تختيم القبولات + خطاب العمل = تم الحمد لله

November 26th, 2008, 12:29 PM

سلااااااااااااااااااااام
ابي اعطيكم الاخبار لليوم الاربعاء
رحت الوزاره واخذت رقم 70 واطالع في الشاشه الا الرقم 50 قلت ياولد خلني اشوف موضوعي عندهم ولا لا رحت للموظف في الشباك وقالي خلك على رقمك يابن الحلال يخطيك يرضيك مو راضي المهم مع الصياح جا واحد ثاني وقالي وش عندك قلت انا زوجتي جاها قبول في معهد وانا في معهد ثاني في مدينه ثانيه وجبتلها قبول في المعهد اللي انا فيه قالي اووووووووووووووووووووووه موضوعك يبيله خطاب وامكن ياخذ اسبوع اسبوعين قلت هيييين
وادخل على الدكتور ماجد لقيت السكرتير اللي ( والا ماني بقايل ) الله يهديه المهم انه قاعد يصرف فيني كني طالع على حسابه
المهم شفت المكتب اللي قدامه موظف ابن حلال شرحتله الموضوع قالي رح عند الدكتور محفوظ الزهراني قلت (ونعم باهل الجنوب ولايهونون الباقين )
المهم رحت للدكتور محفوظ وقلتله السالفه من طقطق الى السلام عليكم وقالي ما في مشكله واخذ القبولات الجديده وختمها والقديمه اخذها وخرمها
الان طلعت واتذكرت (طمعت) الخطاب الموجه لادارة التعليم( مرجع العمل كوني مدرس ) وكلمته قال رح المكتب اللي قدامي رحت ولقيت موظف على اليسار املط ابيض وقالي الخطاب رح للشباك قلت انا من طرف الدكتور محفوظ ( مسوي واصل )
قال انت المحرم هات صوره من كرت العايله واعطيته وكتب عليه رقم الطلب والترشيح واعطاني الخطاب مدبس في كرت العايله وطلعت من الوزاره للسفاره واخذت ابلكيشن لي وللزوجتي وبس
وانتظروني السبت رايح للسفاره واعطيكم الاخبار بالتفصيل
على فكره وانا عند الدكتور محفوظ جا واحد يقول زوجتي حامل وما اقدر اطلع الا بعد شهر خمسه قاله سوي خطاب وجيب تقرير واكتب رقم جوالك على الخطاب ونتصل عليك وان شاءالله خير
سلاااااااااااااااااااام

• نشر عبر تويتر
• نشر عبر فيسبوك
• نشر عبر جوجل