الأعضاء الإشتراك و التسجيل

الملتقيات
ADs

حاليا في بريطانيا>> حاضر للأسئلة؟؟

حاليا في بريطانيا>> حاضر للأسئلة؟؟


NOTICE

تنبيه: هذا الموضوع قديم. تم طرحه قبل 5538 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الملاك الصغير
    الملاك الصغير

    مبتعث مجتهد Senior Member

    الملاك الصغير غير معرف

    الملاك الصغير , أنثى. مبتعث مجتهد Senior Member. , تخصصى طالبة , بجامعة Swansea College
    • Swansea College
    • طالبة
    • أنثى
    • Swansea, Wales
    • غير معرف
    • Jul 2007
    المزيدl

    January 28th, 2009, 08:37 PM

    السلام عليكم


    اول شي
    وحشتوووووووووووووني يا الله حكمل تقريبا شهر ما اعرف عنكم شي يا احلى منتدى و احلى اعضاااااااااااااء
    و الله صح ما بدخل المنتدى بس يعلم الله انكم ما غبتو عني و كنت افكر متى يجيني النت و بسرعه ادخل احكيكم ايش سار معايا في رحلتي لبلاد الغربه>> بريطانيا
    حاليا انا في سوانزي و بدئت الدراسه خلالاص>>
    و لكم قصتي
    و اي سؤال انا حاااااضره>>
    اعذروني ما دخلت الفتره دي كلها لانو ما كان عندي نت و الجامعه ما طلعتلي بطاقه النت الا ليوم
    و دخلت على طووووووووووول

    رحلتي >>>

    كانت تقريبا اقلاعي الساعه 2 الظهر بتوقيت السعودية طبعا>>
    اتوجهنا للمطار قبل الرحله بتقريبا ساعتين و العفش اخذو اخويه من قبلي بساعتين كمان و هنا نصيحتي لا تااااااااخذو عفش كتير ترا بياخذ عليكم مره مشكله و كمان لا تتقلو الشنطه لانو انا شنطتي مره تقيله تخيلو فكولي هيا و خرجو نص ملابسي و حطولي هيا فكرتووون و اخر بهدله بس الحمدلله ما ضاع شي بس انو يعني قسمو ملابسي عشان تقل الشنطه..
    المهم وصلنا و الحمدلله مشيت الامور و طلعنا الطياره
    و ما اقلعت الا الساعه 3 تقريبا كعادة الخطوط السعوديه لازم تتأخر الرحله ؟؟؟
    المهم استغرقت الرحله تقريبا 7 ساعات ما وصلنا غير تقريبا 8
    مطار هيثرو>> مررره حلو بس مررررره تعب لانو مشينا مره كتير المسافه طويله بين نزول الطياره و محل ما تختمو الجوازات يعني اي احد معاه رجال كبير اعملي حسابكم انو مسافه طوووويله حيتعب انا بابا كلمتهم جابولو سيارت كولف وصلتنا لحد الجوازات و هاذا برضو مشي شويه مسكين المهم

    وصلنا للجوازات
    ان شاءالله ربنا ما يوقعكم فوحده جفصه و غير ودوده جدا زي اللي وقعت عندها اعوووذ با الله كأني عدوتها كرهتني في البلد من قبل ما اشوفها بس ان شاءالله ربنا يسخر لكم بأحد طيب المهم طبعا سألتني كم سؤال؟؟
    انت جيا بريطانيا ليش؟؟
    هل عندك جواز قبل جوازك دا و لا اول مره تطلعي جواز؟
    هل سبق لك و جيتي بريطانيا؟
    و كم المده اللي حتجلسيها في بريطانيا؟
    و اي مدينه حتكوني؟
    و ايش هو التخصص اللي حتدرسيه ؟
    اعتقد هيا هاذي الاسئله وووووو
    و طبعا سئلتني عن اشعة الصدر و بما اني مسويتها الحمدلله و معايا التقرير الطبي باللغه الانجليزيه ما اتعقدة الامور بس رحت مكتب تاني كدا و ختمولي هيا و خلاص//

    و بعدين يا حباااااااايبي نجي للعفشك
    الله لا يوريكم طبعا انا انصحكم ما تاخذو عفش كتير ولا تقيل كلو ارسلو من بدري او خذو اللازم و بعدين اهلكم يرسلولكم الباقي لانو ما في احد هناك حيقولكم رحمه كل شي بنفسك تعملو يعني عفشك انت تشيلو و تروح تجيب العربيه و انت تجرررررررو فتخيلو انا معايا رجال كبير بابا و معايا 5 شنط بابا يا الله يشيل نفسو يعني انا موت يومتها من جد انصحكم نصيحة مجرب او انكم روحو مع احد يساعدكم يعني اخوكم جوزك او اي رجال يكون قادر يتحمل..
    المهم تشيلو الشنط و تروحو لمن البوابه طبعا مشيه برضو شويه طويله بس في مصعد
    و بعدين تاخذو تاكسي و تروحو للفندق اللي انتو حاجزين فيه،،
    هنا احب اقولكم انا نزلت في فندق مررررررره حلو و موقعو جنان بس للي يبا يتمشى و يستغل وجودو فالندن و يشوف جمالها و روعة امكانها..
    الهلتون هو موقعو في شارع العرب و سعرو اليوم ب 100 باوند بس كان عليه عرض و لازم تحجزو من قبل بكم اسبوع لانو اسعارهم تختلف يعني انا مددت يوم اخذو مني في اليوم الواحد 150 باوند و طبعا هنا كل شي بضرايب ياخذو ضرايب و كمان تأمين على كل شي يعني اعملو حسابكم على 50 باوند زياده ترجعلكم عند المغادره في حال ما خذتو شي من الغرفه..

    اما الفندق التاني و موقعو جدا ممتاااااااااااااااااز لانو يبعد عن الملحقيه 3 دقايق بالكتيرررررر مشي على رجلكم و الله ما اعرف ايش اسمو بس من جد شكلو حلو و طيب و مره قريب بس انو بعيد عن وسط البلد يعني لو تبو تتمشو فالندن يبالكم تاكسي ربع ساعه او نص ساعه بالسياره عشان توصلو لوسط لندن
    لكن الفندق جيد و سعرو تقيبا 90 باوند لليله::

    على فكره التاكسي مرره غاليه يعني عشان تروح من المطار للفندق تقريبا 50 ال 60 باوند لانو بعيد المطار اما مشاوير وسط البلد ممكن 14 الا 20 او 25 باوند على حسب المسافه

    و بس نجي للملحقيه,,
    طبعا كلها سعوديين يعني الوضع كأنك في السعوديه كلللللللللللهم يتكلمو عربي مره مافيها قلق تروح عادي و تشوف مشرفك و تفتح ملفك و البنك قريب من الملحقيه ربع ساعه او 10 دقايق مشي على رجولنا تفتح الحساب بعد ما تاخذ ورقه البنك من المشرف حقك و تروح تفتح الحساب و ترجع تعطيعم اللاوراق ما ياخذ فتح الحساب اكثر من ربع ساعه
    يعني الملحقيه امورها عاديه ما تاخذ ان شاءالله اكثر من كم ساعه و انت مخلص

    نجي للانتقال من لندن الا البلد الا المفروض تروحها عشاااااااااااان تستقر
    هنا المصيبه التانيه برضو حقولكم العفش،،،
    طبعا لازم تكون حاجز الباص اللي حيروح من لندن للمدينه حقتك مثلا اكسفور سوانسي كارديف اي ان كان احجز من بدري لانو الاسعار تختلف او احجز اوف لاين بالنت لانو برضو ارخص لو رحت يومتها و قطعت التكت حق الباص ممكن يكلف 60 باوند للشخص ليش طيب انا سويتو بالنت اوف لاين ب 23 باوند شوفو الفرررق

    يعني ترى حتشوفو اشياء غريبه؟؟
    المهم نجي عند الباصات طبعا نرجع لمشكلة العفش الا معاه عفش حيتعب لانو يدف بنفسو الشنط الا القطار و حيشيلها و يدخلها و يحطها و بعدين يجلس زي الحلوين عاااااقل في مكانو

    المهم طبعا اذا وصل القطار المحطه او المدينه طبعا حتنول الشنط بنفسك و تشيلها لحد ما تلاقي تاكسي يساعدك في حملها و يحطلك هيا
    اناايش اللي تعبني انو معايا عفش كتير و انا مافي احد يساعدني يعني الوالد الله يخليه كبير و ما يقدر يشيل شي يا الله يمشي و مرررررررررررررره مرره مرررررررره برد لدرجه تجمممد اللاصابع لا تنسو القفازااات جدا مهمه و كمان مطره و كمان غيرنا باص يعني نزلنا في محطه و نزلنا عفشنا كلو و بعدين طلعت عفشي في القطار التاني و ركبتو عشان اروح مدينتي لانو ما كان في رحله دايركت للمدينه بس انتو حاولو تكون دايركت لانو اريح//

    و الحمدلله هاذه قصتي و القصد انكم تستفيدو من تجربتي ما توقعو في الاخطاء اللي وقعت فيها

    انصحكم

    لا تكثرو عفش
    الافضل يكون مع البنات رجال يساعدها يكون شاب يعني
    اما الاولاد الله يحميكم ما ينخاف عليكم ان شاءالله
    مرررررره برد تقلو في الملابس و القفازات و الشمسيه اهم شي هنا
    ايوااااا و البوت لانو الله يكرمكم الجزم القماش و الحركات ما تنفع هنا تنعدم ولازم تكون الجزم واطيه يعني ما تلبسو كعب يا بنات انصحكم ترا بتتعبو من المشي لانو مشي للييييييييييييل
    و ايش كماان ايوا عبو جوازكم اشعة الصدر اجوبه للأسئله الي قلتلكم هيا فيدكم
    طبعا غير الورقه اللي حيعطوكم هيا في الطياره لازم تعبوها و تحطوها في الجواز

    و اي سؤال انا حاضره

    انا جلست في لندن 3 ايام و بعدين انتقلت ل سوانسي
    الاسبوع الجي ان شاءالله حكمل شهر

    انصحكم تجو قبل ما تبدء دراستكم على الاقل ب بأسبوع او 3 /4 ايام عشان تتأقلمو مع الوضع
    انصحكم ترتبو كل شي من السعوديه حجوزاتكم الفنادق السكن كلو من بدري رتبوه
    و خذو معاكم مبلغ فيدكم حطوه فالبنك عشان للأحتياط الحمدلله ان شاءالله ما تحتاجو بس الافضل شيلو معاكم 1000 باوند كدا للضروف.. انت في غربه

    اي سؤال انا حاضره
    اعذروني على الاطاله بس و الله هاذا مختصر انا لو احكيكم ايش سار فيا >>>>
    شي يبكي
    بس الحمدلله انقضت و لله الحمد

    انتظرررررررر ردودكم بفاااااااارغ الصبرررررررررررررر
    احبكم جدا يا احلى اعضاااااااااااااء

    اختكم المتغربة >>
    الملاك الصغير
  2. الحمد لله على السلامه اختي


    اي فقدنااااااااااااااااااااك كثير



    اهم شي انك مرتااااااااااااااااااااااحه


    ياله وانا بعد كملت شهرين وثلاث اسابيع


    تجربه حلووووووووووووووووه والحمد لله ربي من عليك بالاستقرار


    لاتقطعينا


    سي يووو
    7 "
  3. حبايبي نسييييت ما اقولكم
    ترى في مطار بريطانيا ما فتشونا مررره ولا احد ما مسك الشنط حقتنا عادي
    ولا اللاب توب ولا شي
    الاموررررررررررر مشيت بس زي ما قلتلكم الاسئلة و الاشعه عبوها و خلو اوراقكم معاكم جاهزه
    و كلو بالانجليزي ما في عربي حيمشي هنا اوكي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.