استفسااار.... انا معلم واريد ان ابعث فما رأيكم ...؟

والله يااخي الكريم كثر الحديث عن هذا الموضوع واختلفت الاراء ولكنني اجد افضل الوسائل هي انتظار الملتقى والسؤال للمسؤولين مباشرة حتى تستفيد وتفيد والله يقدم اللي فيه الخير

تقدر تقدم استثنائي او اجازه من دون راتب وترجع تجددها كل ماتنتهي الى ان ترجع
او توكل اي احد يجددها لك00زوجي مرافق لي وراح يسوي كذا

وفي طريقه اخرى ذكرتها لي صديقه وعليك تتاكد من صحتها:
بعد ماتخلص سنة اللغه انشالله وتبدا الماستر تراسل وزارة التربيه(مو وزارة التعليم العالي)
وترسلهم انك جايك قبول ماستر وانك راح تبدا دراسته بالتاريخ الفلاني فخلاص يجيك تفريغ منهم وحتى راتبك يمشي بشرط انك تروحلهم قبل الابتعاث وتذكرلهم تخصصك ويذكرون لك ايش الي ممكن تكمل به-يعني هي تقول زوجها دراسات اسلاميه قالوله مانقبل تكمل الابنفس تخصصك دراسات او تكمل استثنائي-هذا الي قالتلي وزوجي لسا ماراجعهم ولاتاكدنا من صحة الخبر انت راجعهم وانشالله يصير الخبر صحيح---

السلام عليكم ......

أخ فهد أولاً من شروط الابتعاث ألا يكون المبتعث موظفاً لأن الموظف يبتعث عن طريق عمله ..... فكيف يتم قبولك للابتعاث وأنت موظف ؟؟

شوف وانا اخوك
ما شاء الله الاخت مس استراليا عطتك كلام حلو فكر فيه
وانا رايي الشخصي اذا انت مو متزوج بدون تفكير تعال البعثه وتوكل على الله
ما يبيلها طول شرح
واضحه مثل عين الشمس
البعثه افضل مليون مره
ومع كذا فيه بعد حلول مساعده مثل ما ذكرت لك الاخت مس استراليا
وعلى فكره
فيه شغله مهمممممممممه جدا بالسعوديه
ترى اي قرار رسمي بالسعوديه تقدر تغيره اذا قعدت تزن وتتكلم مع المسؤولين
بس انت حط الشغله براسك وقل يا انا يا هي
وباذن الله الله ما يخيبك على نيتك الطيبه
وبالتوفيق للجميع

الله يوفقك بس الوظيفه لاتعوض بهالزمن لاتتركها وشوف لك حل

انا سمعت ان الاستثنائي 10 سنوات ومااعرف مدى صحته

هذا بيت القصيد ، وكل حالة لها نظام مختلف ، توكل على الله ، وأنوي وكمل دراستك وحطها براسك وراح تجي ان شاء الله .


وبالتوفيق ان شاء الله

ربي يسهلك,,,,,,,,,

تحية طيبة للجميع,
الموضوع شائك ولكن ساعطي مواقف حصلت لبعض الزملاء ثم اتكلم عن تجربتي الشخصية.
أولاً: يعتمد الموضوع على ماهية تخصصك الاصلي وهل ستكمل ي نفس التخصص ام ستكمل دراسة الماجستير في تخصص جديد سيحتاجه سوق العمل لدى عودتك لبلدك؟
أن لي احد الزملاء الذي قدم اوراقه على برنامج المل عبدالله وقدم اوراقه على ديوان الخدمة فظهرت نتائج الاثنتين بالقبول فتنازل عن البعثة لصالح لوظيفة. فصدمت وسألته فقال : لو سفارت ودرست وعدت الى السعوديه فسيكون هناك مئات المبتعثين لمتخرجين مثلي وبالتالي فالفرص الوظيفة ستكوت اقل واصعب ولذلك تنازلت عن الابتعاث. وهذه وجهة نظر صائبة نسبياً لمن يقيسها بمقاييس صاحبنا.
ثانيا: ان كنت شخصاً غير راض عن عملك الحالي او لاتحس بالرضا عما تقوم ب او لو تجد ان تخصصك السابق يلبي حاجة سوق العمل وكنت شخصاً طموحاً, فربما الأفضل الحصول علىأ بتعاث, فأنك ستطور نفسك في تخصصك او التخصص في مجال جديد يكون فرصة افضل بأذن الله.
ويبقى الامر الاهم ان هذا الموضوع توفيق من الله وكما قال الشاعر:
ورزقك ليس ينقصه التأني وليس يزيد في الرزق الأناء
أنا كنت من القسم الثاني أي أنني اظططرت أن اقدم استقالتي والبقاء في البيت لما يقارب ستة اشهر ولكن الحمد لله فأنا أتخذت قرري بعد الأستخارة.
وجميل الأستخارة والأستشارة. ولكن لاتنسى ايضا قول الشاعر:
من راقب الناس مات هماً ويفوز باللذات الجسور.
ولاتنسى أن التعليم العالي لايقبل ابتعاث من هو موظف.دعواتي لك اخي العزيز ولجميع الزملاء بالتوفيق والسداد وان يختار لكم اله الاخير وتقبلوا تحياتي.