استفسار حساس ومهم بخصوص الفيزا البرطانية

الاحسن والافضل تكون صريح معهم

لانه لو اكتشفوا هذا الشيء راح تتمشكل ويصير تاخير لك بصدور فيزتك

وبإمكانك تعبي الابلكيشن وتسأل المسؤلين بالسفاره عن هذا السؤال وهم بيفيدونك أكثر
وبالتوفيق خيو
ولاتشيل هم فيزتك انرفضت لأمريكا

بس فيزة بريطانيا تتسهل ان شاءالله

شكراُ اختي ضي القمر على تعقيبك ونصيحتك والله يسهلها انشاء الله

السلام عليكم جميعااا !!

انا نفس الشي بس انرفضت ف الفيزه الكنديه ودحين ماني عاارف ايش اسوي خاايف انهم يرفضوني كمان

سجل عندك واحد نفر زيادة

الله يستر يا اخوان بس انا ما انرفضت من السفارة الامريكية عطوني الورقة الصفراء وقالولي لازم تجيب لنا خطاب الوزارة

الموجة للسفارة وحاولت في الوزارة بدون فايدة دقوا علي اكثر من مرة قالولي وين خطابك قلت ما رضوا

يعطوني بس بعيدين لما تعقدت الامور سحبت عليهم والله يستر من بريطانيا الحين محيوس حوسة في

الابليكيشن ما يعلم فيها الا رب العالمين خبصت تخبيص كاتب ان السبونسر هو وزارة التعليم العالي

بعدين عليهم اسالة صدع راسي منها ما عرفت اجاوبها في الاخير قمت اكتب اي كلام من راسي بس

ابي اخلص النموذج اللي عقدني في حياتي مثل مثلا كم راس مال المنظمة اللي ابتعثتك حطيت مليار كذا

من راسي انت الوحيد اللي مبتعث عن طريقهم حطيت نو قالولي عطنا اسماء ثلاث اشخاص مبتعثين من نفس

المنظمة وارقام جوالتهم وتلفوناتهم رحت سويت باك وحطيت يس عشان ما يطلعلي هالسؤال كأن الوزارة ما

ابتعثت غيري خخخخ بعدين في سؤال يقول هل حاطين لك ميزانية منفصلة قلت يس على اساس قلت يمكن

يسرعون الفيزا قالولي كم المبلغ اللي حاطين لك وتفاصيل كثير يوم شفت الدعوة كذا تخبيص رحت حطيت

باك وقلت نو وما طلعلي هالسؤال وهلم جر مع باقي الاسئلة السؤال اللي اتورط فيه احط باك ونو واريح راسي

واسئلة كثير غيرها معقدة بس ماني متذكرها الحين ولما رحت السفارة قالي انت

ظمانك هذا للجامعات لازم تجيب خطاب السفارة رجعت لنفس المصيبة حقت امريكا الخطاب المشؤوم نفسه

وراي وراي بكل مكان حتى اني صرت احلم في الليل واقوم مفزوع منه

قالي الموظف طلع الفيزا بضمان مالي شخصي للوالد وقالي اشياء ثانية تعريف عمل وكشف حساب وتعريف

بالراتب ودوخة ثانية وقالي ادخل على النموذج وعدل السبونسر ممكن تعدله المصيبة لما رحت ادخل على النموذج اعدل السبونسر

من الوزارة للوالد ما سمح لي الا اني اطبع بس ما يعطيني خيار التعديل وخلاص انا تعقدت من كثر ماهي خاربة كنت ابغى ادخل

على الابلكيشن ماهو عشان اغير من الوزارة للوالد كنت ابي اجاوب على كل الاسئلة اللي تتعلق بالارهاب بدال نو واحطها كلها يس

وما اقول الا الله يستر ويسهل وبس ويعيني ويعينكم على هالمصايب الوزارة والسفارة وبعدين يمكن تطلعلنا لملحقية وتكمل اللي ناقص!

اخوي ريح بالك
وخلي الموظف يعبي لك الابلكيشن

وتريح بالك من هم الاسئله اللي مالها اجوبه

وتراهم بس يعبون اشياء بسيطه

انا طلبت منهم يعبون لي الابلكيشن وريحت عمري

وبالتوفيق للجميع

ياليتني كنت ادري كان خليتهم يعبون لي واريح راسي انا قلت يمكن اون لاين

يكون اسهل وتطلع الفيزا اسرع النموذج بصراحة يطفش ويرفع الضغط

والسكر والحالة النفسية ماهي ناقصة !

فالله يعينكم يا اخوان اللي تعبون اون لاين والله مراعي حالتكم النفسية لاني

مريت بنفس الظروف واحولت عيوني يوم الاربعاء من الساعة 6 صباحا الى

الساعة 1 الظهر وانا اعبي في النموذج اللي اشبه بلعبة المتاهة اللي في الجرايد

لكن للاسف هاذي متاهة مالها مخرج تتوه فيها زيي وتحوس تحوس زي متاهة

الوزارة بدون نتيجة تدور في حلقة مفرغة في الاخير بدا التخبيص على

اصوله في النموذج عشاني خلاص انتهيت واعصابي تلفت ابغى اخلص بس

وارتاح من الهم مع انه فيه علامة تضغطها ممكن تخليك ترجع

للنموذج مرة ثانية وقت ثاني بس هاذي تنفع للي عنده صبر ونفسه طويل والله

يصبرنا على المصايب الوزارة والسفارة والملحقية ضاع عمري عشان هالبعثة

من جد الان بدت تقفل معي لازم اشوف حل نهائي في امل اني يوم من الايام

اكون مبتعث ولا لا اذا لا خلاص عفى الله عما سلف واشوف حياتي وارتاح من

هالهم والغثى والذل كاننا نشحتهم البعثة ليش يعطوني ظمان مالي من البداية

البعثة الاولى طالما انهم ما راح يبتعثوني ليش يوقفون خطاب السفارة

ويحوسوني مع السفارة بعد ما دفعت على القبول والسيفس ورسوم

السفارة الوف مألفة ودم قلبي حسبي الله عليهم ولا هدفهم بس يعقدوني ياليت

فيه جهة رسمية ارفع عليهم قضية تعويض عن الاضرار

اللي جتني منهم من الفين وخمسة الى اليوم 4 سنوات مماطلة ولا تطلع بنتيجة

تصريف في تصريف ما ادري وش اقول بعد واشرح عن معاناتي مع الوزارة

وتجاربي المريرة والمرمطة اللي تمرمطها لكن ما يحتاج اقلب المواجع وافتح

جروح ما اقول الا الله يسهل علي وعليكم يا اخوان ويريحنا من وجع هالراس

ونخلص امورنا من وزارة التحطيم العالي ومن السفارات الغثيثة ونكمل دراستنا

مع اني ما ادري كيف الواحد بيكون له نفس للدراسة بعد هالمرمطة بس الله كريم ما ودي

اكون زي الوزارة واحطمكم اقول تفائلوا خير والله يعينكم على همكم ويفرج

عليكم وتخلصون من هالفيزا الغثيثة .

يا شباب اكتبوا لا خخخخخخخخخخخخخخخخخخخخ وش بيعرفهم اصلا انك ارفضت من السفارة الامريكية ولا السفارة الكندية

اهم شئ سفارتهم ما أنرفضت منها بعدين كلها يومين هههههههههه والفيزا عندك

يعني ما يدميهم يسئلون السفارات انك ارفضت منهم ولا لا

بعدين الامور متسهله ان شاء الله ووالفيزا تطلع بسرعه والامور متيسره توكلوا على ربكم

عندهم خدمة VIP بـ 150 ريال
يعبون لك الابلكيشن أما بدونها مايعبون لك

انا انرفضت من السفارة الامريكيه
وقدمت على بريطانيا وجاوبت لا على سؤال الرفض
ومشت الامور الحمدلله
بنسبه لسؤال هذا يسبب لك مشاكل وفيه ظلم لك
بسبب المزاجيه الامريكيه
فأنا اشوف انه عادي لو تجاوب لا يعني ان مافي احد رفضك والله ولي التوفيق

تحياتي