الله يرزقكم الجنه اللي يعرف يرد

خلي خطيبـك يصلي ( صلاة استخارة ) للسفر معك واكمال الماستر ... واذا ارتاحت نفسة بعد الصلاة كويس اذا عادي يستشير واذا توافقت المشورة مع العزم في احد الامرين فيتوكل على الله في هذا الأمـر ...

أو يعيد صلاة الاستخارة أكثر من مره ...

أولا : الاستخاره .. استخيروا الله عز وجل في موضوعكم قبل كل شي ...

ثانيا : الأرزاق بيد الله .. من وجهة نظري روح مع زوجتك وكمل الماستر وهي تكمل دراستها وبإذن الله راح ترتاحوا وتتخرجوا بأحسن الشهادات .. ولا تدري ممكن ترجع تحصل وظيفة احسن من اللي انت فيها ..

ثالثا : بالنسبة للنظام خاصة انك راح تكون موظف حكومي .. خذها نصيحه : انت لازم تروح بنفسك وتطلع على النظام بوزارة التربية والتعليم ووزارة التعليم العالي وتتأكد من نظامية سفرك لو ان شاء الله تم تعيينك على وظيفة مدرس .. لان القرارات تتغير بين لحظة وأخرى ...

وبالتوفيق بإذن الله لكم .... وألف مبروووووك زواجكم مقدماً

موفقين لما فيه الخير والصلاح

كلام الاخ الدكان سليم
روح يابن الحلال وجرب يمكن مايجيك التعيين وتضيع فرصة الابتعاث يقول المثل عصفور في اليد خير من 10 عالشجرة وانت بيدك الابتعاث روح واذا صار تعيين يحلها الف حلال يمكن يعطونك اجازة او ... او ... ؟ الله العالم واذا تبغا نصيحتي روح مع زوجتك وان شاءالله ترجعون باعلى الدرجات .. وبيني وبينك اذا عينوك بيرمونك في قريه في اخر الدنيا وكم سنه لين توصل لمقر اقامتك مالك ومال الغثا اختصر الطريق ورح اتمشى واتهنا ترى مافيه ادنى مقارنه بين مدرس مكروف في قريه وحالته حاله وبين طالب علم يدرس في بريطانيا حيث الطبيعه والتعليم القوي والشهاده المضمونه


هذا اللي عندي والله يوفقكم ويوفقنا
امانه ادعوالي ان الله يفرج علي ويسهل فيزة المرافق

الله يجزاكم بالخير....

ومشكورين على الردود......انشاء الله يقرا ويقتنع

أول شي الله يوفقــ،،ـكـ ان شاء الله انتي وخطيبــ،،ــك

ثانــي شي وبصراحه أول مره اشوف شخص يتــردد في الإبتعــاث

اول شي اذا انت شايل هم التعيين ترى ياطويل العمر اسمحلي تفكيرك محدود << آسف قويه بس في مصلحتك

ومثل ماقالو الشباب استخير اول شي

ثاني شي انت الآن ان شاء الله طالع بتجيب حاجتين مو حاجه وحده بتضم لغة + ماستر

ياخي والله العظيم حرام تفوت هالفرصه اذا بتنتظر الوزارة والتعليم ترى الرواتب لك

عليها ليش دايم تفكير الناس حكومه وظائف حكومه ترى المدرسين بالسنه اذا مره مره تكرمو

عليهم زيادتهم 200 إلى 400 ريال بتجلس عشر سنين وانت راتبك توه زاد ألف ريال ألف وخمس

بس تعال شوف الشركات وقطاع الاعمال جيب لغة وكمان ماستر وتعال شوف

والله العظيم والله اني شغال في شركة معروفه ومن اقوى شركات الاتصالات ورواتبها مغريه

مدير المملكة شهادته ماستر من جامعه مايكروسوفت راتبه 75 ألف ريال اساسي غير السكن والفواتير والسيارات والتذاكر والتأمين ووووووووو ماشا اء الله ماشاء الله الله يزيده

وانا حاليا موظف ولله الحمد وراتبي الحمد لله واموري ماشيه بس ماشي في امور البعثه

وبطلع على حسابي ان شاء الله ياخي الطموح الطموح بعدين انت متوفرة لك فرصه

حلوه ياخي بتطلع مع زوجتك يعني انت افضل بكثير من العزاب كل شي ماشاء الله جاك لحدك

الله يوفقكم ان شاء الله وتكملون ماستر ودكتوراه وتجيبون عيال شقر ههههههههه

آسف ع الإطالة

دعواتكم بتيسيـــر اموري

المرافق الموظف يستحق اجازة مرافقة بدون راتب وبدون خدمة انا شخصيا مرافق مع زوجتي وهذا ماحدث معي .

أنا بقول.. ياخي انتوا بعز شبابكم ولسى ماعندكم عيال تشيلون همهم.. حلوة تحاولوا تطرقوا ابواب مستقبلكم سوية.. تعيشوا تجربة جديدة تعتبر حتى بعثراتها صقل لخبرتكم وسيرتكم الذاتية (المهنية طبعا) يعني هذي فرصتكم للمغامرة .. وثقوا تماماً حتى لو خسرت وظيفة الحكومة.. يجيك غيرها اذا كنت راعي عزم وهمة.. الوظيفة تجي الباحث عنها .. يعني في ناس ماعندها شهادات وكل يوم من وظيفة لأحسن منها.. لأن همتهم عالية وربي فاتحها بوجههم.. وفي ناس بدكتوراة بس العزيمة فاترة عندهم وتلقى حتى الوظيفة صعبة عليه
خلك طموح وتطلع للأفضل.. مو بالوظيفة بحد ذاتها ولا بالدراسة.. لكن بخوض تجربة مهنية وعلمية تستحق انك تخوضها

بالتوفيق
مااقدر ازيد على ردود اخواني الي فوق
كلامهم عين العقل
وترا الشغل من بدايته روتين ليه ماتحاول تغير حياتك قبل ماتبدا الروتين على اصوله