اليوم رحت للوزارة والله يسرها ابشركم

December 27th, 2008, 10:28 PM

السلام عليكم ..
كيفكم يا اخوانا واخواتنا المبتعثين ..
إن شاءالله كل اموركم تمام وماشين في إجراءات البعثة مضبوط ..
انا كتبت هالموضوع لأني كنت اسمع عن تأجيل بعثة وماني عارف ايش مثل هالكلام
فحبيت اشرح موضوعي يمكن احد يستفيد منه ونكسب دعوه تفيدنا

انا اللي صار معي اني استلمت قبولي في الملتقى وكان عبارة عن قبول لغة فقط في معهد
SALISBURY(WELS) طبعا القبول من الوزارة عن طريق مكتب KAPLAN ASPECT وبداية الكورس في 2/3/2009م وأنا مستحيل أطلع في هذا التاريخ لظروف خاصة فجت ببالي فكرت تأجيل لكن سمعت انها صعبة وما ادري كيف طريقتها وكتبت عن حالتي هذي في هالمنتدى الرائع اللي يستحق أن نسمية (بيت المبتعثين) واقترح علي احد الاخوان في الموضوع اللي طرحته بأن أراسل المكتب اللي وفر القبول للوزارة وهو KAPLAN ASPECT
وأطلب منهم توفير قبول جديد بتاريخ مناسب لي وفعلا راسلتهم وكان رافض بالبداية وبتوفيق من الله ثم بإصرار مني اقنعت المكتب انه يرسل لي قبول في 11/5/2009م في نفس المعهد اللي هو SALISBURY(WELS) بس المعهد قال لازم تختم القبول من الوزارة ما ادري وش عرفه بالنظام اللي عندنا عموما استلمت القبول بعد 3 ايام والحمدالله رحت اليوم للوزارة بالقبولين
الأول اللي من الوزارة ومختوم عليه
والثاني انا دبرته من المكتب بدون ختم
المهم رحت لمقر وزارة الابتعاث -برنامج خادم الحرمين الشريفين- وأخذت رقم حتى اذكره كان 55 والحمدالله قريب جدا لأن كان الرقم على الشاشة 43 (((محظووووظ)))

المهم جا دوري في الكاونتر الأوسط ((فعلا .. خير الأمور أوسطها))
الله يجزاااااااااااااااه ألف ألف ألف خير لأنه كان رجال محترم ويقدر .. شرحت له ضرفي اني ما اقدر اطلع بقبول الوزارة لأن التاريخ ما يناسب لي لظروووف خاصة وطلب القبول الجديد وشاف الفرق بين القبولين في التاريخ عبارة عن اكثر من شهرين قال هذا يعتبر تأجيل ولازم ترفع خطاب وما تدري يوافقون ولا لأ..

أنا قلت له المعهد معترف فيه من الوزارة وأنا جبت قبول منه أبغى عليه ختم بس
لا تخليها معاملة تأجيل وحوسة.. قعد يفكر شوي وقالي خلاص اجلس شوي
وفعلا يمكن 10دقايق او ربع ساعة وسمعته يصوت باسمي جا وعطاني القبول الجديد مختوم عليه ختم الوزارة وبلا هم خطابات تأجيل وغيره بكذا انا أجلت البعثة عن طريق المكتب اللي جاب القبول للوزارة ..

طولت عليكم بس حبيت اشرح اللي صار معي يمكن مازال أحد يفكر يأأخر البعثة كم شهر يسوي اللي سويته والله يوفقنا وياااااااااكم..

وانتهت مشكلة القبول وبعد بكرا ان شاءالله الفييييييزاء الله ييسرها لنا ولكم..

• نشر عبر تويتر
• نشر عبر فيسبوك
• نشر عبر جوجل