مبتعث جديد New Member
الولايات المتحدة الأمريكية
أزف الرحيل , ذكر. مبتعث جديد New Member. من السعودية
, مبتعث فى الولايات المتحدة الأمريكية
, تخصصى media
, بجامعة unknown yet
- unknown, unknown
- السعودية
- Jan 2009
المزيدl January 3rd, 2009, 04:36 AM
January 3rd, 2009, 04:36 AM
عندي عدة تساؤلات
1-التقارير المطلوبة هل هي تقارير شاملة أم أشعة صدر فقط وهل تقارير المستشفيات الحكومية والأهلية على حد سواء أم هناك أفضلية لأحدهما عن الآخر
2-أيهما أفضل السكن مع عائلة فورا أم السكن في الجامعة ثم الإنتقال إلى عائلة
3-كم من المال يكفي حتى نزول المكافئة وهل أحول المبلغ إلى الدولار أم إلى الباوند وهل آخذ المبلغ نقدا أم أن هناك خطورة وإذا كان هناك خطورة فما السبيل هل البطاقات الإتمانية وبطاقات الفيزا حل؟؟؟؟؟؟؟؟؟؟؟؟؟؟؟؟أرجو توضيح الأمر
4-هل مستواي السييء في الإنجليزية سيعيق تعليمي أم سيحبطني أم سأتغلب عليه
5-أوراق العبور التي يتم تعبئتها في الطائرة كيف يتم تعبئتها لمن لايجيد اللغة وحبذا توضيح وترجمة محتواها
6-أهم النصائح لطالب جديد لايجيد الإنجليزية
7-كيف تتم الأمور أول أسبوع في الجامعة من ناحية الدروس الجداول التنقل الإحتكاك بمجتمع غريب
تــــــــــــــــــــــقبلواتحياتي------أزف الرحـــــــــــــــــــــــــــــــــيل
اهلين يا سيدي
معليش احب اوضح كلام شهد القلوب
بالنسبة لبريطانيا ما يحتاج غير اشعة صدر تبين انو مافي مرض السل فقط
مايحتاج ا ي شي تاني بريطانيا تختلف عن الدول التانية
طبعا هذا الكلام اذا فيزتك طالب فوق 6 شهور اما اقل من 6 شهور ما يحتاج تجيب شي بدليل انو الفيزا بتاخدها بدون ما تقدملهم ا ي كشف طبي هادا للمعلومية
يعني اشعة صدر من اقرب مستشفى مع التقرير حقها ومختومو باسمك اللي مطابق للجواز والحمدلله
بالنسبة للسكن انصحك انك ترتب مع معهدك يزبطلك عائلة في البداية الين ما تتعود على البلد وتعرفها
لانو المعهد حيرسلك ارقام العيلة وعنوانها وما عليك الا انك تطبعو وتوريه ا ي تكسي وحيوديك مايحتاج حتى تكون لغة قوية خليه يقرى العنوان والحمدلله
وميزة العيلة حيدلوك كيف تروح المعهد من البيت وانو في البداية ما تطفش لوحدك وتتجنن لانو في البداية الواحد ما يكون يعرف شي فلو انك في سكن خاص صدقني حتطق لكن لما تكون مع ناس في البداية تتسهل الامور انشالله
ولو انو لغتك سيئة هادا ماهو عائق لو انو الناس ماهي طالعة عشان تتعلم انجليزي كان قفلت معاهد اللغة صدقني في ناس بيطلعو لغتهم صفر وبيدبرو نفسهم في البداية بالاشارة باي حاجة كلها فترة وحتتعود وحتشوف نفسك شوية شوية بتتكلم لا تفكر وتحط في بالك انو الشي دا صعب لانو اسهل من الموية
بالنسبة للفلوس انا محول من هنا لباوند وشايلو معايا يعني اتوقع حاولي 1200 باوند تكفيك الين ما تنزل المكافاة والحق حول لانو دحين سعر الباوند نازل في حدود الخمسة ريال
اما الاوراق اللي تتعبي في الطيارة ماهي قضية المضيفين يساعدوك او ا ي احد في الطيارة جنبك يساعدك عموما ما يبغو غير العنوان اللي حتسكن فيه وكدى عشان كدى باقلك اطلب سكن عائلة يصير في كرت الطيارة ماعليك الا تنسخ عنوان العيلة اللي جاك على الايميل على الكرت
اما بالنسبة لاول اسبوع والكلام دا صدقني حتلاقي كتير زيك اوروبين وعرب وغيرو ومايعرفو انجليزي واتاقلمو انت فكر ليش حيكونو احسن منك ؟ يعني هما قدرو يتاقلمو وانت محا تقدر
لا اكيد باذان الله تقدر زيك زيهم خليك جريء حتى لو انك غلطت انبرش على الناس ياعمي وعيش المجتمعات هناك مو زي هنا دارين انك طالب وفاهمين الشي دا حيتساعدو معاك ما عليك
المهم تكون عندك الرغبة
وبالتوفيق ياليل
براد ابو اربعة January 3rd, 2009, 05:56 AM
7 " أنا شاكر ومقدر لك ياأخت شهد
والله يبيض وجهك يابراد وبصراحة ردك كان الجواب الكافي والشافي
شكرا شكرا شكرا
أزف الرحيل January 3rd, 2009, 07:01 PM
7 "
January 3rd, 2009, 04:36 AM
عندي عدة تساؤلات1-التقارير المطلوبة هل هي تقارير شاملة أم أشعة صدر فقط وهل تقارير المستشفيات الحكومية والأهلية على حد سواء أم هناك أفضلية لأحدهما عن الآخر
2-أيهما أفضل السكن مع عائلة فورا أم السكن في الجامعة ثم الإنتقال إلى عائلة
3-كم من المال يكفي حتى نزول المكافئة وهل أحول المبلغ إلى الدولار أم إلى الباوند وهل آخذ المبلغ نقدا أم أن هناك خطورة وإذا كان هناك خطورة فما السبيل هل البطاقات الإتمانية وبطاقات الفيزا حل؟؟؟؟؟؟؟؟؟؟؟؟؟؟؟؟أرجو توضيح الأمر
4-هل مستواي السييء في الإنجليزية سيعيق تعليمي أم سيحبطني أم سأتغلب عليه
5-أوراق العبور التي يتم تعبئتها في الطائرة كيف يتم تعبئتها لمن لايجيد اللغة وحبذا توضيح وترجمة محتواها
6-أهم النصائح لطالب جديد لايجيد الإنجليزية
7-كيف تتم الأمور أول أسبوع في الجامعة من ناحية الدروس الجداول التنقل الإحتكاك بمجتمع غريب
تــــــــــــــــــــــقبلواتحياتي------أزف الرحـــــــــــــــــــــــــــــــــيل