مدينة Newport في جنوب ويلز

November 27th, 2008, 10:36 AM

استكمالا لموضوع المعهد

و رغبة في التركيز على هذه المدينة ارغب من الجميع المشاركة في وضع معلومات عن هذا المدينه



انا من الناس اللي خفت من المدينه و ما كنت ارغب فيها بس بعد ما جمعت معلومات عنها وجدت انه فيها ايجابيات و اشياء رائعه

ناهيك عن انها صغيره وسهل تحفظها و رخيصه مقارنة بالمدن الكبيره

الا انها قريبه من كارديف و تبعد عنها بس 10 كيلو الى 15 كيلو

يعني للي يحب يتمشى او يتسوق او يغير جو كارديف موجوده

[]طبعا فيها برج مشهور ما ادري اش الفايده منه بس شكلهم يحبوه هناك يعني لا حد يغلط في برجهم

ومن موقع المدينه لقيت فيها كل اللي ممكن تحتاجه سواء كنت بعائله او لا

زيها زي اي مدينه ثانيه

كل بريطانيا نفس النظام اتصور ما في شي جديد

و حسب ما قريت عشان البعض يتطمن

فيها حضانه تحط فيها الأولاد و هذا شي مهم بالنسبه للعوائل فيها انديه رياضيه فيها خدمة الباصات داخل المدينه و تقدر تعرف مواعيدها من موقعهم ناهيك انك تقدر تاخذ رقم تاكسي يجيك الى عندك و هذا برضه موجودفي معظم المدن البريطانيه





طبعا هذا النهر و بصراحه مدري ليش مغبر بس المنظر يقول انها مدينة جدا رومنسيه

فيها شوية قلاع على شوية حصون يعني فيها آثار

طبعا المدينة واضح انها دايم مبلوله او غرقانه كأنها حاطه جل و السبب الأمطار او خلونا نقول جوها الممطر دائما

يعني
باي باي يا رطوبه
باي باي يا جفاف

برضه يقولوا فيها متحف مشهور

طبعا فيها محلات تسوق بس واضح انها مو كبيره او مو مشهوره

بس مو مشكله كارديف 10 كيلو فيها كل اللي تحتاج

ويا شباب بالنسبه للأماكن المشبوهه اتصور انها اقل من غيرها في المدن الثانيه

مو زي بورنموث و برايتون كلها مشبوهه


بالنسبه للسكن اسعاره معقوله بالنسبه للفنادق

وفيه عدة خيارات طبعا هذا للي بيسكن لحاله و هذا الرابط

http://www.newport.gov.uk/_dc/index....tay.categories

حاليا هذا اللي جمعته و اتمنى منكم التصحيح و الأضافه

و للي زعلان من المدينه ترى ممكن تكون خيره و ممكن تكون جدا جميله

• نشر عبر تويتر
• نشر عبر فيسبوك
• نشر عبر جوجل