محتارة بين 4 جامعات ساعدوني

بليز ردوا باي حاجة ما أبغى اروح واتورط هناك الله يسعدكم اللي عنده اي معلومة يقولها لا تدخلوا وتخرجوا من غير تعليق بليييز .!

السلام عليكم ورحمة الله
اختي مبتعثه اسعد الله مساءك و الله يدلك على اختيار صائب وانا معاك امين ..
بالبدايه انا زيك محتار وعندي قبولات من 3 او 4 جامعات احدها swansea
حاولت ان اعرف المزيد عن كل مدينه ولكن بعد مادورت وسألت اعتقد اني بأختار swansea السبب الرئيسي في الاختيار مدينه جميله جوها معتدل اسعارها جدا مناسبة وجامعه جيده كما سمعت ..
اول شي وقبل لا تهمك قوة الدراسه لأنها في الاخير لما ترجعي السعوديه ماراح تفرق معاك كثير
ولكن الشي الاهم اسألي عن البلد من ناحية الامان الاسعار والمميزات الاخرى ..
برايتون مدينه جيدة قد يقارنوها بلندن مع فارق الحجم والاسعار فقط ولا تنسي الامان وهو الاهم يمكن مو موجود فيها بالدرجة الجيده ومع هذا نصحوني بها البعض ولكن الاغلبيه الاخرى قالو ابعد عنها .. المدينه الاخرى ذو الاسم الصعب essex لا اعرف عنها الكثير ولكن كان لي اصدقاء فيها ونقلو منها على بورتسموث ما اعرف وش السبب ولكن هذا اللي اعرفو وعلى قولتهم ما اخس من قديد الا عسفان ( اقصد بورتسموث مكان وجودي الان ) اما يورك فلا اعلم عنها شيء ..
لا انصحك بـ سوانزي لأني اخترتها ولكن حبيت اعطيك المعلومات المتوفره عندي
اتشيري واستخيري فما خاب من استشار وبالتوفيق ..

سوانزي اذكر شخص درس فيها قبل 3 سنوات ادارة مستشفيات ويمدحها ..

المدينه انا درست فيها اللغه خخخخخخخخخ معفنه بللغه بس اتغيرت في الاوقات الماضيه .

طبعا مدينه صغيره على البحر والجامعه مقابل البحر .

اسعار البشقق اغلا شقه 700 باوند وفي اشكال ثانيه تقريبا بي 600 الى 650 باوند شهريا .

فيها كل شي طبعا هي قريبه من عاصمتها اسمه (Cardiff) (كاردف) مدينه حلوووه وهادئه .

اعتقد فيه تخصصك (بكاردف)

انا اكلمك عن المدينتين هذي لاني ساكن فيها ..

اي شي من المدينتين اتفضلــي ..

سلام

برايتون واسكس اقربهم الى لندن وقد تكون برايتون مليئة بالعرب وامنه والجامعه مو هذيك الجامعه القويه جامعه برايتون عاديه.. والاسعار في برايتون تعتبر الاغلى من بين الى ذكرتيهم وان كان مو هذاك الغلى زي لندن

ايسكس الجامعه سمعتها كويسه بس ماني عارف عن تخصصك سوانزي الاسعار فيها رخيصه ونفس الشي يورك والجامعتين يورك وسانزي سمعتهم جيده .. يورك في الشمال اقرب لاسكتلند وليدز .. سوانزي اقرب لكاردف في ويلز ..

للمعلومية، الجامعات المذكورة غبر موجودة في التصنيف الأخير للجامعات في تخصص دراسات الإدارة والأعمال ما عدا سوانزي

أنصحك بسوانزي
زميلي حصل على دكتوراه ادارة المستشفيات من جامعة سوانزي ويمدحها كثير
وشوقني اني اعيش في هذه المدينة .. بس للاسف انا نخصصي ماستر وهذا القسم غير معتمد في جامعة سوانزي من قبل الملحقية ... لذا فضلت أغير الجامعة .

توكلي على الله المدينة رائعة ويمكن انك تطلعي عليها من النت .

شكرا لكل اللي ردوا عليا الله يسعدكم يارب ويوفقكم وجود بوي ايش تخصصك وكيف مو معتمد حتى انا بدرس ماجتسير نفس حالتك يعني فكيف الملحقية مو معتمدة التخصص ؟

ياعزيزتي غيرك يبغى نص جامعة مو طايل