للجميع : لمن يريد معلومات عن مدينة مانشستر اسال هنا و راح ان شاء الله تلقى الرد ..

أخوى ابو شعيل مشكوور وحاب استفسر عن المدينة وكيف المعيشة فيها للعائلة

وهل يوجد بجامعاتها تخصص رياضيات اومحاسبة ماستر ؟؟

واشكرك

ياسيدي رحم الله والديك
حبيبي انا مزبط اموري كامله ببريطانيا طبعا البدايه لازم لغه وبعدها مقدم ماستر محاسبه
وبدرس على حسابي حلو الكلام اوكي طيب لمن اجي بريطانيا وهو فالاغلب الاسبوع الجاي بعد10ايام بمشيئة الله هل اقدم على الملحقيه وينهولي اموري ولا تعقيد علما بأني المعهد والجامعه معترف بها اتمنى تطمين فؤادي طمئن الله فؤاد اهلك عليك وشكرا

مرحبا اخوي
بالنسبة لمدينة مانشستر بتحبها مرة سرحتا
مدينة كبيرة ومرحة وماتمل فيها
راح تحصل الكثير وخصوصا بالستي سنتر او الباكديلي قاردن من اسواق ومناظر
الشعب طيب والحمد لله المدينة امنه ولكن تعرف كل مدينة فيها امكن الافضل انك ماتروح لها
ويكثر فيها المسلمين وراح تحصل محلات للاكل والاغراض الخاصة بالمسلمين والعرب يعني لا تخاف
بالنسبة للعائلات فانا اقولك لا تخاف وحط رجلينك بموية بارده
ولا مشكلة بالحجاب والاطفال راح يستانسون لانه بكل مكان راح تحصل حدايق واماكن حلوه
بالنسبة لتخصصك احد اكبر الجامعات موجودة بمانشستر
اللي هي : جامعة مانشستر - ومانشستر متروبلين - وسالفورد
الاولى والثانيه ممكن تشيك على موقعهم بالنت ولكن اتوقع 99.99% انه موجود تخصصك
اما عن الاخيرة فاكيد انه موجود لاني اتذكر اني قريته بكتيبهم
والله انا اللي فهمته انك تبي تلتحق بالبعثة
اذا كان هذا سؤالك فانت وضعك اوكي
اهم شي يكون عندك قبول من الجامعه سواء مباشر ولا مشروط
لكن علشان تقدم لازم تنزل على الملحقية بلندن يعني تعال وعاين من الله خير واقعد لك كم اسبوع وانزل على لندن للملحقية وقدم اوراقك وزي ما قلت اهم شي القبول
وان شاء الله امورك بالسليم ما عندك مشكلة
ممكن تتاخر حبتين ولكن باذن الله راح يقبلونك

السلام عليكم ..........انا حاصل على دبلوم عالي تخصص صيدله (دارس ثلاث سنوات وستة شهور تطبيق)...سؤالي هو احسن الجامعات الي تعادل المواد (يعني اقل مده ممكنه الاني اللغه عندي ممتازه ومعدلي ممتاز)وممكن تكتب لي اساميها؟هل الالحاق بالبعثه ممكن يعني فيه امل؟ وألله يوفقك في الدنيا ولاخره

اوكي .... امورك بالسليم
لازم اول شي تعرف المعلومات هذي
علشان تنتسب لاحد الجامعات البريطانيه كطالب غير بريطاني تحتاج للاتي
اولا لازم يكون عندك شهادة الايلتس او IELTS اللي هو اختبار اللغة
وكل جامعه تشترط درجة مختلفة عن الثانيه
ولكن اغلبهم يطلبون فوق السته للدخول للجامعه على طول او فوق الخمسه للفاونديشن يير
وبما ان انقليزيتك ممتازة انا اقترح تاخذ لك شهر ولا شهرين دورة خاصة في اختبار ال IELTS
وبعدها تختبرهنا
والثاني اللي هو الفاونديشن يير
هذي اللي ممكن تتخطاها ولكن على حسب كل جامعه
سؤالك سراحتا ما له جواب اكيد خصوصا هنا ببريطانيا
فيه بعض الجامعات مثل جامعة سالفورد ممكن تعادل لك شهادتك ويقولون لك مثلا خلاص ادخل الجامعه بدون الفاونديشن يير
والبعض مثل جامعة مانشستر يقولون لك لا اول تاخذ الفاونديشن ومن ثم نشوف امكن نعادل لك شهادتك وننقص لك سنه ولا سنتين من دراستك الجامعية
على العموم انت لما تجي تقدم سواءا للجامعه او الفونديشن يير حق الجامعه هم يطلبون منك كل الشهادات اللي موجودة معك وراح يقررون بعد كذا
علشان كذا تاكد انك تجيب شهاداتك واوراقك معك مترجمه وجاهزة والخطة الدراسية واللي هي تبين المواد اللي انت درستها وشرح عنها واذا انت لسى ما جيت حاول تراسل الجامعات من اول وتاخذ قبول اوكي عن طريق احد المكاتب اللي موجودة حولينك
واذا جيت هنا ان شاء الله قبولك بالبعثة ما راح يكون صعب ولكن ياخذ وقت لا اكثر ولا اقل اذا انت مجهز اوراقك وقبولاتك تمام
وان شاء الله اكون افدتك

جزاك الله خير...

الفونديشن بير حق الجامعه هل هو اختبار او كورس وكم مدته؟

الفاونديشن يير هذا عبارة عن كورس
حطوه لانه على قولتهم انهم ببريطانيا الطلاب يدرسون 13 سنة بالمدرسة
اما احنا ندرس 12 سنه
ولذلك حطوا السنة هذي كتعويض اللي هي : Foundation Year
ومدتها تقريبا 9 اشهر
المواد اللي راح تدرسها تعتمد على التخصص حقك وغالبا ما تكون : رياضيات - فيزياء - كيمياء وما الى ذلك
الخطة انك تلتحق بالفاونديشن يير بداية جانوري يعني شهر واحد ميلادي وراح تنتهي تقريبا على شهر تسعه وتدخل الجامعه على نهاية شهر تسعه اللي هو سيبتمبر او بداية شهر عشرة اكتوبر لانه ما تقدر تلتحق بالجامعه الا بهذي الاشهر بس
هذا يعني خطة اذا كنت مستعجل وتبي تخلص بسرعه
وان شاء الله انا اقول لو حاولت تراسل الجامعات اول ممكن انهم يطيحون عنك الفاونديشن يير وتدخل الجامعه على طول

السلام عليكم مشكووور اخوي على الموضوع الرائع ..

انا طال عمرك ابي أسأل إذا اقدر اروح ادرس لغه وبعدها بكالريوس وألتحق بالبعثه

لانه بالنسبه للقبولات اقدر اجيبها من مانشستر لانه اعرف واحد يدرس هناك بس الي ابيه منك انك تقولي الاكيد اني اقدر ألتحق بالبعثه ولا مثل مايقولون العالم انه توقفت

ومانشستر عجييبه خصوصا الأولدترافورد

ومشكوور ,,