الأعضاء الإشتراك و التسجيل

الملتقيات
ADs

ليش كذا ياسفــــــــــــــــاره والله اجرمتو فيني

ليش كذا ياسفــــــــــــــــاره والله اجرمتو فيني


NOTICE

تنبيه: هذا الموضوع قديم. تم طرحه قبل 5532 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية القوسيه
    القوسيه

    مبتعث جديد New Member

    القوسيه غير معرف

    القوسيه , تخصصى طالب , بجامعة فنون
    • فنون
    • طالب
    • غير معرف
    • بريطانيا, جده
    • غير معرف
    • Jul 2008
    المزيدl

    February 5th, 2009, 12:11 AM

    السلام عليكم ورحمه الله وبركاته
    والله يااخواني بحكيلكم قصتي عسى الله يخفف من الحرقة إلي جوات قلبي ويمكن ألاقي منكم حلول تفيدني وأكيد راح يستفيد منها أكثر من شخص وان شاء الله مايوقعو بالي أنا وقعت فيه ...
    قدمت على فيزتي وفيزت محرمي فيزتي طبعا طالب واخترت لمحرمي زائر لانو مايبغى يدرس
    عملت فلاحه ومليت الابليكشن اون لاين شوفتو سهل سمعت انو الأمور بتتيسر ومافي تدقيق جامد على الابليكشن يعني مايضرك لو جاوبت شي خطاء لأنو اغلب الناس جاوبت خطاء ومشي حالها بس طبعا أنا مااخذت هذ قاعده لي لا بالعكس ترجمعت نقطه نقطه...
    الاول بديت بفيزتي خلصتها وطبعتها ومسكت فيزت اخوي جاوبت على الاسئله ومر عليه سؤال يقول
    ماهي المده الي سوف تقضيها في الولايه المتحده ؟
    أنا كتبت في البيانات تبعي سنه قومت كتبت لاخوي سنه هنا تجي المشكله !!!
    طبعا مانتبهت للشي دا الا بعددددين بعد اسبوع ونص من تقديم الأوراق فرحت لأنو طلعت الفيزا روحت استلمها استلمتها نزلت السيارة إلا وأشوف ديك الورقة إلي وربي كرتها كره .... المهم رجعتلهم ثاني اسأل عن سبب الرفض الموظفين فهموني انو السبب مني وانو أنا كتبت مدت الاقامه في الولاية المتحدة سنه وهوا زائر يعني لازم يكون اقل من ستة شهور
    قولت ماعليكم صح انو موعد سفري مابقالو شي كثر بس مو مشكله نتوكل على ربنا دام الغلط مني ونصلح الغلط ولنا لقاء معاكم ثاني ونشوف من وين الغلط
    ورجعت.....
    عملت فلاحه مره ثانيه ويادي الفلاحة إلي موديتني في دهيه وعبيت الابليكشن اون لاين على أساس إني سرت حافظه الاسئله ومايحتاج بس قولت أنا فيها أمليها اون لاين واطبعها واروح اخلي الموظف يشيك عليها اذا فيها خطاء أخليه يطلع استمارة ويمليها لي ماكونت اعرف انو الموظف افلح مني وذكي بالمره ....
    المهم عملت كذا واستنيت الويك اند يخلص وروحتلهم على يوم السبت روحت وأنا كلي أمل بالموافقة الجديدة
    شرحت القصة للموظف إلي كان دوري عندو فهمتو القصه كلها قالي ولا يهمك
    بتاكدلك من كل شي ومن كل ورقه عندك واتاكد اخونا من الاوراق كلها قالي ارفقي كشف للحساب قولتلو اوك ماعندي مشكله اجيبو بكرا ان شاء الله الا فجاءه يقوم وياخذ اوراقي ويدخل على الاداره ويرجعلي يقولي لا ياأختي مايتحاج ترفقي شي خلاص كذا ورقك كامل بطاقه الملتقى تغني عن كشف الحساب ودخلت اوراقي مع اوراق اخوي على اساس انو محرمي وعلى اساس كلامهم انو اسمو مكتوب بالسفاره ومايحتاج ورقه كشف حساب مع أنها كانت أتفه ورقه ممكن أجيبها لو كونت اعرف انو دا كلو راح يسير فيني
    اكيد راح تسالو ايش سار فيها بعد دا كلو ايش في وراها نكبه ثانيه
    نقولللللللل اكيد وراء كل فلحنه نكبه جديدة
    المهم سلمت الاوراق من هنا والابتسامه مليانه بوجهي وطايره من الفرح قالي راح توصل اوراقك اقل شي خمسة ايام قولت يارب يسمع منك خلاص مابقى على سفري الا كم يوم تكفى عجلي لو تبغا vip ماعندي مانع اهم شي نخلص وعلى فكره نسيت اقولكم انو الي تترفض فيزتو يحلم انو ريال يرجعلو بس ماعلينا كل شي بيتعوض ان شاء الله وصبرت نفسي وخرجت وانا متاكده انو كل شي كامل وانو التاشيره راح تطلع روحت البيت استنيت 4 ايام كلها قلق واتصلت اسال الفيزا وصلت قالتلي ايوا وصلت انا داك الوقت طرت من الفرح
    فيزت محرمي وصلت يعني اموري راح تخلص يعني راح اقدر اسافر على الموعد يعني انا خلاص اموري اتسهلت ماكونت اعرف انو وراها اشياء واشياء
    ماجاني نوم طبعا اخذت نفسي ورحت على الصباح الساعه 9 ونص قالولي يابنتي استني الموظف الي يسلم الفيز يجي على 10 انتظرت نصف ساعه وجاء وياريتو ماجاء بداء القلق يشتغل معايه بزياده كاني داخله اختبار ماذاكرتو كويس جلست قدام الموظف قعد يدور بالظروف طلع الرقم قلتلو جيب الله يخليك اشوف طبعا هذا عارف انو عندي سوابق وانو اترفضت فيزت اخوي من قبل وعارف انو قاعده على نار قالي استني وقام رفعها على الطاقه عشان ضوء الشمس يبين اذا في ديك الورقه الله يهدها الي تسم البدن موجوده ولا لا والا يهزلي راسو مع تكشيره كبيرررره ويقولي ايوا في الا وانا رجولي مي شايلتني ايششششششش فييييييي!!!!
    ورقه ليششششش وهات يااسأله نهايت الاسأله دي ابغى الإداااااااااااارة وين الإدارة الا ويقولي انتي وقعي الاول انك استلمتي وربنا معاكي روحي الاداره وقعت وروحت للاداره
    اتفاهمت معاهم ليش وليش ايش الخطاء ايش المشكله مافي جواب ياناس ياعالم فهموني أيش سبب الرفض ياخذو الورقه ديك ويطلو فيها يقولي يااختي ماعندك سبب مو مكتوب السبب يمكن عشان ماجبتي كشف حساب قولتلهم مو شغلي هذا شغل الشخص الي استلم الاوراق مني هوا الي قالي مايحتاج قالولي طيب يمكن عشان اترفضت اول مره قامو رفضوها دحين قولت ايش هيا لعبه يرفضو كل مره وياخذو الفلوس ايش مالقوني غير انا اصرف عليهم دحين تحلولي المشكله دي هذا مو غلطي هذا غلطكم انتو طبعا طولنا بالغرفة يمكن ساعتين وأنا كل همي ابغا اعرف اجابه لاسألتي اقولهم طيب ايش الفايده من المكتب دا ليش ماتحلو المشكله تشوفو تتصلو على القنصليه تسألو ليش ما تعالجو المشكله يقولي ابدا هذا مو شغلنا احنا علينا ناخذ اوراق ونودي اوراق مالنا شغل بالمره المهم نهايت الهرجه معاهم هدوني وقالولي روحي القنصليه الي بحي الشاطي شرحولي مكانها قالولي لا تخافي راح يحلولك مشكلتك واقلها تقدري تعرفي وين خطئك وترجعي تقدمي من جديد قولتلهم ليش هيا فيها جديد ونصب كمان ايش دا.... قولت اوك بروح واشوف ايش يسر معايه اخذت نفسي وروحت للقنصليه ويادي القنصليه الي تخرع والله اول مره اوقف ورا واحد ماسك رشاش طبعا مارضيو يدخلوني قالولي ماعندك موعد وهذا صاحب الرشاش ورايا يعني الكلمه تطلع بالعافيه قولتلهم اوك كيف اقدر اخذ الموعد اعطوني الرقم قالولي دقي دحين واسأليهم جوا قالولتهم طيب دي سهله دقيت عليهم ردت عليه بنت شرحتلها وضعي قالتلي طيب احنا مانقدر نفيدك خلاص اترفضت اترفضت قولتلها ياامي دخليني ابغا اعرف سبب الرفض ايش هوا دا ترفضو على كيفكم انا ماعندي وقت بعد محاولات كثيره طبعا رضيو يدخلوني وتعالو شوفو كيف جوا اتفتشت اخذو الجوال وكل شي دخلت جوا وانا اقول في بالي ياعيني على التجربه الصعبه دي والله واتمرمطي يادوبه الله معاكي دخلت على باب يودي على باب وطبعا الابواب دي مو زي أي باب باب ماعمري شوفتو بحياتي شي يشبه الفرامه تبع اللحم بس ماعلينا دحين بالباب اهم شي ايش عملت جوا طبعا انتظرت حق 3 دقائق كان في ضابط امن قالي ايش عندك يابنتي قولتلو فيزت محرمي اتفرضت مرتين الرجال زعق قالي ليش كذا المهم الا وجاء البريطاني ومعاه وحده تعرف عربي أول ماعطيتو الورقه اشرلي على مكان الرفض قالي هنا مكتوب السبب قلتلو قالولي بالمكتب ماعندك سبب واضح قالي اهوا وقعد يقراء السبب ليه وطبعا الكلام دا كلو بنفخة رأس وباسلوب الله لا يوريكم ومن وراء الطاقه طبعا... حاولت افهمو انو انا مالي شغل بالموضوع قالي لا شوفي انتي في سؤال بالابليكشن قالك
    هل اتفرضت فيزتك قبل كذا انتي كتبتي لا ليش تكذبي ليش اخوي كذاب خلاص عشان كذا اترفضت انا داك الوقت افتكرت قولت ايوا صح مر عليه دا السؤال بس عشان استعجالي ماركزت وكتبت لا ليش كذا عملتي في نفسك يابنت قولتلو طيب عالجوالي المشكله اعملو أي شي اعطيكم فلوس زياده صلحلولي الخطاء وهذاك ماسكه معاه انو مرررررررررره ماايقدر يخدمني بشي خلاص انسي ماعندك حل غير انك تقدمي من جديد وفي احتمال 80% تترفض عشان اترفضت مرتين قبل كذا واخوكي سار من الناس الي صعب تطلعلهم التاشيره وممكن احنا بعد 15 يوم نطل بورقك بعد مانفحصو كويس ونقراء عنو انا داك الوقت الدنيا ظلمت بوجهي ليش سار معاكي كذا يابنت رجلي ماقدرت تشيلني نزلت مني دموعي شافني هذاك الرجالي تبع الامن الله يعطيه على قد نياتو سار يجري ورايا يابنتي استني والله يابنتي خير لكي يابنتي لا تزعلي الله يخليكي لا لا لا تبكي وسار يزعق مره حزن عليه المهم انا كذا خلصت قصتي بس اكثر حاجه خايفه منها انو الرفض هذا يكون سبب في انو مايقدر اخوي يطلع تاشيره بعد كذا ويكون مره صعب على اخويا انو يجي بريطانيا الله يستر ويسهلها من عندو يارب والله انو خلاص وكلت امري لربنا والله يكتبلي الي فيه الخير يارب ويسهلي اموري .....
  2. اختي الله يعوضك خير يارب

    وماتدري فين الخير تري اسأليني عن القنصلية البريطانيه تري هما شديدين للغايه خصوصا لما طلعتها من القنصلية نفسها قبل ثلاث سنين مو المكتب

    عموما انا في ذي الحالة انصحك لاتضعي وقتك معاهم بتطلع فيزا ولا لا

    حولي الدوله واكتبي خطاب للوزاره انه لهذه الاسباب اطلبة تغيير الدولة وروحي ايرلندا تراها تهبل وعاصمتها دبلن

    الله يفرج همك ويحل موضوعك
    7 "
  3. والله ضاق صدري عليكم الله يعينكم و ياجرك على اللي مريتي فيه...خلاص كفايه حرقه اعصاب و كلي امرك لأكرم الأكرمين، وصلي استخاره مره ثانيه و ثالثه، و لا توقفين الدعاء و كثري من حسبي الله و نعم الوكيل و الاستغفار
    7 "
  4. اختي والله مشكله

    والله يعينك

    وانا اقولك غيري اسم الموضوع وحطيه

    ليش كذا يا القووووووووووووووووووسيه ..والله اجرمتي بالسفاره
    .


    >>>>بيتكفخ الولد ...


    ..>>>قسم بالله امزح ترا




    وانا انصح ان محد يعبي الابلكيشن الا الي عنده خبره

    او يوديها مكتب يعبيها له ب 35 ريال


    يعني احسن من المرمطه


    وان شاء الله يارب تطلع فيزة اخوك وتسافرين يااااااااارب
    7 "
  5. ربنا يفرجلك همك ان شاءالله
    بس على حكاية الرفض في بنات من نفس دفعتي اترفضت فيزتهم مرتين وتالت مرة لمن كملو كللل شئ الحمدلله طلعت الفيزا حقتهم
    يعني لا تزعلي نفسك وربنا ييسرلك امورك بس انتي استخيري وان شاءالله كل شئ يكون تمام
    7 "
  6. القوسيه خييير لك اختي..

    واذا كنتي بتقدمي الاخوك على الفيزا مره ثالثه فيه مكتب الطيار قدام مكتب الفيزا وفيه موظف اسمه حسني هو اللي عبالي الابليكيشن شخص فاااهم وله خبره في دي الامور..

    ربي يكتبلك اللي فيه الخير يا عسل
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.