تكفووون يا اهل اسكتلندا ويا طلابها ودي ادرس طب

اجاوبك عن اللي اعرفه اخوي ..

لغة سكوتلندا الرسمية الانجليزية، سابقا كان لهم لغة واندثرت اللي هي الـ Scottish Gaelic
فيه فرق في " اللهجة " بين انجليزية سكوتلندا وانجليزية انجلترا وانجليزية ايرلندا، اذا كنت متعود على اللهجة الأمريكية "ممكن" تواجه صعوبة في البداية، الصعوبة اقصد من ناحية التعامل في الحياة العامة، لكنها مو صعوبة تعقدك أو تخليك تندم لا سمح الله على اختيارك.

أما من ناحية الدراسة فالمدرسين لهجتهم واضحة جدا وممكن ما تقدر تفرق بينهم وبين اهل الجنوب " انجلترا "

من ناحية التوفل والايلتز فهي اختبارات مطلوبة للدخول للجامعات في بريطانيا بشكل عام، والمطلوب واحد منها طبعا عشان تبين مستواك في اللغة الانجليزية، طبعا اختبار التوفل هو النسخة الأمريكية لتحديد مستوى الطالب بينما اختبار الايلتز هو النسخة البريطانية.

قد يُطلب اختبارات أخرى بناءً على التخصص وهذا شي ما عندي علم عنه مع الأسف.

بالنسبة لتفاصيل دراسة الطب من ناحية المدة والتكاليف في جامعة أدنبرة ( وهي بالمناسبة من أقوى الجامعات في العالم في مجال الطب ) فتلقاها اخوي في موقع الجامعة www.ed.ac.uk

والله يوفقنا وياك