وصولي لندن + اكسفورد

February 8th, 2009, 01:30 AM

السلام عليكم ورحمة الله وبركاته : هذا أول موضوع أكتبه في هذا المنتدى الرائع وأتمنى إخواني وأخواتي يفيدهم خاصة للذين لم يصلو إلى الان إلى بريطانيا راح أحكي لكم ايش صار معي وصلت الرياض يوم الأربعاء تاريخ 4/2/2009 الساعة الثامنة مساء وبعدها رحت للمطار وشحنت شنطي كان معي شنطة كبيرة وزنها 33 كيلو وأخرى صغيرة 10 كيلو أنا كنت مجهز فلوس الكيلوات الزائدة لكن مشوها لي على طول الرحلة كانت الساعة 1:50 فجرا وصلنا تقريبا الساعة ثمان ونصف بتوقيت السعودية جهزت معي الأشعة وشيكو عليها بالمطار اللابتوب لم يسألو عنه بعدها كان في إنتظاري التاكسي أنا حجزته وأنا في السعودية بثلاثين باوند أوصلني للملحقية وصلت الملحقية الفجر بتوقيتهم وجلست لين ما فتحو بعدها فتحت ملف وفتحت حساب من البنك قريب من الملحقية خلي الملحقية على يسارك وامشي تقريبا عشر دقائق تشوفه على يمينك بعدها رحت للفندق الذي حجزته الساعة أربعة بعدها رحت لمطعم لبناني قريب من الفندق اسمه elias تغديت فيه وبعدين تمشيت في الشوارع القريبة من الفندق حتى غلقت المحلات وبعدها رجعت للفندق و نمت. الفندق اسمه chiswick court hotel سعره 25 باوند في اليوم جددت معاه ليوم ثاني صحيت ظهر اليوم الثاني بعدها رحت لشارع العرب عن طريق الاندرجراوند وصليت الجمعة فيه صراحة هذا الشارع ذكرني بشوارع القاهرة بزحمتها وتحصل فيه جميع الجنسيات العربية ورجعت إلى الفندق الساعة 2 باليل ويوم السبت صحيت صباحا ورحت إلى big bin و عين لندن صراحة مره رهيبه بعدها رجعت للفندق وأخذت شنطي ورحت إلى أكسفورد طبعا أنا حاجز العائلة لس وصلتهم على فكره اللي معاه قبول لغة غير اللي عطتو الوزارة ترى مابيسألو مين فين جبت القبول ,,,,بالنسبه لمعهد كابلن اسبكت سمعته مره سيئة حتى الموظفين في الملحقية يقولو غيره لكن أنا رفضت وقلتلهم أنا منسق مع عائلة ومرتب وضعي على المعهد وعلى المدينة لكن قلت لمشرفي أرسل للمعهد ضمان مالي لشهر واحد فقط وهو أرسلهم على نفس اللي أنا أبيه بالنسبة للشعب الشعب مره طيب ولندن أمان أنا كنت أتمشى في اخر الليل وكمان لوحدي وعادي الوضع أما بالنسبة للمنقبات ترى الوضع عادي مره أنا شفت كثير في الملحقية وفي شوراع لندن الوضع عادي يعني لا تخافو وين ماتمشي شارع تحصل سعودي قبل ثلاث شهور كان عدد السعوديين 14000 لكن الان زاد 8000 وعددهم تجاوز ال 22000 الان أتمنى للجميع التوفيق

• نشر عبر تويتر
• نشر عبر فيسبوك
• نشر عبر جوجل