الانترنت الحين ما خلى شي .. اقسم بالله احس إنك عندنا بالديرة اللهم تلعب علينا تقول إنك في بليموث ^_^

الأخ عبدالعزيز
السلام عليكم
إنشاءالله راح تقابل سعودين في الفترة القادمة
لأن المبتعثين في المرحلة الرابعة عددهم كبير راح توزعهم الوزارة على أغلب الجامعات اللي يقل فيها عدد السعوديين
وحسب علمي في جامعات تكدس فيها الطلاب السعوديين وحصل اكتفاء لبعض الجامعات
جايك الخير قريب

بيض الله وجيهكم جميعا
وربي ريحتوا خاطري شوي
بس لاحظوا انه ما احد رد وقال انه بنفس المدينه
بليز اللي هنا يتكلم وربي لاعزمه على حسابي بس اشوف زول سعودي

وينكم يا اهل بليموث
شكلي من جد لوحدي هنا ؟؟؟؟؟؟؟؟؟

عبدالعزيز بن عبدالله انت متاكد انك في بليموث
الديرة متروسة سعوديين وعرب انا لي شهر واصل والامور تمام
بس قل لي انت في الجامعة والا في معهد لغة

ياخوي انا بالجامعه
ويييييييييييينك ؟