كل الي راح قبلنايدخل والله الكل حيستفيد

الله يوفقك
بس اختي اذا تبين اجوبه اكثر من اللي الاسئله اللي حطيتيها
والتفصيل الممل على قولتك
ادخلي المواضيع المثبته فوق فيها كل شيء
ترى السفر مو اختراع ذره
عادي كنك طالع من جده للرياض خخخخخخخخخخخخخخخخ
اقرأي المواضيع المثبته فيها كل اللي تبين وبعدين اكتبي اسئله
بالتوفيق

اختي بارك الله فيك .... تعرفين لو حصلنا احد يجاوب لنا على هذي الاسئله بكل بساطه وبشرح حلو صدقيني ما حنطلع من السعوديه إلى بريطانيا إلا 90% من امورنا تمااام
ما شاء الله عليكي اسئلتك كلهااا قويه وجميله واجوبتها تفتح الافق في وجه المبتعث حيث انك اتيتي بأهم الاسئله ...

انا سؤال اخر عن كيفية اجراءات الزوجة للاخ المرافق لاخته رجاااااااااااااااااء ردوا

عادي وبالتوفيق.................

الف شكر ع الرد ياابوجبل والي موحاب يرد لايستهزا كل واحد وقدراتة اللهيهديكم

بصراحه انا ما ادري بس ماني شايل هم الطلعه والله يوفقك واينا يارب وتحصلي ع المراد

تحياتي

ج1- تبداء الدراسه علي حسب القبول الموجود عندك والله اعلم انو سنه دراسه اللغه فقط يوجد اختبار واذا نجحتي يتم التحاقك بالجامعه واذا باقي علي النجاح في اللغه شي بسيط ممكن يكون هناك خليط دمج بين اللغه والدرسه واللغه انشاء الله سهله
ج2- بعد الملتقي تقدمي علي الفيزا وتسالي السفاره علي الاوراق المطلوبه وبعد اصدار الفيزا تذهبي للملحقي وتاخذي امر الاركاب وتسافري انتي والمرافق
ج3- يجب في حالتك ان تسافري وتكون الملحقه تعمل اي من يوم الاثنين الي الجمعه
ج4- هذا لسوال يطرح في الملحقيه (الله اعلم) واكتبي اسم المدينه وممكن احد من الاخوان يساعدك
ج5- مع العائل يوجد مميزات ومساوء ومنغزل ايضا والله اعلم
ج6- اول مكافائه تحصلي عليها بعد مرور شهر من تواجدك في الدوله المبتعثه اليها . والفتر بين تواجدك وبدء الدراس لا تزيد عن25 يوما ( راجعي موقع الوزاره الاسئله المتكرره) المبلغ لا يقل 20,000 الف ريال سعودي والله اعلم لمده عشرين يوم
ج7- بريطاني غالي وانا ما عندي تفصيل ممكن احد الاخوان يفيدك
ج8- الافضل الشحن والاشى هذا اعتقد كل شخص حر فيها والله اعلم

انشاء الله ان تكون الاجابه واضحه فان كانت صح فهي من عند الله وتوقيفه واذا خطي فهي من نفسي
والحمد الله رب العالمين
اخوكي مبتث الي امريكه ارجو منكم الدعاء لي وللمبتعثين بالتوفيق

ج3-

أرفع القبعه لكل من سافر لنيل الشهاده ورفع شأنه وأهله وأبلغه الله مناه وأبعدنا عن المحرمااااااات

البداية اختي تقريبا في كل وقت .. معاهد الجامعات احيانا تحدد بداية كل 3 شهور مثلا .. المعاهد المستقلة والخاصة بتدريس اللغة تقبل على مدار السنة بشرط توفر اماكن .. يعني تقدرين تقولين انها تختلف من مكان الى اخر.
أما بالنسبة للمدة اللي تكفيك عشان تصيرين كويسة باللغة فهذا شي راجع لك اختي وانتي تقدرين توصلين للمستوى اللي تبينه بحول الله اذا بذلتي الجهد المناسب
اللغة اما انك تدرسينها في معهد الجامعة اللي راح تدرسين فيها ماجستير، وهالشي فيه احتمالين: 1 تختبرين اختبارهم بعد انتهاء كورس اللغة وتبدين. 2- تختبرين ايلتز. وهالشي يختلف زي ما قلت لك من جامعة لجامعة.
أو انك تدرسين لغة في معهد خاص، واللغة مدتها سنة تحاولين خلالها 3 مرات انك تجيبين الدرجة المطلوبة منك في الايلتز، ولو ما قدرتي فيه طلب تمديد 6 شهور لدراسة اللغة ترفعينه للوزارة واحتمال يوافقون واحتمال لا.

تنتظرين اختي لحد ما تنتهي امور الفيزا وتصدرين قرار الابتعاث بعد صدور الفيزا وبعدين امر الاركاب ان شاء الله
رايي تنسقين من الان، بمعنى تحجزون فندق في لندن لمدة يوم او يومين، على حسابكم طبعا مو على حساب الملحقية، عشان تنهون امور فتح الملف في الملحقية وتعطونهم كل الاوراق اللازمة، وترسلون صور جوازاتكم للتسجيل في السفارة، وقبل كذا تحجزون من احد شركات تاجير السيارات سيارة تستقبلكم في المطار عشان توصلكم الى الفندق، وبعدها يكون معكم عنوان الملحقية تطلعون له بالاندر قراوند، فيه موضوع مثبت فيه رقم شركة تاجير استخدمته وكان ممتاز واذا ما حصلتيه اتوقع ان الرقم ما زال موجود عندي احطه هنا في الموضوع عشان يستفيد الكل ان شاء الله
السكن فيه طرق كثيرة، اما انك تسكنين مع عائلة، او سكن مستقل، بالنسبة للعائلة ففيه مكاتب موجودة الظاهر في الرياض ممكن تجيب لكم سكن عائلة واحتمال المعهد نفسه هو يجيب لك سكن عائلة بعد، ما عندي والله خبرة في موضوع السكن مع عائلة.
أو أنك تسكنين في سكن مستقل، وهالشي يعني انك تاخذين خطاب من الملحقية لما تفتحين الملف يفيد انك تستلمين مكافأة ومبتعثة عشان مكاتب العقار توافق تاجر لك وانتي طالبة. طبعا فيه مواقع في الانترنت تقدرين تتفقين معاهم انك تستاجرين منهم شقة مثلا لمدة شهر على بال ما تجين وترتبين امورك وبعدين ان شاء الله تاخذين شقة على ( المدى الطويل ) اللي هو اللونق تيرم، لان اجار المدى الطويل تشترط فيه المعاينة والحضور الشخصي عشان كذا ما راح يأجرون لك وانتي في السعودية.


شخصيا ما عندي خبرة في السكن مع عائلات ممكن احد من الاخوان او الاخوات اللي لهم تجربة في هالمجال يفيدك، كل ما أعرفه ان السكن مع عائلة يشمل وجبتين ( فطور - عشاء ). بالنسبة لي افضل السكن الخاص للاستقلالية، البعض يرى ان السكن مع عائلة افضل من ناحية ممارسة اللغة.


اول مكافأة اختي تستلمينها ان شاء الله في أول يوم 25 يمر عليك من الشهر الهجري، بمعنى، لو جيتي في يوم 26 مثلا وكانت المكافأة نازلة في يوم 25 ( قبل ما توصلين وتفتحين الملف بيوم ) راح تنزل لك المكافأة بعدها بشهر. ولو جيتي في يوم 15 وفتحتي ملف راح تنزل مكافأتك في يوم 25 من الشهر الهجري. وهكذا ..
والفلوس اختي انا في رايي مو اقل من 2000 باوند على جنب من غير فلوس الاجارات والاشياء الثانية، وهذا شي شخصي يختلف من شخص لآخر.
يعتمد اختي برضه على الشخص، يعني اذا كان الشخص يحب الاشياء السهلة وما يبي يتعب ممكن يشتري الكولا او الببسي بـ باوند، والتوست بـ باوند ، والبيض مثلا 10 بيضات بـ 2 باوند .. وهكذا.

واللي يبي يتعب نفسه شوي ويدور الاماكن الرخيصة واللي تسوي عروض على مدار السنة زي سوبرماركت ليدل وألدي وغيرها بيحصل البيبيسي بـ 25 بنس ويوصل إلى 19 في سوبرماركت اسمه فارمرز فود، وبيحصل التوست بـ 30 بنس، والـ 10 بيضات بـ 97 بنس.


الأغراض اختي اخذي معك احتياجاتك الضرورية من ملابس وغيرها، وحاولوا انكم ما تتقضون ملابس من السعودية الا على قد الحاجة، لأن أسعار الملابس هنا مقاربة للسعودية ان ما كانت ارخص وجودتها عالية. لو وصلتي هنا واحتجتي شي بعد ما تستقرين وكانت تكلفته عالية في بريطانيا بامكانك انك تخلين الأهل في السعودية يشحنون لك باسعار تبدا من 500 ريال وفوق على حسب الاشياء اللي تحتاجينها. طبعا لما تستاجرين شقة في بريطانيا غالبا انها حتكون مؤثثة عشان ترتاحين من وجع الراس والتأثيث والنقل للعفش وغيره، والأثاث اللي حيكون في الشقة يشمل حتى غلاية الموية والمايكروويف واصغر الأشياء اللي ممكن تحتاجينها.


اي سؤال ثاني لا تترددين في طرحة ..

الله يوفقنا واياكم ..