طلاب توركي ....من سيربح الكبسه...؟؟

أولاً أرحب بك في بريطانيا تحديداً توركي الحقيقه انا اول مره اسجل هنا لانه صراحه شدني موضوعك وقلت اخدمك
أولا المدينه صغيره نسبيا يعني فتره اسبوع الى اسبوعين تعرفين المدينه هي على البحر تعتبر من المدن الساحليه . الجو يعتبر دافئ مقارنه بلندن خذي معاك ملابس شتويه بس مو ثقيله انا الان اذا جيت ابروح للندن البس ملابس اكثر يعني جوها مناسب ومعتدل بالنسبه لمدن بريطانيا الاخرى .
التسوق المحلات مو كثيره السنتر صغير .تقل فيها نسبه السعوديين مقارنه بالمدن الاخرى أما العوائل فلم اصادف اي شخص معه عائله الاغلب عزاب " نصيحه لاتقولين كبسه تراهم مايصدقون احد يعزمهم اكتبي سيربح جائزه "
اما المعهد الحقيقه اول مره اسمع فيه اللي اعرفه ثلاث معاهد .
اقرب المدن بليموث واكستر وفيها جامعات
ايضا المدينه فيها مسجد وكم مطعم حلال وبقاله تبيع لحم حلال
اما اهلها لا استطيع اقول انهم لطيفين لانها تختلف من اشخاص الى اشخاص لكن عموم أهل بريطانيا يغلب عليهم قليلين الكلام
أما حضانات الاطفال فلا اعرف بس يمكن ان اسال البريطانيين اذا كنتي تريدين اي حضانه حتى لو انجليزيه
السكن يعتبر مناسب لباقي المدن متوسط واتوقع نزول السكن في بريطانيا في بدايه السنه الجديده
المواصلات الباصات والتاكسي . توجد عن بعض المطاعم خدمه التوصيل للمنازل
اقرب المدن الصغيره او القرى بالاصح بينتون ونيوتن ابد
فيها محطه قطار اسمها Torquay وأخرى Torre
يكثر فيها الفنادق لانه كما ذكرت ساحليه يعتبر ميزه لانك في حاله وصولك قدت تحتاجينه واسعاره مناسبه جدا
اتوقع انني غطيت الاغلب اذا احتجتي اي سؤال او معلومه اقدر اساعدك مع تمنياتي لك بالتوفيق

روووووووح ياشيخ الله يفتح عليك دنيا وآآآآآخره.......ويفرح اهلك فيك
أخوي فيصل معليش بثقل عليك بالاسئله:

1-وشلون معهد كابلن في توركي ..يقولون اغلبه قطريين.؟؟؟؟؟<<خليجنا واحدحتى بتوركي >>>خخخ
2-طلبتك طلب <<>>>>>>>>>تسألي عن الحضانات عندكم حتى لو هنديه موانجليزييه>>بايعتها هههههههههههههه
تعرف انا وزوجي ندرس بنفس المعهد ونفس الكورس ...ومتوهقين مع بنتي عمرها سنه و6شهور...يعني الحضانه ضروووووووووووووووووريه...الله يفتح عليك

- اما الاكل فيا اخويه العزيز لو فيه خمسمية مطعم انا لا استغني عن>>>>>>>>>>>>>قدر الضغط

مدري يمررونه في المطار أو لأ؟؟؟؟؟؟؟؟؟؟؟؟ولاتهون الجبنه السايله والعيش<<<خخخخخ

- من تجربتك وش رايك في الخدمات الصحيه في توركي؟؟؟؟؟
-
لوسمحت انت في مرحلة اللغه ولا لأ ...وفي اي معهد؟؟؟>>>>>>>ملقوفه


مره ثانيه اسفه على الغثه....اختك حايسه ومحتاجه لمساعدتك.....
تراك اول المعزومين...يعني اسمك انكتب بالقائمه
احنا بنات حمايل يعني ...مابنهزرش في العزايم

وكم لك فتره بتوركي ..يعني كثير ولا دوبك رحت؟؟؟
انطباعاتك عن الجامعه؟؟>>>>>>>>>>>>>>>>>>>>>>>>>>>>>>>>>>>>>>>>> >>>>>>>>
>>>>>>>>>>>>>>>>>>>اعرف بتقول هذي نشبه وماتنعطى وجه
تحملني بليز

الجو بارد في توركي وتنطق توكي الليهله بتصل درجة الحراره -7 تحت الصفر

http://www.accuweather.com/ukie/inde...code=TQ2%205AA

مدينه رائعة حيث انني قضيت شهرين فيها من عام الفيل كورس صيفي1977

أولا اشكرك على دعوتك لي
أما معهد كابلن فهذه أول مره اسمع فيه وحتى انني قبل كتابه الرد اتصلت على طلاب وعلى شخص بريطاني وكلهم أكدو انه اول مره يسمعون بهاذا المعهد أذا تريدين التأكد ارسلي لي صوره القبول لاطلع عليه وأتاكد من المعهد وهل هو معترف فيه من الملحقيه اما لا
أما الحضانات من دون طلب ابد انا اشوف لك الموضوع ابسائل البريطانيين وبعض الاجنسيات الاخرى من الهنود وغيرها " والله يخليك العروسه وعقبال ماتفرحين فيها
اما مساله ادوات الطبخ فلايوجد عندهم مانع من صحون وملاحقاتها أما الجبن وغيره فكل ماتريدينه موجود هنا في بريطانيا جبن بوك عسل رز ابو كاس اي شي بس تراه غالي نوعا ما مو مره أفضل لك من عفش وزياده ولخبط نصيحتي اما القدرالضغط فواجب احضاره والتمر والقهو والترمس لاني من جد فقدتته وملحقات القهوه من صفايه وغيرها
الخدمات الصيحه تعبر في بريطانيا مجانيه بأستشناء العلاج والافضل بعد وصولكم ان تذهبون الى اقرب مركز صحي وتسجلون فيه .
اما انا الان في مرحله اللغه معهد ih
لا بالعكس لاغثه ولاشي لو فيها غثه كان من الاول مارديت عليك بس انا مريت بنفس الحاله
وترى والله والله والله ان المساله عايديه لا تكبرين المسأله سفر وغربه وراح تشوفين السعوديين كنك في السعوديه يعني يوم وانتي تمشين تسمعين ناس يسلمون على بعض ويتعازمون عادي حتى في بعض الاحيان اذا كانت لغتكم ضعيفه راح يجلس معكم في الفصل ثمانيه سعوديين يعني كنت في السعوديه مع فارق الجو وطبيعه الناس ونصيحه اذا كان معكم وقت احرصي انتي وزوجك على اللغه ادخلو معهد واحفظو كلمات لاتروحون وترجعون من دون مراجعه الدروس لانها والله راح تفيدكم كثير من واقع تجربه.
أما كم فتره لي فليست بالكثيره
لايوجد فيها اي جامعه اقرب جامعه اكستير وبليموث
بالعكس نتحملك مغتربه وبنت البلد مع تمنياتي انك ماتمرين في اللي مرينا فيه لاتقليقين من الغربه بريطانيا من الدول التي لاتحس فيها بالغربه .
.وأمانه لاتنسيننا من دعائك.
اي سؤال انا حاضر

ابو ساري 1...
الف شكر على مرووورك
معلوماتك افادتني كثييييييييييير.........

الاخ فيصل مشكوووووووووووووووووووووووووورعلى المعلومات الرائعه..............وان شالله تكون في موازين اعمالك....

لوسمحت بما انك في معهذIH بغيت اسالك كم سؤال:::
1- كيف وضع الحجاب بالمعهد؟؟ووقت الصلاه هل هم متفهمين ولا لازم نشرح؟؟
2- هل لاحظت مضايقات للطالبات من الطلاب (((((السعوديييين طبعا))))
3-بالنسبه للسكن (غرفتين وحمام ومطبخ)مؤثثه او غير مؤثثه كم تكلفتها تقريبا؟؟ هل السكن عادة يكون نظيف خاصة من ناحية الحشرات...<<عندي عقده

آسفه على الاطاااله
والله يكثر من امثالك...ويفرج عليك دنيا واخره

ملاحظه::
اكثر شي يقهر انه الى الان ولا طالبه ولا حتى حس بنت قالتلي:
انا معك بتور كي...

بعد التحيه
المعهد اللي أنا الان ادرس فيه من ناحيه التدريس لابأس طاقم التدريس يعتبر جيد نوعا ما مقارنه بالمعاهد التي درست فيها سابقا بس يعيبه العرب سعوديين أمراتيين ليبين " السعوديه الأمارات ليبيا"
أكثر العرب في المستويات الاربعه الأولى لمنتري و انترمديه وبري انترمديه وانترمديه واما ما فوق فيقل العرب فيه وتكثر الجنسيات الاخرى
لو تلاحظين في اخر رد قلت لك ادخلي معهد لغه بالمملكه أفضل لك لكي يقل العرب ويقل الكلام العربي في الفصل يعني عادي تسمعين كلام عربي في الفصل كيف حالك نكت بالعربي .
أما الحجاب فلم أر اي طالبه سعوديه او خليجيه ولكن هم متعوديين على الحجاب بريطانيا من الطبيعي أن ترى أمرأه عليها حجاب تمشي في الشارع ولكن بعض المبتعثات تنزع الحجاب لأنها تقول احس اني ملفته للنظر ولكن هذه وساوس أبليس والنفس الضعيفه .
أما وقت الصلاه فتستطيعين أن تأخذين من المسجد ورقه تبين أوقات الصلاه
وعموما المعهد في ناحيه الصلاه مشكورين يوجد فصل فيه مجموعه من السجادات اي شخص بأمكانه الصلاه في خارج وقت الدرس في وقت الفراغ بين الحصص ووقت الغداء وللمعلوميه أغلب المعاهد متفهمه لذالك لان أكثر الطلاب مسلمين الذين يدرسون ويجلسون أوقات أكثر مقارنه بالاجنسيات الاخرى.
أما مساله المضايقات فأنا ذهبت من دون مبالغه الى أغلب مدن بريطانيا الكبيره اوالصغيره زياره أو عمل وبحكم أنني أعزب يعني شبابي وأتكلم مع أناس في عمري وشباب أقولها مستحيل أن يكون هناك مضايقه من الشباب الا للبنت التي يظهر منها ذالك فتاه لابسه جنز وأنواع المكياج والعطورات مستحيل أن تترك في حالها من سعوديين خليجين عرب الكل يريد أن يظفر بها .
أما والله المحتشمه لا أحد يكلمها كلام والكل يحترمها أنا شخصيا درس معي فتيات سعوديات والله متحشمات والكل وأنا منهم نكن لهن الأحترام والتقدير . ليس لأنها سعوديه بل لأنها أحترمت نفسها وفرضت أحترام الجميع لها أنا أكتب هذا الأسطر وهي ليست موجهه لك بل لك من قراءها من بعك وهذه نصيحه من شخص متواضع لجميع فتيات المسلمين أقول الفتاه هي من تجعل نفسها محترمه وهي من تجعل نفسها عكس ذلك ولا اقلل من بعض الحالات الشاذه قد يكون الشباب من هو غير محترم.
الحقيقه لستي أنتي أول فتاه تقول الشباب السعوديين جميع من اقابلهم من اصحاب عوائل او اشخاص يكلمونني من السعوديه او اقراباء السؤال الذي يطرحونه الشباب السعودي هل يضايق السعوديات ؟ لو كان هناك حاله مضايقه النظام البريطاني لايرحم تستطيع اي فتاه ان ترفع عليه شكوى . وانا انظر اليها من ناحيه ثانيه غربه وشخص يضايق ببنت بلده . احسها قويه . يا أختي والكلام موجه للجميع , اتوقع لو شخص يبحث عن فتاه الشارع مليان النايت كلوب البار وأسف على هذه الكلمات بس هذا الواقع يذهب الى لندن يدفع وتأتيه الفتاه . ومن وجه نظر افضل من المشاكل وأفضل للغه من ناحيه الحديث وتطوير اللغه وأنا والله يشهد لا أشجع على هذا الأمر فأل الكل يعلم حرمته . لكن من كثر الكلام الذي اسمع حببت أن اعلق عليه وآسف على خروجي عن الموضوع الرئيسي ولكن احسست ان الفرصه مناسبه لطرح الموضوع .

أما السكن فليس عندي أي خلفيه بحكم انني وكل الشباب الذين أعرفهم نسكن مع عوائل انجليزيه . أما الاسعار حسب ظني تتراوح من 400 باوند ألى 600 باوند كحاله خاصه وموقع مميز في وسط المدينه
النظافه تستطيعين انتي وزوجك ان تروه ونصيحه خاصه لاتقعون في مثل ما وقع فيه اغلب العوائل السعوديه انكم توافقون على السكن من دون ان تروه لانه مكاتب العقار تأريكم بعض الصور نصيحتي خذولكم فندق اسبوع او اسبوعين صحيح مكلف بعض الشئ ولكن سوف ترتاحون واذهبو لكم مكتب عقار وقد تجدون بيت وليس شقه بسعر شقه .
أما الطالبات فلم اشاهد اي طالبه عموم الطالبات والعوائل تجدينهم في المدن الكبيره او المدن التي فيها جامعات تحديدا
أما الحشرات فتكثر عندنا بشكل رهيب أنا الان وأنا اكتب هذا الرد أرى كم هائل من الحشرات حولي .







أمزح من ناحيه الحشرات لاكثيره ولاشي . اكثر شي انك تشاهدين الكلاب والقطط اعزك الله في الشارع مع اصحابها عموما هذا في الغرب
أذا احتجتي أي معلومه أبلغيني
مع تمنياتي لك بالتوفيق والنجاح لك ولأسرتك

اخوي الله يرجعلك لاهلك سالم غانم....وينفعك بعلمك انشالله.
...
#بالنسبه للمعهد عنوانه بصراحه على الخريطه طلع نفس معهد ih >>>>ماادري اش السالفه من بدايتها لخبطه في العناوين ...
وشكرا على نصيحتك لي بس من جد مافيه وقت اخذ دوره انجلش ..انا اتدرب في البيت عندي CDاختبارات التوفل وربك يعين>>>ماضي اسود مع اختبار (شبيه التوفل) سبق واختبرت وجبت370 يعني تكنسلت.............
# الحجاب:
اخوي انا متاكده ان الحجاب مالوف عند البريطانيين...وحتى لو مو مألوف مومعناته اعجبهم لبسته ..ماأعجبهم تركته ..مستحيييييييل
الحجاب امر الهي ..مو مزاجات ....انا اقصد هل المحجبات كثير بمعهدك>>وانت ماقصرت وجاوبت...
وبالعكس تطرقك للموضوع مهم كثييييييييير
الهويه عمرها ماتتغير بتغيير البلد:::سواء الدينيه او الوطنيه او حتى الاخلاقيه...>>وجهة نظر

والحجاب عمره مايحصر في العبايه السودا>>>لو نظرنا لحكمة لبس الحجاب لوجدنا انها :تغطية جميع مايلفت النظر يعني ..احترام لجسد المراه وحفظه ..>>>>>>طولت صح؟؟؟
و كنت اقصد وضع المحجبات ....هل ممكن يحطولنا سكشن خاص فينا أو لا...؟؟؟

وبالنسبه للمضايقات :
كلامك صح ...الانحراف سهل هناك...وبنات المكياج الكامل حتى في الغرب لهم نظره دونيه...يعني وقت قايله ودراسه ..مافيه تفسير للمكياج الكامل الا شوفوني..ومع كذا محد مسؤؤؤل عن تصرفات احد ..يعني مومبرر للمضايقات...
لكن سامحني اخوي على اللي بقوله واتمنى تتفهمني:
كمان لايمنع انه فيه شباب سعوديين حتى مع توفر احلى الاشكال والالوان من النساء...عندهم حب للاذيه ومطاردة اي بنت من السعوديه...حتى لو بالنظرات المؤذيه..بكل امانه ..انت بمعهدك لو فيه مجموعة سعوديين وسمعوا انه فيه بنت سعوديه معاهم مارح تجيهم حالة الاستكشاف حتى لو بالنظرات..

احنا نساء ماتربينا على التعامل مع الرجال لفترات طويله بنفس المكان ..اقصد في العمل أو الدراسه...يعني تنقصنا الجراءه في الحديث المطول مع رجال اجانب..وهناك حنكون مجبرين ..تخيل النفسيه المتوتره ..فمو ناقصين>>> لقافة اولاد حتى لو بصريه>>>>>>>>اعذرني على التعبير
انا قبل كذا رحت مصر وكنت محجبه..ومع كذا تضايقت من السعوديين...


جينا للسكن::
الف شكر على اهتمامك...
اشوى تهون الكلاب والبسس عن الحشرات>>>>خخخخخخخ
تعرف توركي ساحليه قلت اكيد فيها اعزك الله صراصير>>>عندهافوبيا الصراصير

#لوسمحت اخوي اذا فيه اي خبر عن الحضانات...ردلي ضرووووووووووري بصراحه عندي بنتي اهم من اي دراسه في العالم...







خاتمه:
فعلا (خير الناس انفعهم للناس)...مشكووور