ماهي وسائل النقل من لندن إلى بورموث Bournemouth ؟؟

يا الحبيب اول ما توصل هيثرو تطلع وتتوجه الى الاندرقراوند وتكون وقتها على خط البيكاديلي وتمشي الى ما توصل Green park وتغير الخط الى خط Jubilee الي هو رصاصي وتتوجه الى Waterloo وبعدها تروح تشتري تذكره ان بغيت single or return بعد هذا يكتبون على اللوحه بورموث والا بول احياناً poole

وتوصل بورموث وتوقف عند ازدا يا حبي لها من سوبرماركت :d
وبعدين تركب تكسري وتعطيه عنوانك وهو يوديك الى بيتك

وسعر التذكره ريتيرن 43 وسنقل اتوقع 37

وفيه اقتراح ثاني انك تروح بالباص من هيثرو الى بورموث دايركت وبالهناء والشفاء

تسلم يا مرتاح البال على الرد ..
والله شكلها وجع راس الاندرقراوند ..
طيب وش الفرق بين الباص والاندرقراوند ؟( من حيث مدة الوصول الى بورموث ) ؟
وهل اقدر اشيل معاي الشنط والعفش في الباص ؟؟

ايه اريح شي بالنسبه للعفش الباص لانه اول ما تنزل من هيثرو تحطها بمكان ولا تشيلها الا لما توصل بورموث
بس الاندرقراوند عندك تغيير بقرين بارك وبعدين تغيير ثاني في واترلوو وكل مره تشيل عفشك من ترين وتحطه بترين
وبالنسبه لتذكرت الباص اتوقع 19 باوند سنقل

تسلم يا مرتاااح ..
انت من ديرتي الأصلية بالسعودية ، وديرتي الجديدة في لندن .. ولعل الخافي اعظم ..

يالغالي انا جديد اول مرة أجي على بريطانيا .. فلو تتكرم يالغالي وتوضح لي طريقة الانتقال بالباص ؟
هل فيه محطه معينة قريبة من الملحقية بحكم ان الفندق الي راح اقيم فيه قريب من الملحقية ؟؟
او ان كل المحطات اقدر أروح منها ؟؟ ياليت تشرحها بارك الله فيك مثل شرحك للأندرقراوند


ولك جزيل الشكر مقدماً ،،،

الله يحييك يا يوفي اجل مدام بتروح الملحقيه دايركت او اوتيلك لازم لك اندر قراوند ولا تقدر تاخذ باص لان الباص على طول على ديرتك
وللمعلوميه انا كنت ببورموث الى قبل العيد والحين انا بلندن وجالس فيها الى بعد اسبوع وبعدين بروح ويلز طالع ابن بطوطه المبتعثين وانا اخوك

المهم يا حبيبي اول ما تطلع من هيثرو تمسك خط البيكاديلي لان ما فيه الا هو وتروح الى
Turnham Green وتغير من خط البكاديلي وتتجه الى الخط الاخضر الي هو District وتتجه الى المحطه الي بعدها على طول الي فيها الملحقيه اسمها gunnersbury وهذي يالغالي فيها الملحقيه ويقولون قريب جنبه اوتيل
فيه موقع للاندر قراوند من حسن حظك فيه شي بالعربي بعد وهذهي روابطه
http://www.tfl.gov.uk/tfl/languages/arabic/

وهذي الي فيها الخريطه
http://www.tfl.gov.uk/tfl/languages/...c-tube-map.pdf

واي حاااجه ياولد الهوم تاون احنا بالخدمه :P