ايش رائكم في دي الفكرة الكل حيستفيد وبسرعة ؟

السلام عليكم ورحمة الله وبركاته
كيفكم ياجماعة انشاء الله بخير بصراحة اليوم جاتني فكرة وانا جالس مع الوالدة الله يخليها ليا جالسين نفطر مع بعض شاي وشابورة بالسمن البلدي <<<<<<< نفسو فيها من زمااااااااان وصيتهم يرسلولي 5 كيلو ولا يهمكم ارسلولي عنوان البريد وارسلكم حبه حبه كل واحد ههههه
والله خرجت عن الموضوع بالمرة ههههههه المهم الفكرة ياشباب كالتالي
1/ كل شخص عايش في مدينة من مدن بريطانيا يحطلنا ايميلو عشان نتواصل معاه ويكتب اسم المدينة الا هو فيها عشان اذا احتجنا اي معلومات تخص الدراسة او اي معلومات عن المدينة الا هو فيها بكدا نسهل علينا كتير من الاستفسارات يكون الجواب طازة بالله ايش رايكم مو فكرة حلوة .

2/ والاهم من كل شي دي الفكرة راح تكون أمانة عن الشخص الا راح ينقل المعلومة ويخلي في بالو انو ربنا مطلع على كل شي يعني اذا كان ردو غلط الله ما راح يسامحو بالذات انو الناس في بلد غربة او راح يكونو في يوم في هذي البلد واكيد كلامي واضح ومفهوم للجميع .

3/ اذا عندكم اي اقتراح او فكرة بخصوص الموضوع والفكرة هادي لا تبخلو علينا يريت تشاركونا ياحلوين وبالتوفيق للجميع


تحياتي


لؤي