طلبي غريب شوي لكن...

لاإله الا الله
أخوي سبح واستغفر ربنا..
ذاكر دروسك وصلي على النبي
وقول الحمد لله على العافيه

الله يصبرك

الله يكفيك اولاد الحرام

وش رايك تزورنا بلندن

خلك رجل!!!!!!!!!

ياريتك سكت افضل
الرجال جالس يفضفض وانته تقوله خلك رجل هذي مشكلتنا انه ماعندنا الا خلك رجال طيب مافيه عندك كلمة ولو عبارة تضيفها تمسح عن اخيك المسلم الهم رب كلمة تقول لصاحبها اتركني ياريتك سكت بصراحة
اخي صاحب الموضوع صدقني الله يكون معاك بس اهم شيء حاول انك تتونس مع المجموعه اللي معاك في الكلاس وتاني شيء امشي مع اي واحد من اللي معاك في الكلاس من الاجانب منها تستفيد منه في اللغة وتاني شيء تراتاح معاه واعزمه معاك وروحو وتعالو مع بعضكم هذا افضل شيء الله يسعدك ترا الكل يمر بهذا الشيء بس اهم شيء انك تستهدي بالله بس انته في وضع لاتحسد عليه ابدا وعليك بالاتصال علي اهلك وتذكر مواقف جميلة عشان تنسي الهم
علي فكرة اتمنى اللي موجود في مانشيستر يزور اخوانا في الله والله لو اني عندك وقسما بالله لازورك واطفش اهلك بالزيارات الله يسعدك ويوفقك ويهدي صدرك ويريحك من الهم والغم ويعوضك بونيسه تفرح قلبك قولو امين الله يسعد ايام الجميع

اللهم اشرح له صدره ويسر له أمره وأجعل له من كل ضيق مخرجا...
عليك بدعاء الهم والحزن(((اللهم إني عبدك ابن عبدك ناصيتي بيدك ماضي في حكمك عدل في قضاؤك أسألك بكل اسم هو لك سميت بع نفسك أو أنزلته في كتابك أو علمته احد من خلقك أو استأثرت به في علم الغيب عندك أن تجعل القران الكريم ربيع صدري وجلاء حزني وذهاب همي برحمتك يا أرحم الراحمين))

الله يفك كربتك يااااارب ..

شف يا اخوي لا يضيق صدرك ..راح تتعب هاليومين وبعدين تتعود ..وهذا شي طبيعي جدا .. تبي تلاقي احد يونسك انا اقول لك ..

1) المسجد ... اكيد مليـــــــــان سعوديين و عرب واغلبه ناس نظيفه ماهم راعين شراب و خربطه

2) النادي السعودي .. مليون بالميه بتلاقي كثير سعوديين .. ادخل موقعهم وراسلهم اذا حبيت

وطمنا عليك اخوي ..ولا يضيق صدرك ترى مانشيستر ماليااااااانه عرب و سعوديين بس يمكن ما تعرفت عليهم لأنك كنت لاهي مع اخوك ..اكثر استغفار ..ربي يجعل لك من كل ضيق مخرجا

الله يجزاكم خير والله ان الكلام الي قلتوه ما يطلع إلا من اخوان و خوات حقيقيين, أنا المشكلة عندي اني اليوم صرت بالشقة بلحالي... والله ان صدري ضايق إلى الحين لكن ما اقول إلا ألا بذكر الله تطمئن القلوب, لا إله إلا الله.

خلك رجال...يعني الرجل ماعنده احساس ولا مشاعر؟أنت اللي خلك رجال!
أحيك اخوي زووم أنك اخترت شي صح تسويه انك تفضفض... زي ماقالوا الاخوان روح المسجد او لو في طالب مو راعي خرابيط في المدرسه اطلع وياه...وترا عادي تروح السينما لحالك!!! بس اهم شي يكون شي كوميدي عشان ما يضيق صدرك اكثر
و ترا حط في بالك هذه فتره مؤقته الاحساس اللي انت فيه بعدها راح تتعود على الوضع...طبعا الشوق للأهل راح يكون موجود...بس مو احساس الوحده اللي انت فيه...
أنا اقتراحي لو تدخل مواضيع مانشيستر و تشوف اللي يعجبك اسلوبه راسله على الخاص و اطلعوا جربها منت خسران شي باذن الله!

مقدرين وضعك وصعوبة فراق أخيك لك ولكن إن شاء الله ستجد رفقاء خير
أبحث لك عن رفيق صالح والقادمين لمانشستر كثر

ممكن يجي يشاركك المعيشة بس توخي الطيب الصالح الحريص على الخير والصلاة

والله يفتحها عليك