مبتعث على حسابي وتذاكر على حسابي

اخي يعتمد ان كنت ماجستير او بكالوريس

ان كنت ماجستير الانضمام على البعثة ياخذ من اسبوع ل3 اشهر بالكثير والبكالوريس قد يطول وقد يقصر يعني بالعربي انتا وحظك

والضمان المالي يعطوه للي معاهم تذاكر من الوزارة وعمري ماسمعت انو اللي على حسابهم ياخدوا ضمان مالي

بالتووووفيق

باذن الله اذا كان حضورك في المعهد 100% و معاك قبول جامعه، ولو تقدر تجيب خطاب تزكيه من احد مدرسين المعهد و يقول انه حضورك ممتاز و مشاركتك قويه,,,فا باذن الله تعالى ما راح يقولون لك لأ,,,بس اهم شي الحضور يكون كامل، داوم شهر بعدين روح الملحقيه افتح ملف و طلب انضمام للبعثه و خذ رقم الصادر و خل احد يتابع امورك في الوزاره بالرياض، بس خله احد باله طويل كل شوي رايح لهم..وهالطريقه تنفع سواء بكالريوس او ماجستير، وبتكون اسهلك لو تطلع لك امر اركاب من الوزاره، لأنه حسب تجربه بعض الطلبه اللي جو على حسابهم الخاص و انضموا التذاكر مايعوضونها و في الملحقيه تكون في صالحك....بالتوفيق

بالنسبه للماستر اتوقع مافي مشاكل .. وخصوصا اذا كان تقديرك جيد فما فوق لمرحلة البكالوريس

اعرف كثير من الشباب راحو على حسابهم شهرين بالكثير الا القرار صادر ومنضمين للبعثه

::

الله يوفقك ويكتب لك الخير ان شاء الله

جزاكم الله خييير
بس انا بكالوريس
نسبه 85
في كثير راحو على حسابهم والتحقو بس كان عندهم امر اركاب
انا بدون امر اركاب

والسؤال المهم هل يعطون ضمان مالي للمعهد للي طالع بتذاكر على حسابه ولا لا

وانا اول ما اوصل للندن اروح للملحقيه وا افتح ملف ولا اروح للمعهد

اذا انت على حسابك الخاص , ليش يعطوك ضمان مالي !!!!

اخي العزيز الضمان المالي فقط للي عنده بعثه , اما اللى على حسابه الخاص يتعامل مباشرة مع المعاهد والجامعات .

واذا تم الحاقك - ان شاء الله - يعوضونك عن اللى دفعته للمعهد .

روح اولا للملحقيه وافتح ملف , وروح للسفاره وسجل جوازك , وخلك نظامي , عشان لا صار معك شي لا سمح الله , انت معروف عندهم وقد جيتهم ويساعدونك .

في موقع الوزارة ان الي على حسابهم الخاص يعطونهم ضمان مالي للمعهد لمدى 22 اسبووووع

وين مكتوب اخوي !؟؟

الدارس على حسابه الخاص , يستفيد من الملحقيه الثقافيه هذه الاشياء فقط :


- نصت الفقرة (ب) من المادة الخامسة من قرار مجلس التعليم العالي رقم 1/8/1418وتاريخ 22/1/1418هـ الصادر بالموافقة السامية رقم 7/ب/5601 وتاريخ 22/4/1408هـ على أن تكون الدراسة تحت إشراف الملحق الثقافي سواء كان الدارس في البلد الذي توجد فيه الملحقية الثقافية تشرف على الطالب الدارس على حسابه الخاص إلا لمن لديه موافقة وزارة التعليم العالي على دراسته . ويستفيد الدارس على حسابه الخاص من الإشراف عليه من قبل الملحقيه فوائد كثيرة منها :-
1 - مساعدته على قدر الإمكان على تجاوز ما قد يعترض دراسته من عقبات .
2 - منحه تذكرة حسب النظام .
3 - منحه مكافأة التفوق حسب النظام .
4 - النظر في إمكانية إلحاقه بالبعثة حسب التعليمات .
5 - النظر في معادلة الشهادة التي يحصل عليها . إذ نصت المادة الخامسة من القرار أعلاه على عدم النظر في معادلة الشهادات الجامعية أو العليا التي يحصل عليها الطلاب الذين يدرسون على حسابهم في الخارج والملتحقين بعد صدور هذا القرار كما نصت الفقرة (أ) من نفس المادة على أن يحصل الطالب أو الطالبة على الموافقة المسبقة من وزارة التعليم العالي على الدراسة .




المصدر : نظام الابتعاث , موقع وزراة التعليم العالي .


لم يذكر عن ضمان مالي ابدا !

يا خوي فهودي الله يستر علينا بس انا مثل حالتك بتوكل على الله وكان ودي اخذ امر اركاب بس للاسف لارم انتظر قبول الجامعه وقبول الجامعه بيطول فقلت اروح هناك واستغل الوقت احسن لي الله يووفقنا وييوفقنا
ودمتم سالمين