LinkBack URL
About LinkBacks
على طاري الفيزه ياشباب لاحد يسلم القبول الاصلي المختوم الى السفارة لأنهم ماراح يرجعونك إياه
يعني خذ حذرك وصور القبول
7 " يعني خذ حذرك وصور القبول
اليوم رحت للفيزا بعد ملتقى جدة المرحلة الرابعة حار يانار التفاصيل
اليوم رحت للفيزا بعد ملتقى جدة المرحلة الرابعة حار يانار التفاصيل
تنبيه: هذا الموضوع قديم. تم طرحه قبل 5629 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- يابرهومي7 "
انا اعطيتهم اليوم القبول الاصلي بس لاااازم تعبي معاه ابلكيشن عند الموظف انك تبغاهم يرجعولك القبول مع الفيزا وحيرجعلك
وانا الشي دا مسويه بنفسي اليوم
سلااااااااممز - هههههههههههههههههههههههههههههههههههه7 "
روح ربي يسعدك ان شالله ضحكتني من قلللب هههههه
معلوماتك أفادتني مررره وان شالله بس يجيني القبول
اروح اسوي الفيزا انا واخوي
ادعولي بس يجيني القبول مره قلللللللللق
شكراً - 7 "
اخي العزيز كلامك صح 100%
ويعطيك العافية
انا طلعت اليوم الثلاثاء الموافق 25/ 12
طبعا الابكلسشن حق الفيزا مسويه قبل الملتقي ولي اسبوع دايخ فيه المهم امس قلت خلني اطبعه واخذ موعد بالنسبة للمواعيد كلام فاضي لنو الموقع مو راضي يعطي مواعيد
فكرت وقلت خلني اتصور واشوفهم صباح الثلاثاء المهم قبل ما اروح لعندهم قلت خلني اتصل والله اتصلت ورد على وحدها تتكلم انجلش قلت لهم اعطني اي واحد يتكلم عربي
وكلمتني وحدها وقلت مو شرط تأخذ موعد تعال في وقت احنا شغالين من 9 الى 3 المهم تجيب معاك صورة من القبول وصورة من بطاقة الملتقي . قلت اوكيه
طلعت عندهم على الساعه 11.30 قلت خلني استفيد من الوقت . دخلت عندهم قال السكورتي عندك جوال قلت لا دخان لا ولاعه لا حديد لا قلت فيه حديد بس في اسناني
قال عندك الابكليشن قلت ايوا قال خلاص ادخل واعطني رقم انتظرت وصلت عند الموظف وماشاء الله عليه اعتقد اسمه ( مبارك ) في قمة الاحترام والتواضع والله عبي لي الابكليشن وببلاش وقال ترا هم يعبونه [35 ريال
قلت مو مشكلة لو تبينبي اعطيك قال لا بس انت قلهم انت اللي مسويه . اخذ الاورق واعطني ايصال باستلام الجواز وقال رحو سوي البصمات غرفة 6 انتظرت لغاية ما نادا الهندي باسمي ودخلت طبعا ما تتاخر عنده يصورك صورة الكترونية للوجه وكمان بصمات اليد مره اربع اصابع من اليسري ومره اربع اصابع من اليمني وبعد الابهام ويعطيك ايصال . قلت له طيب متي استلامها قال ممكن بكرة وممكن السبت بتجيك رسالة على الجوال ولو تحب نرسلها لك على فيدكس مافيه مشكلة قلت ممو مشكلة
ورجعت سألتهم عن الكشف الطبي قال ولله ماعندنا خبر يعني هم مو عارفين .
هذا اللي صار معي اليوم الثلاثاء الموافق 25/ 11/ 2008
بس لس ما عطوني الفيزا بس على الاقل انهزت الفرصة وماشيت في الاجراءات لنو خايق الوقت يدهمني .
على العموم نصحية اخوية كل واحد يحاول انو ينتهي من اجراءات الفيزا بدري واي سوال انا حاضر في الخدمة - الله يعطيكم الف عافيه يا شباب7 "
الابليكيشن من وين هذا
موقع الوزاره ولا كيف
وبعدين انا لحد الان ماجاني القبووووووول
يعني الله لا يهيني انتظر وامص حمررر
الله يسهلكم وما قصرتوا - طيب ياجماعه لازم المبتعثه تروح بنفسها ولا يكفي المحرم ويالنسبه للاطفال لازم نطلعلهم فيزا7 "
سؤال تاني بالنسبه للمحرم يطلعولوا الفيزا على طول ولا لازم اثبات انو مرافق عن طريق الوزاره - في داعي أجيب ضمان مالي؟ ومن وييين؟7 "
- يسلموووووو براد الله يعطيك ألف عافيه7 "
بس بسألك قبول اللغة حقك ؟؟؟ متى يبدأ ومتى ينتهي ؟؟؟ بعرف مدته كم ؟؟؟
والفيزا حقتك فيزة طالب او طالب زائر تأكد لي من هالنقطة
مشكور - يعطيكم الف عافيه على المعلومات بس لو سمحتم اذا ممكن الرابط الي ادخل عليه عشان اعبي الابلكيشن لا ني حايس فيه ليه كم يوم في الاخير طبعت واحد بس والله مو متأكد منه اذا هوه ولا لا وشكرا7 "
November 25th, 2008, 12:22 PM
سلااااااااااااااااام عليكم كيفكم يا حلوييييييييييييييييين
مبروك للكل البعثة
المهم تعرفو امس واول امس كنا في الملتقى وكدى
المهم وزعو القبولات زي ما انتو عارفين
وبداية دراستنا انا وصاحبي 5 يناير يعني مرة قريب
المهم تعرفو احنا ناس شغلنا حامي امس خلصنا من الملتقى في الضهر ورحنا انا وصاحبي مقهى نت
حتقلى ليش رحت مقهى نت
اقلك عشان ادخل موقع الفيزا واعبي الابلكيشين اون لاين
المهم حسنا في الابلكيشن لوووووووول والله طولنا وكل شويا يكون ناقصنا شي اهم شي وانت بتعبي الابلكيشين يكون معاك جوازك وقبولك وتاريخ ميلاد ابوك وامك
المهم خلصنا بحمد الله ورعايته وطبعنا ابو ام الابلكيشن وحسسنا بنشوة لوووول انجاز
المهم طبعا وقتها منتهيين لانو كنا امس ملتقى وبعدين رحنا نعبي الابلكيشن فحالتنا حالة فكل واحد راح اعطاها نووووووووووومة دا الكلام امس المهم
قعدنا وقتها نسال الشباب والناس والبشر عن الفيزا وكيف والاجراءات وكل واحد يفتي على راسنا
المهم قمنا اليوم الصباح يعني امس خلصنا الملتقى اليوم صحينا جري اتقابلنا الساعة 8 انا وصاحبي
وعلى فكرة الناس كان يفتولنا كمان على مقاس الصور كل واحد يديك مقاس
انا من ناحيتي اتصورت كلو 4 في 6 و3 في 4 حتى 6 في 7 لووووووووووول
المهم اتقابلنا انا وصاحبي 8 الصباح اليوم وقاعدين نوسوس نقول يالله امس خلص الملتقى شكلو محا يدونا فيزا اليوم حيمسكونا الباب يقولو بدرررررررررري لووووول
المهم ياليل رحنا وقعدنا نفحط في شارع ولي العهد من مبنى لمبنى كل مانشوف مبنى قزاز ندخلو لووووول المهم ما لقيناه الا على 9 وربع لووووول تخيلو
المهم المبنى ياليل تخلو كنتاكي في شارع ولي العهد على يمينكم وتطولو شوية كم متر عمارة كبيرة قزاز ازرق جديييييييدة ولسا في عمال شغالين تحت المهم من الجنب تدخلو تلاقو عمال بيشتغلو تدخلو تطلعو الدور الرابع
المهم ياليييييييييل طلعنا فوق
في سيكورتية ودنيا بس مافي الا كم نفر
قلنا عز الله مافي فيز
المهم صفينا سرى انا وصاحبي
وشوية السيكورتي دخلنا
فتشونا وقفلنا الجوالات والرجال شيك على اوراقنا وقال تمام قلت اخص ياولد مفي يعني موعد ولا شي
المهم دخلنا جوة وسحبت رقم ومن يوم ما سحبت الرقم جا دوري لوووووول ماكان في غير كم نفر
انبرشت للموظف قلي عفشك قلتلو هنا
ركزو معاياااااااا هنا
قلي اول شي
ابلكيشين الطلب من النت فين اديتو هوا
بعدين قلي صورة مكشوف الراس طلعتلو الصور كلها قلتلو اختر الاجابة الصحيحة لوول اختار مقاس 4 في 6 خلفية بيضا وما اخد الا صورة وحدة بس
وبعدين قااااااااال انت خادم الحرمين البعثة قلتلو اييييوة
قال فيييييييييين بطاقتك حقت الملتقى
الحمدلله كانت معايا قلتلو ابشر هنا اخذها صورها وطلع دفتر كبير فيه اسامي المبتعثات والمبتعثين حقين البعثة
وشخط على اسمي لوووووووول ورجعلي البطاقة
وعلى فكرة في البداية يدوكم ورقة تانية تعبوها واللي مايعرف يعبيها الموظف يعبيلكم هيا ب 35 ريال زيادة المهم
طبعا اديتهم كمان القبول وصورة منو
وعبيت ورقة اني ابغاهم يرجعولي قبولي الاصلي مع الجواز والفيزا مهم تعبو دي
وقعت كتير في اماكن كتير
ورسوم الفيزززززا 585 ريال فقط لا غير و5 ريال حقت اس ام اس واذا عبالك الورقة بياخد 35 ريال زيادة
المهم زبط الاوراق وحطها في شنطة واخدت الشنطة على قسم البصمااااااااات
دخلت بصمت اصابيع وعين وبعدين يقلك اتوكل على الله نرسلك مسج خلال يومين تجينا تستلم بالايصال اللي حيعطوكم هوا زي
المهم في حاجة مهمة للشباب والبنات اللي برة جدة مثلا لو تبغو تروحو بكرة تقدمو وماتقدرو تقعدو في جدة عااااااادي
انا صاحبي من المدينة اليوم لما رحنا قلهم ابغا استلم جوازي في المدينة قلبو ابشر ادفع 40 ريال ويوصلك بارامكس الى باب بيتكم
المهم ا ش كمان
على هرجة المرافقين
لقطتلكم هرجة وانا قاعد كدى عند الموظف جات مديرتهم وقاعدة تكلم الموظفين تقلهم ياشباب بالنسبة لحقين بعثاث خادم الحرمين مشوهم لا تردو احد لانو بتصرلنا مشاكل
المهم ياحلوين الفكرة ومافيها ياجماعة الحقوووووووو نفسكم بسرعة وهادا كلام والله والله انو كلو صحيح واليوم صار بالملي لا زدت ولا نقصت شي وماعليكم من اي كلام تاني ورحو طلعو الفيز بسرعة لانو على الساعة 10 ونص الصالة اتملت الحقو نفسكم
فالحمدلله زبطنا امورنا بدري بدري
لا وابشركم رحنا مكتب الخطوط السعودية كل الرحلات الى لندن نهاية ديسمبر واول يناير فللل ومقفلة الحقو نفسكم اللي بدايتو بدري انا وخوي لقينا بالقوة يوم 26 ديسمبر ومسكناها حجزنا بس
واللي مايحجز من الان مستحيل يبدا الدراسة في 5 يناير
وسلامتكمممممممممممممممممممممم