السيارة في بريطانيا

هلا بك
السياره هنا تحتاج عدة اشياء اولا يكون معك رخصة سارية المفعول من بلدك ولازم تكون باللغه الانجليزيه لأنها تسمح لك بالقياده مدة سنه كامله من تاريخ دخولك بريطانيا
ثانيا اذا اشتريت سياره لازم تنتبه لحاجتين قبل الشراء وهو تاريخ الفحص الدوري(MOT) وهذا يكلف غالبا اذا كانت السياره سليمه بين 35 الى 65 باوند
وتارخ الرود تاكس وهذا يكلف بين تقريبا 200 سنه كامله وغالبا تجدد كل سنه يعني اغلب السيارات تكون فيها مدة صلاحية كم شهر
ثالثا اذا هالاشياء اللي فوق كلها اوكي عاد قبل اذا حددت السياره تاخذ رقم اللوحة حقتها وتدور لك شركة تامين مناسبه وشركات التأمين تعطيك سعر على حسب السياره نوعها محركها كم موديلها مكان السكن حقك امين غير امين عمرك نوع رخصتك ومن هالاشياء ....وانا انصحك بالموقع ذا ممتاز يقارن لك بين اغلب شركات التأمين اذا مو كلها ويعطيك الشركات اللي تناسبك
Compare quotes for car, home, travel & life insurance | moneysupermarket UK
بعد ماتخلص التأمين على خير خلاص تروح وتستلم السياره على بركة الله ونقل الملكيه يكون مجاني وصاحب السياره هو للي يسويها ويرسلون لك شهادة الملكية على عنوان بيتك.......

وبالتوفيق

مشكوووووووووووووووور ..

بس وشرايك اخلي الوالد يشتري ولا بلاش منها

والله بيني وبينك اذا مشاويركم تقدرون تتحملونها بالباص فالاولى ماتشترون لانها والله غرابيل مواقف بفلوس وضرايب ومدري وشو ولو وقفت غلط لدقيقه واحده راح يعطونك ضريبه لاتقل عن 60 باوند وربما اعلى .....اما اذا كنتم تحتاجونها ضروريا عاد الشكوى لله تشترون وتتعلمون نضامهم وكيف مواقفهم وكل شي قبل تبدون القياده

اوووووووووووف .. مواقف بفلوس ...

اجل بلاش منها .. هو يبيها عشان يسافر لمدن ثانيه

لا خلني اقوله يقفل على موضوع السياره ماله داعي

مشكووور ابو جبل

حياك الله......والله خير ماسويت....انا معي سياره وشكلي خلاص بستغني عنها....تعبت من دفع هالضرايب