الأعضاء الإشتراك و التسجيل

الملتقيات
ADs

نصائح جديده وغير مسبوقه باسلوب رااااقي وغير تقليدي

نصائح جديده وغير مسبوقه باسلوب رااااقي وغير تقليدي


NOTICE

تنبيه: هذا الموضوع قديم. تم طرحه قبل 5483 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية نفر سأودي
    نفر سأودي

    مبتعث فعال Active Member

    نفر سأودي المملكة المتحدة

    نفر سأودي , ذكر. مبتعث فعال Active Member. من السعودية , مبتعث فى المملكة المتحدة , تخصصى مهنه ايضا كويسه , بجامعة الدنيا
    • الدنيا
    • مهنه ايضا كويسه
    • ذكر
    • الحياة, غرفتي
    • السعودية
    • Jan 2009
    المزيدl

    March 24th, 2009, 01:24 PM

    سلام الله على الجميع
    اذا كان فيه نفر باقي له سنه وشهرين على التخرج
    وقاااااااااااااااافلة معاه من ناحية الدراسة
    وشايل هم الدنيا فوق راسه
    وله 6 سنوات يدرس بالبكالوريوس ولا خلص لين الحين
    يعني تلطم لين ما قال امين
    وما عنه وعن الدراسة
    ولكن ...
    نفسيته تحت مستوى الصفر
    ولا عاد عنده اراده ابد
    ومتبلد الاحساس
    وهو انسان طمووووح جدا
    ومتفوق بدراسته
    بس تدهورت نفسيته لاسباب كثيرة لا يسع المجال لذكرها
    الزبده الادمي بيموووووووت على ما ياخذ هالشهاده اللي ابطن وعيت تجي
    وباقي له سنه وشهرين غير الست سنوات اللي راحت من حياته عشان ياخذ ذا الشهاده
    المهم
    النفر هذا يحب يسمع من الناس كثير ويحب يسمع مختلف الاراء
    ولكن يقول ما احد جاب له جديد
    الكل ينظر وينصح وما احد جاب له طريقه تساعده
    وكل اللي قاعد يسمعه هي نصائح تقليديه معروفه مستهلكه وهو حافظها صم ويقدر يقولها لنفسه ولغيره باسلوب احلى
    هو ضااااااايع وتااااااااااايه
    ويبي احد يجيب له شي جديد
    يتوقع ان فيه احد موجود في هالدنيا عنده الحل لمشكلته بس انه ما لقاه لالحين
    وكله امل في انه يلقاه
    وهو يبحث عنه بكل جد
    لينقذه ويساعده
    الانسان هذا كله يقين بان الله سبحانه وتعالى هو القادر على كل شي وهو الملجأ الوحيد لكل البشر
    ويثق بربه عز وجل ويتوكل عليه ومحافظ على صلاته ويدعي ربه دائما
    يؤمن بأن السماء لا تمطر ذهبا ولا فضة
    ويؤمن بالعمل بالاسباب
    ولكنه لم يعثر على الطريقه المناسبه لهذه الاسباب
    وصل لحالة الملل من كل شي
    وان كل ما يقال له معاد ومكرر ومستهلك
    وما عاد فيه اي دافع يقدر يشده ويدعمه للانجاز
    صار يشوف العالم بنظرة خاصة فيه ولا يرى جديدا بالعالم
    يرى انه لا فائده من اي شي يعمله
    وانعدم احساسة باهمية اي انجاز ينجزه مع العلم ان له انجازات كثيره وحلوه ولكنه صار ما يحس بطعمها ولا اهميتها ويعتبر نفسه ما سوى شي
    يعني بالعربي مو عاجبه شي
    يفكر كثييييرا
    الزبده الرجال في ازمه فكريه ونفسيه تكاد تعثر عليه طريقه للحصول على شهادة البكالوريوس التي بدأ العمل لها قبل 6 سنوات
    ويتطلع لما هو مكتوب بعنوان هذا الموضوع
    واللي متعاطف وما عنده جديد يدعي لها الانسان
    وللجميع خالص الشكر والامتنان
    <<<تراه ما يتكلم عن نفسه خخخخخخخخخخخخخخخخخخخخخخخخخخ
  2. الله يكون بعيونك اخوي .. و6 سنين مغترب ما تنلام اكيد مليت ..

    نصيحتي تزووووووج .. بس المشكله كيف تتزوج وانت لسه ما اخذت الشهاده ؟؟ اذا هالحل ممكن فأنصحك لا تتردد وصدقني حياتك بتنقلب فوق تحت ..وبتحب دراستك والغربه وكل شي فيها دام زوجتك معك .. بالعكس يمكن تكمل ما جستير و دكتوراه بعد
    واذا صعب تتزوج ترى فات الكثير وباقي القليل .. يعني تبي ترجع الحين يوم ما باقي الا سنه ؟؟؟ تصبر واكثر استغفار وحط ببالك انها فتره وتعدي .. وترى الدراسه ببريطانيا ماهي متصله و ممله ..فيها اجازات وفترات راحه .. الله يوفقك و يفرج همك ياااارب
    7 "
  3. المشاركة الأصلية كتبت بواسطة NUS
    الله يكون بعيونك اخوي .. و6 سنين مغترب ما تنلام اكيد مليت ..

    نصيحتي تزووووووج .. بس المشكله كيف تتزوج وانت لسه ما اخذت الشهاده ؟؟ اذا هالحل ممكن فأنصحك لا تتردد وصدقني حياتك بتنقلب فوق تحت ..وبتحب دراستك والغربه وكل شي فيها دام زوجتك معك .. بالعكس يمكن تكمل ما جستير و دكتوراه بعد
    واذا صعب تتزوج ترى فات الكثير وباقي القليل .. يعني تبي ترجع الحين يوم ما باقي الا سنه ؟؟؟ تصبر واكثر استغفار وحط ببالك انها فتره وتعدي .. وترى الدراسه ببريطانيا ماهي متصله و ممله ..فيها اجازات وفترات راحه .. الله يوفقك و يفرج همك ياااارب

    الف شكر على الدعوة والمرور والله يجزاك خير عالنصيحه
    الزواج من الافكار اللي مرت علي ومقتنع تماما بانها فكره ممتازه جدا ومساعده
    بس للاسف ما ارضى على نفسي اتزوج بدون شهاده <<قناعه شخصيه
    واستحي اطلب من اهلي شي مثل هذا وانا قاعد اعك 6 سنوات في الدراسه وما خلصت
    وغير كذا تخيل شكلي بالله وانا رايح عند امي اقولها زوجيني
    بتقولي انجح اول وزوج نفسك <<<<انواع المواقف اللي مالها داعي ههههههههههههه
    اما سالفة بريطانيا ماهي مملة فأنا ارى العكس تماااااااااما
    والله انها بؤرة الملل والطفش والكآبه <<<يمكن هذا الرأي نابع من حالته اللي هو فيها
    بس بريطانيا من جد خايسه <<< اصلا ما فيه شي عاجبه هالايام

    الف شكر مره ثانيه على المرور
    7 "
  4. كان الله في عونك ياخوي
    وأسأل الله ان يجعل لك من كل ضيق مخرجا ويرزقك من حيث لا تحتسب..

    وعلى قولت NUS راح الكثير وما بقى الا القليل
    تصبر وعلى قولتهم الصبر مفتاح الفرج
    وكل ما ضاقت بك الأمور اعرف ان هذا دليل على ان الفرج والحل قريب

    بالتوفيييييييييييييق للجميع..
    7 "
  5. المشاركة الأصلية كتبت بواسطة wolf_761
    كان الله في عونك ياخوي
    وأسأل الله ان يجعل لك من كل ضيق مخرجا ويرزقك من حيث لا تحتسب..

    وعلى قولت NUS راح الكثير وما بقى الا القليل
    تصبر وعلى قولتهم الصبر مفتاح الفرج
    وكل ما ضاقت بك الأمور اعرف ان هذا دليل على ان الفرج والحل قريب

    بالتوفيييييييييييييق للجميع..
    شكرا لك أخي الكريم ولك مثل دعوتك
    وين الصبر اللي عنده صبر يبيعه لي وانا اشتريه
    ما قدرت القاه عجزت ادوره ما احد باعه لي يقولون مخلص
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.